|
Washington, 4 shkurt – Gjatё qёndrimit tё tij nё Washington, ku mori pjesё nё ngjarjen tradicionale “Lutjet e Mёngjesit”, ministri i Punёve tё Jashtme i Republikёs sё Kosovёs, Skender Hyseni ka pasur njё takim shumё tё pёrzemёrt dhe shumё pёrmbajtёsor me sekretaren amerikane tё Shtetit Hillary Clinton.
Megjithë praninё e madhe tё zyrtarёve dhe pёrfaqёsuesve tё lartё nga vende tё ndryshme, qё marrin pjesё nё Lutjet e Mёngjesit, sekretarja amerikane e Shtetit ka ndarё njё kohё tё mirё pёr takim me ministrin Hyseni. Takimi ka qenё i mbyllur dhe ёshtё zhvilluar “nё katёr sy”, njoftoi me anë të një komunikate sonte Ministria e Punëve të Jashtme e Republikës së Kosovës.Nё kёtё takim, ministri Hyseni dhe sekretarja Clinton kanё biseduar gjerёsisht pёr proceset nё Kosovё dhe rreth Kosovёs, sidomos pёr njohjet, pёr procesin nё Gjykatёn Ndёrkombёtare tё Drejtёsisё, si dhe pёr hapat qё duhet tё merren pёr tё çuar proceset nё Kosovё edhe mё pёrpara.
Ministri e ka shfrytёzuar kёtё takim pёr ta njoftuar Sekretaren Clinton me pёrpjekjet e mёdha qё po bёhen pёr shtetndёrtim. Por, gjithashtu, kёtё takim e ka shfrytёzuar edhe pёr tё ndarё disa nga brengat e Kosovёs qё lidhen me bashkёpunimin rajonal, me theks tё posaçёm bllokadat qё Kosovёs po i bёhen nё rrafshe tё ndryshme, pёr tё cilat Sekretarja e Shtetit kishte njohuri tё thella.
Ka qenё konstatim i pёrbashkёt i tё dy bashkёbiseduesve se ka pasur tё arritura tё shumta nё shumё plane, dhe se duhet tё vazhdohet me angazhime qё ky pёrparim i bёrё tё çohet edhe mё pёrpara.
Nё kёtё rast, ministri Hyseni e ka ftuar sekretaren amerikane tё Shtetit qё tё vizitojё Kosovёn, ftesё tё cilёn Hillary Clinton e ka pranuar me kёnaqёsi. Vizita e Clinton në Kosovë pritet tё realizohet gjatё kёtij viti.
K D
|
