|
Lëvizja Qytetare “ZGJOHU!” dhe organizatat tjera joqeveritare që janë pjesë e forumit ZGJOHU!, kanë ndjekur me vëmendje intervistën e Ministreshës së Kulturës Elisabeta Kamçevska-Milevska dhënë televizionit kombëtar A1 më 06 shkurt 2010 në lidhjë me proektin "Скопје 2014" dhe shfaqjen e pakënaqësisë spontane nga ana e qytetarëve.
Ministrja e Kulturës Elisabeta Kamçevska-Milevska theksoi që është e gatshme që të pranojë iniciativa nga komuniteti shqiptar dhe të tjerët për plotësim të proektit "Скопје 2014". Duke e përshëndetur gatishmërinë e Ministreshës, Lëvizja Qytetare ZGJOHU! dërgon këtë kërkesë për përfshirje të monumenteve shqiptare në sheshin e qytetit të Shkupit në mënyrë që ky shesh të rrezatojë frymë multietnike, multifetare dhe multikonfesionale, fryma këto që e karakterizojnë këtë shtet.
Lëvizja ZGJOHU! propozon që Qeveria dhe Komuna Qendër të ndërtojnë shtëpinë аutentike të Nënës Terezë ku qëndron pllaka përkujtimore për shtëpinë e familjes Bojaxhiu në sheshin Maqedonia. Më tej, “ZGJOHU!” ju propozon që të ndërtoni Xhaminë Burmali bashkë me monumente të Adem Jasharit, 28 nëntorit, 17 shkurtit, dëshmorëve të Ushtrisë Çlirimtare Kombëtare nga viti 2001, dëshmorëve shqiptar nga Maqedonia të rënë në rradhet e Ushtrisë Çlirimtare të Kosovës, dëshmorit të USHT Abdylselam Emini, Hasan Prishtinës, Ismail Qemalit, Isa Boletinit, Lidhjës së Prizrenit, Jashar Bej Shkupit, Mit'hat Frashërit, motrave Qiriazi, Ibrahim Rugovës, Ferid Muratit, Luan Haradinajt, Kullën Shqiptare si dhe shumë propozime tjera që do t'iu dorëzojmë në vijim për qytetet tjera në gjithë Maqedoninë.
Proekti përjashtues "Скопје 2014" ka gjasë që të reflektojë vlera të përbashkëta nëse përfshihen propozimet e Lëvizjes ZGJOHU! si dhe propozimet e bashkësive tjera të kombinuara me dy monumente që do të simbolizonin NATO dhe BE. Të gjitha këto të kombinuara do të ngjajnë në gjellën tradicionale "turlitavë" që më së miri e pasqyron shoqërinë e Maqedonisë së sotme.
Lëvizja Qytetare “ZGJOHU!”
www.zgjohu.com.mk
info@zgjohu.com.mk
Tel/Fax: 02/ 2636 240
Rr. Bitpazarska 127,
Çarshia e Vjetër
1000 Shkup
07 shkurt 2010
|
