|
Lëvizja për Integrim dhe Bashkim reagon kundër futjes së gjuhës maqedonase me detyrim në planprogramet shkollore për nxënësit shqiptarë
Futja me detyrim e gjuhës maqedonase si të detyrueshme për nxënësitë shqiptarë, pa u pyetur shqiptarët është edhe një fakt se si qeveria sllavomaqedone po vazhdon padrejtësitë ndaj shqiptarëve, duke i cilësuar ata si pakicë kombëtare. Pra, pushteti sllavomaqedonas po imiton politikën e pushtuesit serb që ai dikur bënte ndaj shqiptarëve në Kosovë.
Këto dhe shumë padrejtësi të tjera që po bën qeveria e këtij shteti duhet ta vetëdijësojnë popullatën shqiptare atje, se bashkëjetesa në këtë krijesë artificiale të quajtur Maqedoni do të jetë e pamundur. Prandaj, partitë politike shqiptare që veprojnë në “Maqedoni” duhet t'i unifikojnë qëndrimet e tyre kundër kësaj politike diskriminuese.
LIB-i konsideron se ato duhet të veprojnë në drejtim të trasimit të rrugës se vetëvendosjes kombëtare për shqiptarët. Kjo është rrugë e vetme për te jetuar të lirë dhe me dinjitet shqiptarët në trojet e veta.
www.lib-ks.org
|
