Ballina
Lajme
Opinion
Intervista
Histori
Kulturë
Të ndryshme
English
Galeria
Libri i miqve
Dërgo lajme
Kush jemi ne?
Kontakti
 
RSS Furnizuesi
RSS Furnizuesi
   
 
Për solipsicistat
Publikuar më 30 maj, 2015 në orën 14:20 ( ) Salih Mehmeti | Opinion |
Rrit madhësinë e shkronjave
Lufta në Kumanovë nuk është vetëm përleshja e armatosur me 9 dhe 10 maj. Më shumë sesa autoblindat, predhat, helikopterët sulmues, më aktiv ishin një pjesë e medieve në Kosovë që gjakojnë me e zhduk idenë e një rebelimi të përgjithshëm në Maqedoni. Duke e absolutizuar këtë status-quo aktuale, mediet që shtyjnë agjenda parapolitike kanë nisur të stigmatizojnë shumicën e atyre që u vranë në luftimet në Kumanovë.

Në përpjekje për të luajtur ikonoklastin, gazetari i Kohës Ditore, Enver Robelli në një artikull të tij i quan shumicën e të vrarëve si gjoja të përfshirë në haraç, shkelje të ligjit e akte delikuente. Ky gazetar që për disa momente kishte mbresën se është prokuror, ankohet se përse 9 të vrarët nga Kosova po celebrohen si heronj. Për Robellin nuk ka rëndësi nëse Lagjja e Trimave në Kumanovë u rrethua nga mijëra efektivë të policisë ushtarake maqedonase, mjete të blinduara luftarake e helikopterë sepse gjithçka ishte provokuar nga luftëtarët e UÇK-së. Ndryshe nga ky gazetar i Kohës Ditore, ish-kryetarja e Komitetit të Helsinkit për Maqedoninë, Mirjana Najçevska qysh në fillim ka thënë se veprimet e policisë përbëjnë krim kundër popullatës civile në Kumanovë. Pra, ende kur dhimbja po gërryen me dhjetëra familje në Kosovë për humbjen e djemve të tyre, gazetari Robelli në maninë e tij prej nekrofili rropatet të çkuptimësojë gjithçka, a thua sikur krejt kjo u ysht për një grusht para e prej disa pëshpërimave në Zyrat e Shërbimit Inteligjent të Maqedonisë. Në këto kushte kur opinioni është shërbyer për disa javë me raportime të gënjështërta mbi të vërtetën e Kumanovës, shkrime si këto të Robellit sajojnë përshtypjen sikur në grup aventurierësh për hesape meskine provokojnë një përplasje të armatosur. Ashtu sikur mediet e Gruevskit, edhe Robelli me disa medie po bëjnë të pamundurën për të depolitizuar luftimet në Kumanovë. Vetëm kështu sigurohet satanizimi i pjesëmarrësve, të cilët tash e tutje paraqiten si një grup te frustruarish qe përpiqen të zhvatin përfitime. Një logjikë e përçudnuar e keqkupton luftën si e nxitur nga thellësitë ireale të një invididi dhe jo si vazhdim i politikës me mjete të tjera. Rasti i Kumanovës nuk e prodhoi situatën aktuale në Maqedoni por anasjelltas. Zaten ai duhet parë si metastazim i segregacionit 14-vjeçar ku shqiptarët janë eklipsuar në kufijtë e së padukshmes. Luftimet në Kumanovë doemos se do ta politizojnë çështjen shqiptare në Maqedoni, për të cilën është pandehur se me Marrëveshjen e Ohrit është mbyllur. Marrëveshja e vitit 2001 është surrogate, përmes të cilës shqiptarët flijuan mundësinë për të qenë të pavarur me një bashkëjetesë në kushte poshtëruese. Pa ndihmë nga Prishtina e Tirana e të mpleksur në një luftë drobitëse mbi dy partive politike, shqiptarët në Maqedoni janë degdisur në atë që në teorinë post-koloniale quhet ‘subaltern’, një referencë për klasat e rrënuara sociale, të nemitura e pa mundësi të zërimit të problemeve të tyre. Një situatë si kjo prodhon një frymë solipsiciste, ku gjithçka përtej vetës shihet si e paqenë. Disa medie qëllimisht i kanë dhënë hapësirë një shkrimi të një banori nga Lagjja e Kumanovës, në një përpjekje për të përforcuar pretendimin se luftëtarët e UCK-së sollën shkatërrimin e gjithçkaje në këtë lagje. Është fjala për Hamdi Nuhijun, banor i Lagjes së Trimave. Shkrimi i tij është një lament jo për shqiptarët e vrarë, por për atë çka ai quan shkatërrim të rehatisë së tij. Ja një margaritar që dëshmon këtë rezonim pervert:
"Deri para asaj date gjithçka ishte në rregull me jetën dhe hallet tona të përditshme. As që kishim problem me dikë e as që na pengonte dikush në jetën tonë të përditshme"
Mjafton kaq për të kuptuar se një logjikë e tillë është përkufizimi i gjallë i solipsicizmit. Hamdiu nga Kumanova kuit sesi 9 maji zhduku atë që për të kishte qenë jetë normale. Hamdiu naiv beson se rahatia e mëparshme në Lagje reflektonte paqen e natyrshme e cila u prish vetëm nga luftëtaret e UÇK-se. Ai beson marrëzisht se edhe të tjerët e ndajnë të njëjtën rehati si ai. Atij s’i bën përshtypje se realiteti disa qindra metra larg lagjesh së tij e tradhton rehatinë e pretenduar. Ndryshe nga Lagjja e Trimave, e mbipopulluar shtëpi mbi shtëpi si një geto, disa qindra metra më larg ndodhen ndërtesa shumëkatëshe me një planimetri të rregullt ku jetojnë banorë sllavo-maqedonas. Mjafton ky mikrokozmos i jetës urbane për të sipërfaqë shtresëzimin e padrejtë në Maqedoni ku qytetarët rangohen në kategori varësisht etnisë së tyre. Hamdiu është epitomë e asaj kategorie shoqërore që shtypjen e natyralizon, pa e kontestuar asnjëherë atë. Ajo për ta bëhet aq e natyrshme, diçka krejt normale saqë çfarëdo përpjekje për t'i dhënë fund padrejtësisë, në sytë e Hamdiut dhe të tjerëve si ai shihet si jo-normale. Kjo është pikërisht ajo çka Owen Alik Shahadah, një aktivist panafrikan, e quan mendësi skllavi. Ai thotë se kur i tregon lirinë mendje-skllevërve, ata me gjasmë do të sulmojnë se po u prish parajsën: për ta liria është në zinxhirët e tyre dhe çlirimtarët janë armiqtë e tyre. Pikërisht me një sprovë të tillë do të ballafaqohej udhëheqësi ikonik, Kwame Nkrumah në sendërgjimet e tij për të mëvetësuar Ganën. Pavarësia politike, sipas tij, nuk do të ishte asnjëherë e mjaftueshme nëse nuk do të bashkëshoqërohej edhe me mëvetësi ekonomike. Por kur Gana po e krijonte staturën e saj ekonomike, Nkrumah do të nënkuptonte se gjithçka ishte përpjekje donkishoteske nëse nuk arrihej një pavarësi psikologjike, që do të thoshte shqitje nga mendësia e robit.

29 maj, 2015

Vërëjtje: Artikujt e botuar në albaniapress.com nuk shprehin domosdoshmërisht mendimet e stafit moderues!
 
 
Vlerësimi juaj për lajmin
I keq I dobët I mirë Shumë i mirë I mrekullueshëm
 
Salih Mehmeti
Shkrimet e tjera të këtij autori
Vlerësimi:
Jep vlerësimin tënd
Është vlerësuar nga 42 vizitorë
Lexuar: 559 herë
Versioni për printim Dërgoje tek miku/mikja juaj Shtoje këtë artikull në listën e favoritëve
 
 
Akuza e Milaim Zekës e ngjashme me atë të ...
E shtun, 17 prill 2021 - 01:11
Lufta në Kosovë tregoi se atë e zhvilluan të varfërit, fshati dhe vegjëlia e qytetit. Ishin ata që rrokën armët e u sulën kundër robërisë me a...
Gazetaria dhe propaganda: Kontribut për vetÃ...
E premt, 16 prill 2021 - 00:33
Ka kohë që në hapësirën shqiptare, më ndjeshëm sidomos në Kosovë, gazetaria është shndërruar në instrument të propagandës së partive e klan...
Shpirti i racës tonë duhet të na bashkojë...
E premt, 16 prill 2021 - 00:26
Përçarja kur atdheut i kërcënohet rreziku nga fqinjë gjakpirës është armiku ynë më vdekjeprurës. Ne duhet t`i premtojmë njëri-tjetrit vëllazÃ...
MEMORANDUM PËR MBYLLJEN E MISIONIT TË UNMIK...
E merkur, 14 prill 2021 - 22:22
AKADEMIA SHQIPTARO-AMERIKANE E SHKENCAVE DHE E ARTEVE NË NJU-JORK, SHBA, MË 14 PRILL 2021, MIRATOI: MEMORANDUMIN PËR MBYLLJEN E MISIONIT TË UNMIKUT...
Unë e dua stuhinë dhe kam frikë nga heshtj...
E hn, 12 prill 2021 - 18:57
Shqipëria është kapur nga „Partia e horrave dhe hajdutëve“, banditët e së cilës të gjithë janë për skllavëri, për çdo të keqe, për çdo...
më shumë nga - Opinion »
 
 

© 2024 AlbaniaPress.com :: Agjensia Informative Shqiptare Ballina | Moti | RSS | Kontakti
Të gjitha të drejtat e rezervuara Programimi dhe dizajnimi i faqës: Arlind Nushi