Ballina
Lajme
Opinion
Intervista
Histori
Kulturë
Të ndryshme
English
Galeria
Libri i miqve
Dërgo lajme
Kush jemi ne?
Kontakti
 
RSS Furnizuesi
RSS Furnizuesi
   
 
Këshillit Organizativ për Marshin Protestues nga Kumanova ka mbajtur një pres-konferencë për rrjedhën e protestës së 13 qershorit në Shkup.
Publikuar më 12 qershor, 2015 në orën 08:44 ( ) Lajme |
Rrit madhësinë e shkronjave
Të nderuar qytetarë të komunës së Kumanovës dhe komunës së Likovës,

Në emër të Këshillit organizativ për organizimit të marshit protestues në Kumanovë, organizatave joqeveritare, intelektualëve, familjarëve të prekur nga rasti i Sopotit, familjarëve të skenarit të Kumanovës dhe gjithë sektorit civil, ju bëjmë ftesë të gjithë shqiptarëve të Kumanovës dhe Likovës që pa dallim ngjyrave partiake, më 13 qershor t’i bashkëngjiteni marshit protestues gjithëshqiptar me moton “PROTESTOJ SHQIP”.
Marshi do të niset nga lagjja e Çairit në Shkup, ndërsa destinacioni i fundit është Qeveria e Republikës së Maqedonisë, ku do të lexohen mesazhet e protestës dhe do të mbahen fjalimet e rastit.

Shqiptarët e Kumanovës dhe të Komunës së Likovës vazhdimisht kanë qenë të shtypur, të nënçmuar, të varfëruar dhe të diskriminuar nga pushteti dhe çdoherë kanë qenë të anashkaluar dhe të diskriminuar edhe nga partitë shqiptare që na kanë përfaqësuar në pushtet.

Edhe pse në këtë rrethinë është zhvilluar konflikti i 2001-it, i cili duhej ta avancojë çështjen shqiptare në Maqedoni, përsëri shqiptarët e këtij rajoni mbetën të papërfaqësuar, të diskriminuar dhe të anashkaluar. Edhe sot e kësaj dite rajoni i Kumanovës dhe Likovës ballafaqohet me probleme ekzistenciale dhe infrastrukturore si mungesa e ujit në komunën e Likovës ndonëse Likova e ka pendën e vet dhe mungesa e kanalizimit, infrastruktura është katastrofale, papunësia është marramendëse, kemi mungesë të shkollave për zhvillimin normal të procesit arsimor, por edhe shumë probleme të tjera.
Sikur të mos mjaftonin këto probleme, ndaj popullatës së Kumanovës u organizua edhe skenari i 9 majit, i cili tronditi, tmerroi, frikësoi dhe, fatkeqësisht, edhe shpërnguli një pjesë të qytetarëve të Kumanovës drejt vendeve të Perëndimit. Në këtë rast u ushtrua dhunë e paparë edhe ndaj popullatës civile të Lagjes së Trimave, si edhe ndaj fëmijëve të pafajshëm, të cilët u detyruan të përjetojnë skena të tmerrshme dhe të dëgjojnë zhurma të papërballueshme të armëve.

Si rezultat i të gjitha dështimeve të këtij pushteti kërkesat e këtij marshi protestues janë:

• Do të kërkojmë ndriçimin e plotë të rastit të Lagjes së Trimave në Kumanovë, përgjegjësinë e autorëve dhe organizatorëve të atij skenari dhe zgjidhjen urgjente të dëmtimeve të vendbanimeve shqiptare të shkatërruara padrejtësisht;

• Do të kërkojmë dorëheqjen e menjëhershme të qeverisë Gruevski & Ahmeti, sepse kjo qeveri e ka partizuar shtetin, i ka keqpërdorë institucionet, ka dështuar në rrugën e integrimit dhe në thelb është antishqiptare;

• Do të kërkojmë që z. Zaev t’i publikojë të gjitha materialet që kanë të bëjnë me të vërtetat shqiptare, e veçmas ato që kanë të bëjnë rastet e montuara, siç është “Monstra” , ndryshe do ta konsiderojmë pjesëmarrës në fshehjen e krimeve;

• Do të kërkojmë marrëveshje të re për Maqedoninë si shtet i përbashkët konsensual i shqiptarëve dhe maqedonasve

• Do të këkojmë që të përfshirët në rastin e “Sopotit” të shpallen menjëherë të pafajshëm.

Për arsyet e lartpërmendura dhe shumë arsye të tjera, ju bëjmë ftesë të gjithë shqiptarëve të Kumanovës dhe Komunës së Likovës që t’i bashkëngjiten këtij marshi protestues, të bashkuar ta ndryshojmë ardhmërinë tonë dhe të pasardhësve tonë.

Le të dëgjohet zëri shqiptar më 13 qershor në Shkup!
Nën himnin shqiptar dhe nën flamurin shqiptar!

Këshilli Organizativ i Protestës “PROTESOJ SHQIP”

Kumanovë, 11.06.2015

Vërëjtje: Artikujt e botuar në albaniapress.com nuk shprehin domosdoshmërisht mendimet e stafit moderues!
 
 
Vlerësimi juaj për lajmin
I keq I dobët I mirë Shumë i mirë I mrekullueshëm
 
Vlerësimi:
Jep vlerësimin tënd
Është vlerësuar nga 27 vizitorë
Lexuar: 611 herë
Versioni për printim Dërgoje tek miku/mikja juaj Shtoje këtë artikull në listën e favoritëve
 
 
URIME KOSOVE, TE PRIFTE E MBARA!
E diel, 04 prill 2021 - 20:37
.
EPOPEJA...!
E diel, 07 mars 2021 - 00:08
.
Lufta e UÇK-së bashkon tre shtete
E premt, 27 nntor 2020 - 23:25
Institucionet e shkencës dhe të kulturës në Shqipëri, Kosovë dhe Maqedoninë e Veriut kanë dalë me një qëndrim të përbashkët mbi luftën e Ush...
K O M U N I K A T Ë
E premt, 20 nntor 2020 - 14:59
SHOQATA “YJET QË NUK VDESIN & OJQ “YOUTH FORUM PERSPEKTIVA” K O M U N I K A T...
Marrëveshja Kosovë-Serbi
E premt, 04 shtator 2020 - 20:59
Kosova dhe Serbia kanë nënshkruar Marrëveshje ekonomike me ndërmjetësimin e Shteteve të Bashkuara të Amerikës në Shtëpinë e Bardhë në Washingt...
më shumë nga - Lajme »
 
 

© 2024 AlbaniaPress.com :: Agjensia Informative Shqiptare Ballina | Moti | RSS | Kontakti
Të gjitha të drejtat e rezervuara Programimi dhe dizajnimi i faqës: Arlind Nushi