|
Washington, 4 shkurt Gjatё qёndrimit tё tij nё Washington, ku mori pjesё nё ngjarjen tradicionale Lutjet e Mёngjesit, ministri i Punёve tё Jashtme i Republikёs sё Kosovёs, Skender Hyseni ka pasur njё takim shumё tё pёrzemёrt dhe shumё pёrmbajtёsor me sekretaren amerikane tё Shtetit Hillary Clinton.
Megjithė praninё e madhe tё zyrtarёve dhe pёrfaqёsuesve tё lartё nga vende tё ndryshme, qё marrin pjesё nё Lutjet e Mёngjesit, sekretarja amerikane e Shtetit ka ndarё njё kohё tё mirё pёr takim me ministrin Hyseni. Takimi ka qenё i mbyllur dhe ёshtё zhvilluar nё katёr sy, njoftoi me anė tė njė komunikate sonte Ministria e Punėve tė Jashtme e Republikės sė Kosovės.Nё kёtё takim, ministri Hyseni dhe sekretarja Clinton kanё biseduar gjerёsisht pёr proceset nё Kosovё dhe rreth Kosovёs, sidomos pёr njohjet, pёr procesin nё Gjykatёn Ndёrkombёtare tё Drejtёsisё, si dhe pёr hapat qё duhet tё merren pёr tё ēuar proceset nё Kosovё edhe mё pёrpara.
Ministri e ka shfrytёzuar kёtё takim pёr ta njoftuar Sekretaren Clinton me pёrpjekjet e mёdha qё po bёhen pёr shtetndёrtim. Por, gjithashtu, kёtё takim e ka shfrytёzuar edhe pёr tё ndarё disa nga brengat e Kosovёs qё lidhen me bashkёpunimin rajonal, me theks tё posaēёm bllokadat qё Kosovёs po i bёhen nё rrafshe tё ndryshme, pёr tё cilat Sekretarja e Shtetit kishte njohuri tё thella.
Ka qenё konstatim i pёrbashkёt i tё dy bashkёbiseduesve se ka pasur tё arritura tё shumta nё shumё plane, dhe se duhet tё vazhdohet me angazhime qё ky pёrparim i bёrё tё ēohet edhe mё pёrpara.
Nё kёtё rast, ministri Hyseni e ka ftuar sekretaren amerikane tё Shtetit qё tё vizitojё Kosovёn, ftesё tё cilёn Hillary Clinton e ka pranuar me kёnaqёsi. Vizita e Clinton nė Kosovė pritet tё realizohet gjatё kёtij viti.
K D
|
