| Prof,Asoc, Dr.Gjon Borici ekspert i mardhenieve nderkombetare |
| Publikuar më 02 prill, 2010 në orën 18:53 ( ) |
Intervista | |
|
|
|
Bashkimi i shqiptarëve nuk është thjeshtë territorial, por shpirtëror dhe ekonomik.
- Si e shpjegoni fenomenin e Mitrovicës si problem aktual edhe pas dy vitesh pavarësi, dhe sa janë të qëndrueshme mendimet mbi shkëputjen e pjesës veriore të Mitrovicës dhe kompensimin e kësaj pjese më territorin e Kosovës Lindore (Luginës së Preshevës)?
Gjon Boriçi: Fillimisht ju falenderoj nga zemra që më dhatë mundësinë të komunikoj nëpërmjet jush me të gjithë shqiptarët në SHBA. Është e vërtetë se edhe pas dy vjetësh të shpalljes së pavarësisë së Kosovës, qyteti i Mitrovicës ka probleme. Kjo vjen si pasojë e agresivitetit të strukturave paralele serbe posaçërisht të dirigjuara prej Beogradit. Por, unë mendoj se edhe integrimi i Mitrovicës në shtetin e Kosovës është thjesht çështje kohe. Për shkëputje mendoj se as që duhet diskutuar pasi ajo tokë është pjesë shqiptare etnike dhe nuk mund të mendohet të bëhen shkëmbime ndërmjet territoreve shqiptare edhe pse fatkeqësisht Presheva, Medvegja dhe Bujanovci nuk janë tani për tani pjesë e territorit të Kosovës.
- Disa analistë shqiptarë të çështjeve gjeopolitike, por edhe analistë të huaj, në një të ardhme të afërt shqiptarët në Ballkan, i shohin të integruar në një shtet, në një union gjithëshqiptar. Sa janë të realizueshme këto teza?
Gjon Boriçi: Në radhë të parë shqiptarët duhet të mësojnë se bashkimi nuk është thjesht territorial por mbi të gjitha shpirtëror dhe ekonomik. Shqiptarët duhet të mësojnë se bashkimi është një diçka që nuk bëhet se kështu na pëlqen por sepse jemi të përgatitur dhe të aftë të jetojmë me njëri tjetrin. Na duhet të punojmë më shumë që Shqipëria të forcojë pozitat e veta në strukturat euro-atalntike. Më pas na duhet të punojmë parelelisht që Kosova të konsolidojë veten si shtet dhe të anëtarësohet në OKB dhe në strukturat euro-atlantike. Nëse ia arrijmë këtyre qëllimeve do shikoni se çështja e bashkimit do të jetë thjesht një formalitet.
- Lëvizje të ndryshme, disa parti të vogla por edhe grupime tjera të shoqërive civile në Kosovë dhe Shqipëri, Republikën e Kosovës e shohin të bashkuar me Shqipërinë, madje ata edhe janë duke punuar në realizimin e këtij projekti. Cila është perspektiva e kësaj nisme?
Gjon Boriçi: Besoj se kësja pyetje iu përgjigja pak më lart. Më lejoni t’ju them se të flasësh për bashkim të trojeve shqiptare në këtë moment kur na duhet të konsolidojmë vetveten është vetëvrasje politike dhe një dëm i madh për interesat kombëtare. Prandaj pas shumë viteve sakrifica të panumërta do të ishte një mëkat i vërtetë po të nguteshim tani. Koha punon për kombin shqiptar. Ajo që ne duhet të bëjmë është të mos e humbim këtë kohë.
- Ka kohë që ju ligjëroni në Kosovë, Shqipëri dhe Maqedoni, si njëri ndër ekspertët e çështjeve të marrëdhënieve ndërkombëtare. A mund të na thoni cilat janë ngecjet në fushën e diplomacisë dhe të zhvillimit të mendimit politik të shoqërisë shqiptare përgjithësisht dhe a mendoni që përmes shkollës diplomatike që ju po e aplikoni në Kosovë, Shqipëri, Maqedoni etj., do të mund të arrini të ndikoni në krijimin e një mendimi politik të unifikuar dhe të qëndrueshëm karshi sfidave të shfaqura në rrafshin e politikës europiane dhe globale?
Gjon Boriçi: Mund t’ju them se e kam konsideruar veten të privilegjuar dhe me fat që kam patur mundësinë të ligjëroj në universitete të ndryshme shqiptare në trojet e kombit tonë. Aty pata mundësinë të njihem me të rinj e të reja që ishin të interesuar të zgjeronin njohuritë e tyre në shkencat politike dhe marrëdhëniet ndërkombëtare. Të mendosh që më përpara ishte një tabu që një profesor nga Shqipëria t’i mësonte shqiptarëve politikën dhe diplomacinë jashtë Shqipërisë ishte e paimagjinueshme. Ne kemi bërë një hap të madh cilësor përara në këtë drejtim. Mund t’ju them se kombi shqiptar i ka të gjitha kapacitet e duhura për të ecur përpara dhe për të realizuar ëndrrën shekullore mbarë shqiptare.
-Profesor Boriçi, a mendoni se duhet ndërruar qasja dhe koncepti i lidershipit kosovar karshi politikave zhvillimore të Kosovës në rrafshin e politikës së brendshme dhe asaj të jashtme?
Gjon Boriçi: Çështja e lidërshipit është një fenomen kompleks. Kjo do të thotë se ne shqiptarët jemi të lodhur nga lidershipet populiste dhe sasiore. Lidershipi që na duhet patjetër është të jetë cilësor dhe t’i përshtatet nevojave të kohës me të cilat përballet kombi shqiptar. Në një botë që po bëhet gjithnjë e më shumë globale dhe ku interesat e fuqive të mëdha përplasen me njëra tjetrën, lidershipi i Kosovës duhet të kuptojë se ka qenë me shumë fat që në këtë botë të rrëmujshme Kosovën e kanë njohur shtetet më të fuqishme dhe më me eksperiencë në botë. Sigurisht që lidershipi politik kosovar ka meritë për këtë por, duhet bërë akoma më shumë në këtë drejtim. Diplomacia e Kosovës duhet të jetë më aktive në lobimin për njohje të reja por ju siguroj që është bërë maksimumi për këto dy vjet.
-Dy vjet pas pavarësisë, sa mendoni se plani i Ahtisarit është i favorshëm për Kosovën, edhe pse si i tillë ndonëse i hartuar nga i dërguari special i OKB-së, Marti Ahtisari, nuk është pranuar as nga OKB-ja as nga pala serbe, ndonëse në bazë të tij u formuan komunat e reja serbe dhe iu bënë favore marramendëse pakicës pesë përqindëshe serbe, për çka ekziston një mendim politik ndoshta i shumicës shqiptare se veprimet e tilla e kanë dëmtuar Kosovën, duke e enklavizuar dhe bosnjëzuar skajshmërisht. Ky plan është pranuar dhe po zbatohet njëanshëm vetëm nga pala kosovare. Sa është e arsyeshme një gjë e tillë?
Gjon Boriçi: Ishte një plan që me dashje ose padashje ne duhet ta pranonim. Mendoj se ishte një test për shqiptarët e Kosovës për të treguar sa dinë t’i respektojnë pakicat. Mendoj se ky ishte një “provim” të cilin shqiparët e kanë kaluar me shumë sukses. Përsa i përket shqetësimit që ju me të drejtë paraqisni lidhur me enklavat mendoj se nuk ka vend për shqetësime pasi enklavat janë tërësisht nën kontrollin e autoriteve shqiptare. Besoj se në këtë pikë nuk kemi shumë për të thënë pasi nuk ka asgjë për tu shqetësuar. Propaganda serbe ka mbetur thjesht propagandë dhe një propagandë pa veprim është e mbaruar.
A ka kapacitete Kosova që të përballet me fenomenin e shfaqur tash sa kohë të strukturave paralele serbe në Kosovë. Sa mund të aplikohet strategjia e Qeverisë së Kosovës për veriun e vendit dhe çfarë ndikimi do të ketë distancimi i faktorëve ndërkombëtarë nga kjo strategji?
Gjon Boriçi: Kosova jo vetëm që i ka të gjitha mundësitë por, po e përballon me shumë sukses këtë situatë. Më lejoni t’ju kujtoj se aleatët tanë që na ndihmuan shumë në arritjen e lirisë së Kosovës kanë deklaruar se nuk do të ketë ndarje të vendit. Pra, nuk ka vend për panik.
Në fund, profesor Boriçi, cili është mesazhi juaj për shqiptarët kudo që janë, e veçanërisht për shqiptarët që jetojnë e punojnë në SHBA?
Gjon Boriçi: Shqiptarët në botë, veçanërisht ata në Shtetet e Bashkuara të Amerikës kanë qenë ambasadorët më të shkëlqyer në mbrojtje të çështjes shqiptare. Forca e tyre e karakterit ishte një gur i çmuar themeli në afirmimin e vlerave shqiptare në botë. I uroj nga zemra të kenë shëndet dhe lumturi dhe gjithmonë të punojnë në ngritjen e mëtejshme të imazhit të kombit tonë fisnik.
Ju faleminderit!
Halit Mehmetaj / New York/
|
Vërëjtje: Artikujt e botuar në albaniapress.com nuk shprehin domosdoshmërisht mendimet e stafit moderues! |
| Vlerësimi juaj për lajmin |
 |
|
|
|
|
| I keq |
I dobët |
I mirë |
Shumë i mirë |
I mrekullueshëm |
|
|
|
|
|
|
|
| |
|
| Është vlerësuar nga 60 vizitorë |
| Lexuar:
6,995 herë
|
|
|
|
|
|
|
|
|
| |
| Isuf Bytyçi: Bashkëbisedim me Tomë V. Gash... |
E diel, 27 dhjetor 2020 - 20:34
Tomë V. Gashi është avokat, që nga viti 1992, i cili kryesisht, ka punuar gjyqtar për çështje penale 5 vite! Para kësaj kohe, ka punuar në Prokur... |
| KRAHËT E SHQIPES |
E mart, 19 nntor 2019 - 03:25
Bashkëbisedim me Marsela Koçin, veprimtare e çështjes kombëtare dhe kryetare e „Lëvizjës KRAHËT E SHQIPES“
⁃ Kush është zonja. Ma... |
më shumë nga - Intervista » |
|
|
|
|
|
