| Intervistë me Bardhyl Mahmutin |
| Publikuar më 05 maj, 2010 në orën 17:15 ( ) |
Intervista | |
|
|
|
S’duam luftë, por nëse na imponohet atëherë kërkojmë hisen tonë
S’duam luftë, por nëse na imponohet atëherë kërkojmë hisen tonë] Kush qëndron prapa grupeve të armatosur e din fare mirë Nikolla Gruevski. Pyeteni atë se kujt ja ka sjellë shpirtin në maje të hundës. Pasojat e politikës antishqiptare i ndien i gjithë populli shqiptar. Por, mos harrojmë se dikujt kjo politikë ia ka thyer kurrizin, ia ka përvëluar shpirtin, është duke ja zënë frymën...
Zhurnal: Qytetarët shqiptar në Maqedoni duken të habitur me atë se çfarë po ndodh aktualisht pas paralajmërimeve se mund të ketë një konflikt të ri. Në fakt a është gati të shpërthejë “bomba” e shumë paralajmëruar?
Mahmuti: Të gjithë ata që përcjellin me vëmendje zhvillimet në Maqedoni kanë paralajmëruar me kohë se qeveria e këtij vendi është duke nxitur konflikte ndëretnike dhe ndërfetare.
Fatkeqësisht të gjitha sugjerimet ndërkombëtare për ulje të tensioneve kanë hasur në vesh të shurdhër. Qeveria e Nikolla Gruevskit vazhdoi me arrogancë realizimin e të gjitha projekteve të veta antishqiptare dhe anti-islame.
Situata e rëndë me të cilën ballafaqohen shqiptarët në rrafshin politik, ekonomik, social dhe kulturor ka krijuar një pakënaqësi të madhe.
Në kuadër të kësaj pakënaqësie të përgjithshme të shqiptarëve duhet të kemi parasysh se te një pjesë e popullit kjo pakënaqësi ka arritur shkallën e revoltës.
Javëve të fundit është përfolur shumë se si rezultat i revoltës kundër të gjitha formave të diskriminimit që aplikohet ndaj shqiptarëve në Maqedoni mund të shpërthejë një konflikt i ri i armatosur. Si rezultat i kësaj klime para konflikti Misionet e BE-së, të NATO-s, të OSBE-së dhe SHBA-ve në Shkup dolën me kërkesë të qartë që ”të gjitha palët të dyfishojnë përkushtimin e tyre ndaj harmonisë ndër-etnike dhe të përmbahen nga çdo veprim që mund të shkaktojë tensione”.
Në vend të uljes së tensioneve Qeveria dha urdhër që të fillojë zbatimi i projektit “Skopje 2014” për t’i dhënë karakter monoetnik dhe monofetar Shkupit, në vend të lirimit të të pafajshmëve që mbahen padrejtësisht nëpër burgje, u dha urdhër edhe për dënimin e tre shqiptarëve me burg të përjetshëm; në vend të rregullimit të statusit të ish ushtarëve të UÇK-së për tre muaj e fundit 6 shqiptarë, ish ushtarë të UÇK-së, u dënuan me burg të përjetshëm.... Mesazhet e qeverisë janë të qarta: ta shndërrojnë Maqedoninë në burg të përjetshëm për shqiptarët!
Shkëmbimi zjarrit në Bllacë dhe publikimi i Komunikatës Nr. 1 të UÇK-së nxiti një varg reagimesh të forcave politike në Maqedoni, në rajon dhe të përfaqësuesve të institucioneve ndërkombëtare në Shkup.
Në të njëjtën kohë kjo situatë ka rritur brengosjen e popullit shqiptar. Kjo brengosje është e arsyeshme sepse njerëzit janë të vetëdijshëm që pasojat e konfliktit do të bien mbi popullsinë civile.
Zhurnal: A ju nevojitet shqiptarëve edhe një konflikt i armatosur për t’i fituar të drejtat që u takojnë në Maqedoni? Dhe sa janë të gatshëm shqiptarët të mirëpresin edhe një konflikt, edhe një ushtri siç e mirëpritën UÇK-në në vitin 2001?
Mahmuti: Asnjë populli nuk i nevojitet lufta. Hiq më pak popullit shqiptar, i cili në 15 vjetët e fundit ka bartur mbi kurrizin e vet peshën dhe pasojat e tri luftërave: dy me Serbinë dhe një me Maqedoninë. Ende nuk janë mbyllur plagë!
Të drejtat politike mund të fitohen me mjete politike. Por fitorja kërkon një mobilizim të gjithanshëm dhe një koordinim të mirëfilltë.
Lufta e armatosur nuk bëhet as për inat të dikujt e as për hatër të dikujt. Ajo nuk bëhet për të drejta në kuadër të një shteti. Nëse na imponohet edhe një luftë e armatosur ajo duhet të bëhet për marrjen e hises që na takon në këtë shtet. Unë ende mendoj se mjetet politike nuk janë shterur që të gjendet një zgjidhje politike. Prandaj u kam bërë apel publik forcave politike shqiptare që t’i lëmë inatet personale, të shtrimë dorën e pajtimit dhe të rreshtohemi përballë politikës agresive të shtetit maqedonas që t’i japim një shans rrugës politike.
Zhurnal: Në një kumtesë të lëshuar për media, ju keni theksuar se shqiptarët duhet të jenë të bashkuar në këtë moment. Për çfarë më konkretisht mendoni?
Mahmuti: Bashkimi i forcave politike dhe mosbindja qytetare e shqiptarëve ndaj shtetit antishqiptar janë rrugë që mund të shkaktojnë kolapsin e kësaj politike antidemokratike. Mobilizimi i gjithanshëm do të lëvizte edhe qarqet me relevancë në marrëdhëniet ndërkombëtare, sidomos ato institucione që ndërmjetësuan në përfundimin e luftës së 2001.
Zhurnal: Nëse edhe kjo nuk sjell ndryshimet e pritura dhe realizimin e të drejtave tona, cila duhet të jetë rruga që duhet të ndiqet?
Mahmuti: Kam besimin e plotë se kjo rrugë do të sillte rezultatet e pritura. Nëse arroganca e shtetit maqedonas do t’i shterte të gjitha rrugët politike për të respektuar të drejtat e shqiptarëve në atë rast dështimi i diplomacisë në parandalimin e luftës së armatosur do t’i faturohej Maqedonisë.
Por shteti maqedonas e dinë fare mirë se nuk mund të luftojnë me shqiptarët dhe se një luftë e tillë do të përfundonte shumë shpejtë me fitoren tonë.
Prandaj, ata janë të interesuar që të provokojnë një luftë kur shqiptarët janë të ndarë mes vete.
Zhrunal: Ju keni qenë një prej personave që moti kohë është i futur në Lëvizjen Kombëtare Shqiptare. Kush mendoni se mundë të qëndroj pas këtyre grupeve të armatosura?
A qëndron ndonjë pjesë e personave të Lëvizjes Kombëtare pas UÇK-së që ka dalë në skenë? Cilat mundë të jenë arsyet e tyre për t’i kapur armët?
Mahmuti: Shqiptarët në Maqedoni janë populli më i shtypur dhe më i diskriminuar në Evropë. Për të kapur pushkët ka një mijë e një arsye. Lufta, pa u shterur të gjitha mjetet politike, mund t’i konvenojë qarqeve antishqiptare dhe pasojat mund të bien mbi civilët e pafajshëm.
Se kush qëndron prapa grupeve të armatosur e din fare mirë Nikolla Gruevski. Pyeteni atë se kujt ja ka sjellë shpirtin në maje të hundës. Pasojat e politikës antishqiptare i ndien i gjithë populli shqiptar. Por, mos harrojmë se dikujt kjo politikë ia ka thyer kurrizin, ia ka përvëluar shpirtin, është duke ja zënë frymën....Vrasje, plagosje, maltretime, arrestime, dënime, plaçkitje ekonomike, diskriminim kulturor, diskriminim etnik, diskriminim religjioz....
Zhurnal: A ju ka kërkuar dikush ndihmë për t’i “qetësuar” ose “parandaluar” këto grupe të armatosura? Nëse lufta s’është e nevojshme a ka forcë Bardhyl Mahmuti t’i ndalojë këto grupe t’i kapin armët?
Mahmuti: Që nga publikimi i Komunikatës Nr.1 të UÇK-së një numër reagimesh kanë
stigmatizuar bartësit e kësaj komunikate si nxitës konfliktesh. Kjo mënyrë e sjelljes është e papërgjegjshme dhe mund të inkurajojë forcat antishqiptare të Maqedonisë që të ndërmarrin aksione të përmasave të gjëra kundër popullit shqiptar. Kjo mënyrë zhvendos vëmendjen nga gjeneratori i vërtetë i kësaj krize: Qeveria e Maqedonisë në viktimat e kësaj politike antishqiptare.
E vetmja mënyrë që qetëson situatën dhe parandalon rrezikun e konfliktit është intervenimi i shpejtë i SHBA-ve dhe BE-së për t’i imponuar Qeverisë së Maqedonisë ndërprerjen e politikës antishqiptare.
Duke sensibilizuar opinionin demokratik në botë për diskriminimin që shqiptarët përjetojnë në Maqedoni dhe duke kërkuar vazhdimisht ndërmjetësimin efikas të forcave më të rëndësishme në marrëdhëniet ndërkombëtare ne mund të luajmë rolin tonë në këto momente me rëndësi.
Lirimi i menjëhershëm i shqiptarëve që padrejtësisht mbahen në burgje, ndërprerja e proceseve të montuara gjyqësore, miratimi i ligjit për ish ushtarët e UÇK-së, sjellja e ligjit për përdorimin e lirë të simboleve kombëtare shqiptare; zyrtarizmi i gjuhës shqipe në të gjitha nivelet institucionale shtetërore janë vendime që mund të sillen brenda një seance parlamentare dhe që do të kishin ndikuar në uljen e tensioneve dhe evitimin e një lufte të re.
Prandaj, të gjitha ata që janë të interesuar të evitojnë konfliktin e ri në Maqedoni duhet të mobilizohen në sensibilizimin e institucioneve ndërkombëtare që me urgjencë të organizojnë një Konferencë ndërkombëtare si mjet preventiv dhe t’u imponohet autoriteteve të Shkupit të heqin diskriminimin racial që aplikojnë ndaj shqiptarëve.
|
Vërëjtje: Artikujt e botuar në albaniapress.com nuk shprehin domosdoshmërisht mendimet e stafit moderues! |
| Vlerësimi juaj për lajmin |
 |
|
|
|
|
| I keq |
I dobët |
I mirë |
Shumë i mirë |
I mrekullueshëm |
|
|
|
|
|
|
|
| |
|
| Është vlerësuar nga 73 vizitorë |
| Lexuar:
1,558 herë
|
|
|
|
|
|
|
|
|
| |
| Isuf Bytyçi: Bashkëbisedim me Tomë V. Gash... |
E diel, 27 dhjetor 2020 - 20:34
Tomë V. Gashi është avokat, që nga viti 1992, i cili kryesisht, ka punuar gjyqtar për çështje penale 5 vite! Para kësaj kohe, ka punuar në Prokur... |
| KRAHËT E SHQIPES |
E mart, 19 nntor 2019 - 03:25
Bashkëbisedim me Marsela Koçin, veprimtare e çështjes kombëtare dhe kryetare e „Lëvizjës KRAHËT E SHQIPES“
⁃ Kush është zonja. Ma... |
më shumë nga - Intervista » |
|
|
|
|
|
