| Na duhet një ndryshim politik i ndjeshëm për të gjithë |
| Publikuar më 29 janar, 2012 në orën 02:25 ( ) |
Avdi Ibrahimi | Opinion | |
|
|
|
Asnjë nga popujt e Europës, në fund të shekshekullit njëzet nuk ka përjetuar një dramë si fëmijët e Kosovës, të cilët mbi dhjetë vite më radhë të mos shkojnë në shkollë, por të mësojnë në shtëpi shkolla. Kjo tablo tragjike të kujton kohën e Neronit.
Në asnjë vend të Europës, njëkohësisht asnjë nga popujt e saj nuk kishte përjetuar dramën dhe tragjizmin si Kosova, ku shqiptarët nga milicia jugosllavo-serbe ishin të detyruar natën të mos flinin me dyer të mbyllura të shtëpive,në mënyrë që kjo milici të hynte për të bastisur, përdhunuar, rrahur, vrarë mizorisht shqiptarët vetëm se ata nuk ishin sllavë, në të ashtuquajturën Jugosllavi.
Askush në shtetet dhe popujt e Europës si në Kosovë, në Luginën e Preshevës, të sunduar nga Srebia, pjesën shqiptare në Maqedoni të sunduar nga maqedonasit, si dhe pjesën shqiptare ne Mal të Zi, të sunduar nga malazezët, nuk kishte ndodhur si këtu në hapsirën jugosllave të coptohëshin me thikë mbi një mijë fëmijë prej ushtarëve, paramilitarëve e milicëve jugosllavo-serb. Kjo tablo tragjike e një marrëzie të pashembullt njerëzore të kujtonte kohën e Herodotit. Ky primitivizëm i popujve sllavë ishte i paparë në Europë, për mbajtjen e shqiptarëve nën robërin gati një shekullore të tyre. Në kushte të tilla tragjike, midis këtij primitiviteti të robërisë jetonin shqiptarët të cilët kërkonin lirin e tyre si mbarë popujt e Europës. Në këso rrethanash u ngrit Aleanca Atlantike në luftë për mbrojtjen e këtij populli të shumëvuajtur, ku gjakun për liri e derdhën shqiptarët e të gjitha grup moshave, kurse armët e fuqishme i përdori NATO, për lirin e shqiptarëve, ndërsa historia në këtë rast na dha një mundësi të mire për t'ia njohur këtë meritë që ne të ishim përkrahë popujve të lire të Europës.
Në këtë pikshikim shqiptarët duhet të përfitojnë stabilitet ekonomik e politik në emancipimin e tyre. Nga jo stabiliteti dhe dhuna e përdorur në protestat e qytetarëve nga qeveria e Tiranës dhe asaj në Prishtinë dëmtohet më së shumti vetë populli shqiptar që synon të hyjë në familjen e madhe evropiane.
Na pëlqen apo s'na pëlqen qeveritarët shqiptarë për gabimet e tyre politike, kurrë nuk kërkojnë falje, e më e udhës do të ishte edhe të japin dorëheqje, për t'i hapur rrugë politikës pozitiviste në hapsirat shqiptare… Përkundrazi ata vazhdojnë të kërcënojnë qytetarët,duke i akuzuar se dhuna po përdorët nga ana e qytetarëve protestues të cilet janë të paknaqur nga këta qeveritarë, anipse qytetarët protestues janë tejet paqësor.
Qeveritarët tanë duhet të çlirohen nga paragjykimet e çorroditura dhe të marrëzishme që ja kanë errësuar pamjen, se ata qeveritaret kinse janë “ çliruesit ”, dhe vetë ata duhet të jenë sundimtarët e përjetshëm në hapsirat shqiptare. Qytetari nuk beson më çfarë i thuhet, prapa çdo fjale ndjenë gënjeshtër dhe qëllim, kundrejt politikanit. Ai kujton se qytetari është i verbër se fjala e premtimi i thënë prej tij nuk vihet re? Fjalë,fjalë! Ka ky politikani ynë në rrena gjen justifikimet, një njeri i tillë kërkon të jetë udhëheqës i qytetarëve. Sigurisht kjo është e turpshme. Kjo mbase është e vetmja gjë që din, si përgjigje, shpërthen në kërcënime dhe rrena, premtime të pambajtura kurrë. Qytetari tani i din të gjitha. E din se qeveritari ka gënjyer për vite me radhe. Qytetari më nuk dëshiron të jeton më frikën e së kaluarës, nuk dëshiron që mbi shpatullat e tij të rëndojë gjithë pesha e kësaj jete të frikshme, të paafrueshme me njerëzit, kudo ndër shqiptarët të ndihet armiqsia që mbjell për çdo ditë qeveritari hakmarrës e i pandreqshëm, që kumbon tmerrshëm zëri i tij nga një zemërim i lig, kjo e tremb atë qeveritarin se po e humb dita-ditës pushtetin, që ka marrë me vota të manipuluara, po e ndjen se po e pret ndarja, lamtumira përgjithnji nga pushteti.
Pikërisht kjo paaftësi e ndier prej tij në mënyrë kaq të dhimbshme, e bënë fatkeq, e torturon gjithnjë e më shumë e bënë mendimin e tij foshnjor, dhe paragjykon se gjithë fajin për këtë e ka qytetari që ka humbur besimin për ta qeverisur ky njeri që mbi të gjitha e don pushtetin dhe paranë, se gjoja patriotizmi ishte vetëm në kohën e tij, kurse tani më atdheu nuk ka nevoj për patriotizëm, fajtor për të është Vetëvendosja dhe e porosit postierin e tij të shpif, të etiketoj ata njerëz që qeveritarit nuk i shkojnë për qejfi, fajet i kanë Kuq e Zinjtë, se po përgaditen t'ia rrëmbejnë pushtetin e po e bëjnë Shqipërinë një Komb një Shtet.
Kjo sjellje e qeveritarit kalon çdo kufij njerëzor. Ndjenja e frikës ngjallet brenda tij se mos ka ardhur koha, mos është zbuluar e fshehta e tij korruptive e abuzive gjatë qëndrimit të tij në pushtet. Një politikan i paaftë dhe gënjeshtar deri në paturpësi, në asnjë shtet të Europës, nuk do të mund të qëndronte në pushtet, qoftë edhe për një ditë të vetme.
Përkundrazi këta politikanë të korruptuar, duhet tashmë ta kuptojnë e ta pranojnë se në hapsirat shqiptare, janë krijuar realitete të reja, ku autoritarizmit dhe korrupcionit i ka ardhur fundi. Koha tashmë është për të krijuar një drejtëpeshim emancipues shpirtëror kombëtar shqiptar, kundrejt bashkëkombasve me orintime qytetëruese Europiane.
Mbikqyrësit ndërkombëtarë nuk duhet të bien në kurthin e intrigave të qeveritarëve shqiptar të korruptuar dhe të etur për pushtet e para, të cilët po i qojnë hapsirat shqiptare drejt anarkisë dhe kaosit. Është mbase e nevojshme që në skenen politike shqiptare të sundoj një frymë e re politike ku detyrimisht të kuptohet, se bashkarisht mund të ecët drejtë shpëtimit, për të sjellë ndryshimin e ndjeshëm e të prekshëm për të gjithë.
|
Vërëjtje: Artikujt e botuar në albaniapress.com nuk shprehin domosdoshmërisht mendimet e stafit moderues! |
| Vlerësimi juaj për lajmin |
 |
|
|
|
|
| I keq |
I dobët |
I mirë |
Shumë i mirë |
I mrekullueshëm |
|
|
|
|
|
|
|
| |
|
| Është vlerësuar nga 53 vizitorë |
| Lexuar:
728 herë
|
|
|
|
|
|
|
