| DOBËSITË DHE LËSHIMET E QEVERISË “THAÇI DY” ME REFERENDUM I SHFRYTËZUAN STRUKTURAT PARALELE KRIMINELE SERBE |
| Publikuar më 22 shkurt, 2012 në orën 01:17 ( ) |
Opinion | |
|
|
|
Ose; “bëmë aq sa mundëm, aq sa na lejuan rrethanat aktuale ndërkombëtare”
Por, ilegalët s`i pranojnë institucionet e shtetit brenda të cilit jetojnë me krim!
Më ka rënë të dëgjojë nga ata që morën pjesë në Konferencën e Rambujes, por edhe në takimet e Vjenës nga pranuesit (përkrahës) të Pakos së Ahtisarit, të cilët thonë: “Bëmë aq sa na lejuan rrethanat dhe aktualiteti ndërkombëtar”. Kështu mbase një ditë do thonë edhe udhëheqësit e strukturave kriminele, përkatësisht komunalcat në veri të Kosovës. Të cilët (jo kokë në vete), organizuan referendum ngjashëm me atë të Kosovës, në krye më z. I. Rugova dhe LDK-në. Por me ndryshime diametralisht të kundërta të rrethanave historike, gjeografike juridiko dhe politike të kohës!
Reagimi i shpejt dhe i përsëritur disa herë nga O. Ivanoviq, dikur roje i urave (Urës së Lumit Ibër), e cila lidhë dhe ndanë Mitrovicën në dy pjesë, “Berlini kosovar”, historia e të cilit qytet dikur me famë, tani mjerimi dhe dënim historik kohe. O. Ivanoviqi, kundër referendumit bënë përpjekje për t`u arsyetuar nga të ligatë, të cilat i ka bërë bashkë me organizuesit të referendumit gjithashtu ilegal kriminel! Aktit ilegal në tokën dhe territorin e Kosovës, që s`njeh shtetin, kushtetutën, kuvendin, qeverinë, presidencën, pra institucionet e shtetit, brenda cilit gjendën, ekzistojnë bashkë me krimin, por nuk duan me shqiptarët të “bashkë-jetojnë”!
Po të njëjtin mendim dhe deklarim kinse të mospranimit e shpreh qeveria serbe, me një deklarim gojor presidenti Tadiq, i cili vazhdimisht thekson; “kurrë, kurrë s`do ta pranojmë Kosovën shtet”, duke u gënjyer me vetën se Kosova nga viti 1999 është e çliruar, e shkëputur dhe e ndarë nga Serbia okupatore! Kuptohet, ata të cilët i kanë krijuar, pranuar dhe vazhdimisht i kanë nxitur struktura paralele, u kanë bërë presion, që të organizojnë një akt të tillë jashtë-juridik, anti-kushtetues dhe anti-kosovarë-anti-shqiptar. Ata janë krerët e opozitës serbe, nxitësja kryesore e katër luftërave 1990-1999! Ka qenë e pamundur që tipat “kokëfortë”, të mos e zbatojnë një urdhër të tillë! Ata, masës e cila doli në votime, (numri i të cilëve nuk dihet), meqë askush nga ndërkombëtarët, nuk i ka përcjellë votimet! Organizatoret një ditë, atyre do t`u thonë (si këta tanët): “Ne bëmë krejt çka mundem, këto ishin mundësit tona të fundit”! Duke mos i vlerësuar pasojat, të cilat mund të pasojnë për të dy palët, serbët dhe shqiptarët. Nga referendumi ilegal me pasoja të dyanshme, në kohë dhe rrethana të caktuara, fare lehtë mund të shndërrohen në. dhunë!
Shembulli i Referendumit të shqiptarëve për autonomi Territoriale dhe Politike i mbajtur me 1 dhe 2 mars të vitit 1992 në Kosovë, nuk e zgjodh çështjen e lirisë, as të çlirimit, kërkesën që Kosova të jetë një republikë në kuadër të ish-Jugosllavisë. Referendumi i shqiptarëve në Kosovë, ishte një formulim e një kërkese të arsyeshme, pavarësisht kohës në të cilën u mbajt. Ishte një përpjekje historike, duke u munduar për të sensibilizuar opinionin ndërkombëtar. Se Kosova ishte territor i okupuar historikisht dhe gjeografikisht, s`ishte pjesë e Serbisë, as e ish-Jugosllavisë. Tani, Referendumi i krimit ilegal, jo kushtetues, me mos pranimin e institucioneve të Kosovës në territorin e saj, paraqet një grusht të ri antishtetëror dhe anti-kushtetues! I cili mund të ketë pasoja në vonesa të konsolidimit të së ardhmes më të shpejt të sovranitetit, integritetit dhe zhvillimit të Kosovës. Shembulli i referendumit në Kosovë, është dashur organizatorëve serb t`u shërbej një mësim, se pa luftë, pa UÇK-në, pa ndihmën ndërkombëtare, nuk do të çlirohej Kosova në vitin 1999.
Megjithatë, ky referendumi ilegal, nuk duhet marrë edhe me aq seriozitet. Por, organizatorëve dhe faktorit ndërkombëtar në Bruksel, duhet thënë troç! Kjo tërësi është pjesë e pandarë e territorit të Kosovës, e cila nuk këmbehet, nuk lejohet të lihet e shkëputur, e ngrirë, as me ndonjë status-quo të veçantë! Sepse, paraqet lloji “grusht-shteti ilegal”, të papranueshëm, vepër antikushtetuese dhe antishtetërore. Ndaj organizatorëve herët a vonë, duhet kërkuar përgjegjësi penale-juridike. Ata individë duhet shpallur armiq të shtetit, të cilët duhet ndjekur sipas kushtetutës dhe ligjeve në fuqi. Siç do të veprohej në çdo shtet të botës. Kësi shembuj kishte në Kanada, SHBA, Angli, dhe vende të ndryshme të botës, në të cilat janë marrë masa dhe kundërmasa ligjore, të mos lejimit ndarje të tilla me këso forma referendumesh ilegale të asnjë pjesë të shteteve të theksuara. Këtë të drejtë e gëzon edhe Kosova.
Sepse, njëherë tjetër mund t`i tekët ndonjë komune me shumicë komunitetesh joshqiptare, për të shpall në mënyrë të njëjtë kësi lloji referendumesh! E Kosova sipas Pakos së Ahtissarit, ka plotë raste të tilla, duke filluara në Ranilluga, Shterpca, Sharri, Novobërda, Priluzha, madje raste tjera në Dukagjin etj. Mënyra e reagimit të shpejtë e shteteve; Angli, SHBA, Francë, Gjermani etj., se referendumi në pjesën veriore të Kosovës është ilegal, i pa pranueshëm etj. Megjithatë do të ketë pasoja, siç u theksuan më lartë; në ekonomi, kërkesa të ndonjë statusi të veçantë, privilegjeve tjera nga pjesa shumicë e serbëve dhe tjerëve në brendi të “Kosovës Ahtisariane”!
Se a ka pas mundësi që kjo të pengohet, mendoi se po. Sikur të kishte kushtëzime paraprake për fillim te bisedimeve të ashtuquajtura “teknike”! Me Serbinë nuk është dashur të fillohen kurrfarë bisedimesh, pa u kushtëzuar pranimi i sovranitetit, integritetit dhe kufijve me të cilët, Kosova është pranuar tashmë nga 88 shtete dhe nga GJND-ja! Pra. Kosova ose është shtet sovran, ose pas këtij referendumi ilegal të forcave ilegale kriminele, ajo nuk ka sovranitet e as integritet të plotë territorial... Këtë duhet ta thotë Brukseli, shtetet e Kuintit, SHBA-të, etj. Edhe pse që në start është mohuar referendumi i llojit, “grusht-shtet”, meqë ishte ilegal, i organizuar nga strukturat paralele ilegale kriminele i heshtur edhe nga Serbia zyrtare..!
Bisedimet e kushtëzuara për Kosovën, kanë qenë dhe do të jenë me pasoja, të cilat do të vërtetohen fare lehtë dhe shumë shpejtë. Me humbje e pësime në aspektin politik, diplomatik, ngecje në pranim, zhvillim ekonomik. Së fundi me kërkesën, (prapë) të Brukselit, që serbëve të veriut pa kur farë merite t`u mundësohet ndonjë, status i veçantë! Pavarësisht se qeveria e Beogradit asgjë zyrtare s`ka deklaruar e z. Trajkoviq sikur (ka një frikë për të ardhmen e serbëve brenda Kosovës), apo reagimeve të O, Ivanoviqit, i cili vendin e ka në burg, ai ketë e di pse! Së fundi referendumi ilegal i elementit serb është anti-shqiptar, kundër-kushtetues, dhe kundër-kosovarë, sepse paraqet akt joligjor dhe antikushtetues! Kuvendi i Kosovës me një deklaratë, madje jo unanime, të nesërmen e kundërshtojë dhe e shpalli të jashtëligjshëm. E “dardha mund të ketë bisht prapa”, thuhet më një proverb!
Por, serbët në veri, tani duke u mbështetur në referendumin e tyre ilegal, do të fillojnë spastrimin edhe të atyre pak fshatrave dhe banorëve shqiptar të mbetur andej limit Ibër. Gjysma tjetër janë ndjekur me dhunë, madje duke u vrarë nga çetnikët të prirë nga O. I. “roje urash! Tani, duke u thirr në emër të këtij farë referendumi, i cili për qeverinë, presidencën, kuvendin dhe ndërkombëtaret është ilegal, kurse për disa të tjerë në Kosovë, “është pjesë e cila duhet këmbyer me Luginën e Preshevës”, këmbim i tokës sate me pjesën tjetër të tokës tënde, apo të pranim status të veçantë, ide këto sipas meje, absurde dhe deri në fund fatale!
Vetëm kërkesa e bashkimit dhe ribashkimit të kombit janë ide, mendime dhe fakte të pamohueshme historike, gjeografike diplomatike, mbështetur në të drejtën ndërkombëtare për bashkim të çdo kombi, pse jo dhe të popullit shqiptar! Në arealin e tij gjuhësor, etnik, natyror dhe gjeografike. Pa e mohuar kurrë faktorin historik të territoreve të okupuara nga Serbia, qysh nga 1844-1999! Tani, Kosova ose është shtet me sovranitet dhe kufij të caktuar të saj, ose është pa sovranitet!
Së fundi, përgjegjësi morale, politike, diplomatike dhe juridike ka edhe Tirana zyrtare. E cila para ndërkombëtarëve duhet të shtrojë dhe të kërkojë rikthimin, dhe ribashkimin e Tokës nga është okupuar para 100-vjet! Nga aleanca ushtarake okupuese, serbe-bullgare-malazeze me ndihmon e faktorëve politikë të Evropës. Me Konferencën famëkeqe të Londrës, kur u pranua gjysmë-shteti shqiptar, Shqipëria Londineze, mars-korrik 1913! Prandaj, ribashkimi i kombit shqiptarë, është e drejtë e pamohueshme e kombit të një gjuhe një etnie gjeografike dhe historike, më një shtet të pandarë.
Këtë të drejtë nuk e gëzojnë strukturave ilegale kriminele, sepse ata dhe pjesa ku ata jetojnë, është territor i pandashëm dhe i patjetërsueshëm historik dhe gjeografik i Kosovës. Shtetit të çliruar në qershor të vitit 1999, i shpallur “sovran” me 17 shkurt 2010 dhe i pranuar nga Bashkësia Ndërkombëtare, GJND-ja, dhe afro 90 shtete të botës. Prandaj, “është apo s`është Kosova shtet sovran”?! Përgjigjen e thonë institucionet shtetërore të Kosovës, me fusnotën degraduese, ndërkombëtaret, të cilët e kanë e kanë pranuar, Kosovën në kufijtë aktual. Siç zyrtarisht ka vepruar.
GJND-ja, në korrik të 2010
Atëherë ç`duan strukturat ilegale kriminele, që nuk e pranojnë shtetin brenda të cilit jetojnë mbi viktima gjithnjë duke i gënjyer me patriotizëm, krim e kriminalitet. Me 99 për qind të votuesve të mjerë, si në “shtetin juridik serb të Gvozdit” parajsën, tokatë dhe detet e premtuara në Tokën e Lulëkuqeve në “Gazimestan”!
Qerim Pllana
Shkurt 2012
Prishtinë
|
Vërëjtje: Artikujt e botuar në albaniapress.com nuk shprehin domosdoshmërisht mendimet e stafit moderues! |
| Vlerësimi juaj për lajmin |
 |
|
|
|
|
| I keq |
I dobët |
I mirë |
Shumë i mirë |
I mrekullueshëm |
|
|
|
|
|
|
|
| |
|
| Është vlerësuar nga 47 vizitorë |
| Lexuar:
1,040 herë
|
|
|
|
|
|
|
