| QERIM PLLANA: Poezi |
| Publikuar më 12 maj, 2012 në orën 11:11 ( ) |
Kulturë | |
|
|
|
.
Cikël poezish të zgjedhura në shenjë të 100 - vjetorit të Pavarësisë të Shqipërisë, nëntor, 1912-maj, 2012
1).
Shqipëri legjendë e pafjetur
Hallemadhe e epokës tej Yllerisë
Si statujë rri në tokën e përgjakur
Të gadishullit tejpërtej Dardanisë
Heronjtë tu i pashë tek u ngritën si lisa
Mes të ligave monopateve të thepisura
Heronjve të rënë martirë kohëra të liga
Asgjë s`mbeti e pashlyer shënuar në ty
Dardani djep eshtrash të murosur
Legjendë e pafjetur ujëra ngurosur
Edhe pas mira shekujsh të pafjetur
Valë detesh në atdheun aromë jete
Një ditë shpalosën gjithë sarkofagët
Mumieve u vjen erë plori dardanësh
Seç merr ngjyrë gjaku të fjalë-besës
As nuk vritesh moteve nuk pritesh
Këndon këngë-epikën e Mujë Halilit
Gjëmë Gjergj Elez Alisë Os Kaninës
Fshehur i mbanë nën Alpe-bardha
Rozafë Fat-fatum Mirditë -Podium
Kalanë mbi Lumbardhë në Iliricum
________
Vataj, Kaçanik, 1966-2012
2)
Poezi e pashkruar
Ç`u mplakëm edhe për një epokë
Sy e zemra të etura i patëm një jetë
Me shekuj ecëm mbrapshtë si kalorës
Atje tek vdes dhembja dhe pikëllimi
Në dolli darkash të hirësuara pa hënë
Me patën thënë fjalë e mirë nuk vdes
Kurrë as atëherë kur vjen e bukura
E Dheut ndritur tejpërtej amshimit...
Qyteti im në këtë natë është shkrirë i teri
Më një zymtësi të errët frymon i patrajtë
Si ëndërr më një ankth ju shoh tek vini
Sikur sonte zbret tamam fundi i 1999-ës
Dhe zbardhë ditë e re e liri e pavarësisë
Me te dhe më tej-lind shekulli i Ri XXI!
_________
31 dhjetor 1966 Doganaj - Kaçanik
1, janar 2012 Shtrojerë - Vushtrri
3).
Festina Lente Aleksandër Moisi
Këtu ulur rri siç rrinë murosur këta gurë
Prej kohësh Parahistorisë në Ister-Liburni
Tek ndiej një zë Korifeu oshtinë diç ngrinë
I bartën i palosën i latuan dhe i murosën
Seç ngrehin në piedestal kohor n`amshim
Duket sikur nuk shohim por dëgjojmë
Zëra herë-herë kumbues të mugët janë
Athua mund të jetë zë Korifeut apo valë
Detit seç oshtinë të shndrisin mu në ballë
Në këto mure s`bashku me ulëse kumi
U murosën shekujt në Arenën e Puljes
Gjirin e Istrisë noton Liburna e Ilirisë
Pa nda dëgjojë sirena madhështi deti
Këtu një histori e tërë zërash oshtinë
Një kumbim kohor një lashtësi amorfe
Herë-herë të gjallë i ndiej atë zë tenori
Që shkrinë thellë diku nën mua Arenën gri
Ajo nuk bëzan pa u murosur nënë e fëmijë
Ec e besoju syve- veshëve në këtë çast tek
Nuk sheh as nuk ndiej aktorin A. Moisiu
Tash sikur prapë dikush pëshpërit lëvizë
Festina lente ke durimin Aleksandër Moisi
Me kujdes tek nxiton rraptimë gladiatorësh
Pse askush nuk është i lumtur para vdekjes
Në brendi të shkallëve përgjon amfiteatri
Djersët rrëke tek miklojnë majë ballesh
Lëkura sikur diku buzëve është gërvishtur
I tërë trupi pikon rrjedhë gjak dhe djersë
Zë kumbues dëgjohet të kujton perandorë
Mbretërve: Lirë, Pirro, Cezar, Dioklecian
Këtu sikur në çdo çast del Aleksandër Moisi
Të shkëlqejë me Fustin Gëten Ygon Egdlin..!
_____________
Pulë, maj 1978
Një shekull pavarësi
Ismail Qemal beVlorës)
Nëntor, 1912-nëntor, 2012
“Plak i gjorë e plak i mjerë
Ku do vejë e ku do bjerë
Nëpër erë e nëpër shira
Nëpër pellgje me shëllira”
(Polifoni popullore)
Plak i Vlorës kurbetit
Deteve dhe i kiametit
Isa trimi nga Kosova
Bolitini Shalë-Bajgora
S`na i lënë trojet na i
Ndanë me mendjelartët
Me hile dhe me të vegjlit
Na i morën mendjelehtët
S`na mbetet tjetër pos
T`ua kallim datë e sedër
Ballash t`ua shkrepim
Letrat t`ua ndezim..!
= = = = = = = = = = = = = =
“Iku ditë dhe iku net;
I mungonte bukë e thatë,
Edhe buka i mungonte,
Vetëm zemra për vatan
E për atdhe po i vëlonte”.
_______
(Polifoni popullore)
Vlorë, 1912-2012
|
Vërëjtje: Artikujt e botuar në albaniapress.com nuk shprehin domosdoshmërisht mendimet e stafit moderues! |
| Vlerësimi juaj për lajmin |
 |
|
|
|
|
| I keq |
I dobët |
I mirë |
Shumë i mirë |
I mrekullueshëm |
|
|
|
|
|
|
|
| |
|
| Është vlerësuar nga 37 vizitorë |
| Lexuar:
956 herë
|
|
|
|
|
|
|
|
|
| |
| NDËRMJETËSIME LETRARE |
E mart, 13 prill 2021 - 22:06
Shtëpia Botuese “ARMAGEDONI”, në prishtinë nxori nga botimi librin: “NDËRMJETËSIME LETRARE – për krijimtarinë e Arif Molliqit”, me autor S... |
| Ja çfarë mendonte Faik Konica për Shqipër... |
E premt, 09 prill 2021 - 00:54
Kush më mirë se Faik Konica mund të perifrazojë shqiptarët ashtu siå ato ishin dhe janë. Ai ishte jo vetëm një nga njerëzit më të ditur dhe më... |
më shumë nga - Kulturë » |
|
|
|
|
|
