Ballina
Lajme
Opinion
Intervista
Histori
Kulturë
Të ndryshme
English
Galeria
Libri i miqve
Dërgo lajme
Kush jemi ne?
Kontakti
 
RSS Furnizuesi
RSS Furnizuesi
   
 
Jam kundër themelimit të Gjykatës Speciale
Publikuar më 11 prill, 2014 në orën 11:56 ( ) Lajme |
Rrit madhësinë e shkronjave
Akademik Rexhep Qosja ka thënë se në historinë politike të Evropës për herë të parë po bëhen përpjekje të themelohet një Gjykatë e quajtur Speciale për hetimin e krimeve të supozuara të luftëtarëve që kanë bërë luftë të drejtë.

“Njohuritë e mia historike dhe politike më bëjnë të mundshme të them se në historinë politike të Evropës për herë të parë po bëhen përpjekje të themelohet Gjykatë e quajtur Speciale për hetimin e krimeve të supozuara të asaj ushtrie, të atyre luftëtarëve që kanë bërë luftë të drejtë e kjo, luftë e drejtë, domethënë luftë për mbrojtjen e vetes, për mbrojtjen e popullit të vet prej pushtuesit, prej pushtuesit që ushtron dhunë e terror për asgjësimin e këtij populli”, ka thënë Qosja në këtë intervistë për “Epokën e re”.
Ai është shprehur kundër themelimit të një gjykatë të tillë duke thënë se gjykatat e tilla edhe dinë të shpikin rezultate. “Unë jam me zemër e me mendje kundër themelimit të kësaj Gjykate të quajtur Speciale që do të merret me krimet e supozuara të ushtarëve që kanë bërë luftë të drejtë çlirimtare. Mendoj se Gjykata Speciale që do të formohet nuk është e liruar prej përbërësish (komponentësh) politikë. E gjykatat e tilla dinë edhe të krijojnë, domethënë të shpikin rezultate”, ka deklaruar Qosja. Në këtë kontekst, Qosja ka thënë se në qoftë se gjykatësit e Gjykatës Speciale do të jenë të interesuar ta cenojnë sadopak imazhin e luftës sonë çlirimtare që bëri UÇK-ja ata do të bëjnë çka kanë bërë prokurorët e EULEX-it gjatë disa muajve të fundit.

Akademik Rexhep Qosja ka folur edhe për debatin e fundit që është zhvilluar në opinion për ekzistimin e FARK-ut, për të cilin ka thënë se është krijuar me qëllim që UÇK-së të mos i njihet statusi si forcë çlirimtare e Kosovës. “Meqenëse FARK-u është krijuar në radhë ta parë për qëllime politike është e kuptueshme se krijuesit kryesorë të tij janë drejtuesit politikë të Lidhjes Demokratike të Kosovës e këta janë Fehmi Agani e Ibrahim Rugova. Ata e krijuan FARK-un në kohën kur faktorët ndërkombëtarë ende nuk e pranonin statusin ushtarak të UÇK-së dhe e krijuan me qëllim që UÇK-së të mos i njihet kurrë ai status, në të vërtetë me qëllim që UÇK-ja të pamundësohet si forcë çlirimtare e Kosovës”, është shprehur Qosja, duke mos e përjashtuar mundësinë që në rendin e ditës të Gjykatës Speciale do të gjenden edhe pohime që po dëgjojmë sot prej drejtuesve të LDK-së në lidhje me FARK-un. “E supozoj, me dëshirën që të jam gabim, se në rendin e ditës së Gjykatës Speciale do të gjenden edhe pohime që po dëgjojmë sot prej drejtuesve të LDK-së në lidhje me FARK-un”, ka deklaruar Qosja.

11. 04. 2014

Vërëjtje: Artikujt e botuar në albaniapress.com nuk shprehin domosdoshmërisht mendimet e stafit moderues!
 
 
Vlerësimi juaj për lajmin
I keq I dobët I mirë Shumë i mirë I mrekullueshëm
 
Vlerësimi:
Jep vlerësimin tënd
Është vlerësuar nga 35 vizitorë
Lexuar: 364 herë
Versioni për printim Dërgoje tek miku/mikja juaj Shtoje këtë artikull në listën e favoritëve
 
 
URIME KOSOVE, TE PRIFTE E MBARA!
E diel, 04 prill 2021 - 20:37
.
EPOPEJA...!
E diel, 07 mars 2021 - 00:08
.
Lufta e UÇK-së bashkon tre shtete
E premt, 27 nntor 2020 - 23:25
Institucionet e shkencës dhe të kulturës në Shqipëri, Kosovë dhe Maqedoninë e Veriut kanë dalë me një qëndrim të përbashkët mbi luftën e Ush...
K O M U N I K A T Ë
E premt, 20 nntor 2020 - 14:59
SHOQATA “YJET QË NUK VDESIN & OJQ “YOUTH FORUM PERSPEKTIVA” K O M U N I K A T...
Marrëveshja Kosovë-Serbi
E premt, 04 shtator 2020 - 20:59
Kosova dhe Serbia kanë nënshkruar Marrëveshje ekonomike me ndërmjetësimin e Shteteve të Bashkuara të Amerikës në Shtëpinë e Bardhë në Washingt...
më shumë nga - Lajme »
 
 

© 2024 AlbaniaPress.com :: Agjensia Informative Shqiptare Ballina | Moti | RSS | Kontakti
Të gjitha të drejtat e rezervuara Programimi dhe dizajnimi i faqës: Arlind Nushi