| Rritet përgjegjësia e policisë së Kosovës për pedofilinë dhe masakrën e Banjës |
| Publikuar më 28 gusht, 2014 në orën 00:42 ( ) |
Isa Mulaj | Opinion | |
|
|
|
Njeriu i gdhendur është produkt i gjeneve, informatave, dhe njohurive
Siç e kam theksuar edhe më herët, përgjegjesinë jo vetëm për mos zbardhjen por madje censurimin e masakrës së Banjës, e mban policia e Kosovës. Ushqimi kryesor i qenieve njerëzore të gdhendura është informata. Tani jeni të bindur se shqiptarët në Kosovë si kolektiv më së shumti e urrejnë njohurinë dhe informatat. Në vend të tyre, ata kanë përqafuar fetishizmin e interesit material aty-për-aty nëpërmjet metodave më të poshtra dhe të fëlliqura, çka në fakt ka shkaktuar kundër efektin e varfërimit dhe degjenerimit kolektiv. Pse ka ndodhur kjo? Sepse i kanë shpallur luftë mençurisë dhe informatave. Disa ndihen të fuqishëm nëse kanë armatim dhe paga si policia e Kosovës, por kur vjen momentin i luftës në tavolinë me njohuri dhe informata, janë baras me hiç. Përvoja nga historia na mëson se pas luftërave të tmerrshme në terren, lufta më e vështirë pason në tavolinë për zgjidhjen e problemeve edhe atyre ngjarjeve të ndodhura që nuk zhbëhen më, dhe atyre që mund të ndohin.
Pjesëtarë të policisë së Kosovës fillojnë t’ua “qartësojnë” njerëzve gjysmë-analfabetë dhe të egër, për rrezikun që mund të më pres mua shkaku se e kam përkujtuar me një artikull atë që kishte ndodhur në Banjë. Policia ishte irrituar se ia kisha prishur rehatinë e “hetimeve” të cilat kishin të bëjnë me një heshtje absolute dhe komoditet të tyre që kanë menduar “se u kry ajo punë, tash duket seikur nuk ka ndodhur asgjë.” Po u thonin njerëzve analfabetë dhe të egër, se ai (d.m.th. Unë) rrezikon të dënohet me 6 muaj burg për shkak të atij artikulli. Sa do që përpiqesha t’i bind këta gllupa se, po që se nesër dikush ua heq kokën juve apo dikujt nga familja e juaj dhe policia nuk don ta zbuloj, mund të jem unë ai që i rrezikoj 6 muaj burg për të kërkuar llogari nga policia për dinjitetin tënd, prap nuk merrnin vesh. Njëri prej tyre quhet Ramizi i Hyrisë, e tjetri Florimi i Januzit. Ka edhe të tjerë të tillë, por ata do t’i bëjë publik më vonë, pasi inspektoriati i policisë së Kosovës t’i zbuloj ata pjesëtarë të policisë që po i raportuakan për punën e tyre Ramizit të Hyrisë, Florimit të Januzit, dhe shumë hajnave të malit. Çështë e vërteta, këta malokë analfabetë, janë në gjendje t’ua heqin kokën aty-për-aty kur pijaven te Çakalani. Këtë ua kam pas bërë të ditur edhe aktivistëve të Lëvizjes Vetëvendosje kur ishin për fushatë zgjedhjesh në atë fshat, se “këta ta heqin kokën motorsharrë, sidomos kur pijaven te Çakalani, sepse aq është niveli i informimit dhe njohurive të tyre.” Filluan të qeshin aktivistët. Në mesin e atyre aktivistëve ishin: Avni Zogiani, Agron Hajzeraj, dhe Azem Zekaj. Duhet t’i pyesni këta kurdo që i takoni rreth përvojës së tyre me këta, e mos harroni ta pyesni edhe Rexhep Selimin që ishte një vit më herët për fushatë të zgjedhjeve lokale. E qeshura e aktivistëve të VV-së me paralajmërimin tim se “këta ta heqin kokën motorsharrë” që do të thotë se janë trima e rrezikanta që s’u ha palla fare, u kthye në ankth për këta aktivistë kur njëri banor aty i pyeti me nervozë dhe në formë akuze:
- Pse ju [VV] po i gjuni hallkun me vo e me patligjana!
- Paj po i gjujmë qata qe na kanë vra, djegë, masakru, përdhunu, e qe po vinë midis Kosove e po thonë “Kosovo je Srbija (Kosova është Serbi).” Me i pas armët dhe institucionet tona, ndryshe kishim vepru; se kishim lanë me vo e patligjana, se na kanë hyp n’qafë për s’tepërmi.
Si u duket juve që policia po i qan hallet me pijanecë gjysmë analfabetë dhe njerëz të tillë? Pse policia ka frikë t’i thotë dikujt tjetër, sidomos atyre që e kuptojnë këtë shkrim, se ai mund t’i marrë 6 muaj burg për shkrim? A e dini se njerëzit e tillë kanë frikë nga shkrim leximi se nga vrasjet dhe masakrat? Provojeni kur të doni dhe do të bindeni. Policia le të vazhdoj t’i bind gjysmë analfabetët pijanecë se çfarë rreziku paraqet shkrim leximi për ngjarjet reale dhe përshkrimi i realitetit. Çka po synon të arrij me këtë? Po u tregoj unë. T’ua mbyllë gojën, ashtu që nesër nëse u vret dikush, kryerësi i veprës nuk përballet me kurrfarë rreziku për ndëshkim; rrezikun e bart përsipër ai që nuk pajtohet se krimet e tilla duhet të censurohen, madje duke i paralajmëruar pijanecët gjysmë analfabetë se çfarë rreziku i pret të tjerët nëse folin për këtë punë dhe e zbardhin rastin.
Prandaj, nëse policinë po e shqetësojnë shkrimet e mia, e ftoj inspektoriatin e policisë të ndërmerr një hetim për papërgjegjësinë e pjesëtarëve të saj që bashkëpunojnë me Ramiza të Hyrisë e Florima të Januzit se çfarë rreziku mund të më pres mua, por edhe të tjerët më të mençur se unë, kur “përzihen” në punët e policisë të cilat nuk po i bëjnë për çka janë ngarkuar. Ramizi i Hyrisë dhe Florimi i Januzit janë emra real. Këta dhe disa të tjerë do t’ua tregojnë emrat e policëve një nga një që po mundohen ta frikësojnë popullatën nga shkrim leximi, por jo nga masakrat. Dhe e vërteta për këta njerëz që e urrejnë shkrim leximin është kjo: Kukuuu! Qysh po guxon more ai (Unë) me shkru ashtu! Një tjetri që më kanë thënë kështu, sigurisht me frymëzimin e policisë, i jam përgjigjur kështu:
- E ti a s’po tutesh me ba rrafsh me tokë malin nëpër bjeshkë?
- Jo po tutna, veç kjo e jotja është më e rrezikshme!
Ai me siguri frikësohej ngapak nga arusha nëse i del n’zgabim (në befasi), se edhe për të ka zgjidhje. Shumica e hajnave të malit janë të armatosur edhe me armë të gjata. Kjo traditë e tyre ka vazhduar që nga koha e sundimit të dhunshëm serb nga vitet 1990-ta. Atëherë të armatosur me lejen e serbëve për dëmtim të pyjeve (dhe ndoshta për luftë kundër shqiptarëve), po sot me leje të kujt mbajnë pushkë automatike? Cili ligj parasheh mbajtjen e pushkëve automatike? Kush ua dha lejen për bartjen e armëve të gjata? Unë, apo policia e Kosovës? Kush duhet të jetë përgjegjës për armë mbajtjet e tyre? Unë, apo policia e Kosovës? Kush duhet të jetë përgjegjës për të shtënat me këto armë dhe nëse këta e vrasin dikë me ato armë? Unë që shkruaj, apo ata që vrasin dhe policia e Kosovës që ua lejon këto armë?
|
Vërëjtje: Artikujt e botuar në albaniapress.com nuk shprehin domosdoshmërisht mendimet e stafit moderues! |
| Vlerësimi juaj për lajmin |
 |
|
|
|
|
| I keq |
I dobët |
I mirë |
Shumë i mirë |
I mrekullueshëm |
|
|
|
|
|
|
|
| |
|
| Është vlerësuar nga 44 vizitorë |
| Lexuar:
960 herë
|
|
|
|
|
|
|
