| Poezi nga Xhevahir Cirongu |
| Publikuar më 16 shtator, 2014 në orën 23:14 ( ) |
Kulturë | |
|
|
|
.
Shi vjeshte
Mjegulla kish’ rënë supeve të maleve
Në gjethet e pemëve pigmenti i vesë qante,
Te porta e hekurt ndalonin gjethet e vjeshtës
Era lozonjare i përkëdhelte me duart e ashpra.
Qielli i vjeshtës kishte veshur gunën e zezë
Dhe retë ishin të grisura si një çarçaf i vjetër,
As vetë nuk di se ç’kërkova atë natë
Veç shirat e vjeshtës pikëllimin lanë aty në parkak.
Atje në mjegullën e bardhë pash lot nusesh
Vallen e gëzimeve qëndisnin me mëndafsh,
Me ngjyra buzëkuqësh nusesh mollët varur në degë
Flakëndezura shami në oborr vallen kërcente.
Në frutin e shegës nata ra të flinte
Dhe unë me yjet tek porta i përgjumur prita,
Shirat e vjeshtës ngadalë u derdhën mbi supe
Hëna dritëargjend më tha fli i qetë me mua.
Durrë, 14 shtator 2014
|
Vërëjtje: Artikujt e botuar në albaniapress.com nuk shprehin domosdoshmërisht mendimet e stafit moderues! |
| Vlerësimi juaj për lajmin |
 |
|
|
|
|
| I keq |
I dobët |
I mirë |
Shumë i mirë |
I mrekullueshëm |
|
|
|
