|
Partia për Prosperitet Demokratik me vëmendje të posaçme i ka ndjekur ngjarjet në Malinë ku policia maqedonase i paska kaluar ditët duke « ngrënë patate të ziera ekologjike dhe kos të freskët » sipas versionit të vendit dhe ende opinionin nuk e ka informuar sa duhet zyrtarisht se cilat kanë qenë shkaqet e vërteta të qëndrimit të saj atje.
Versioni bdi-st na mëson se djelmoshat e Aliut do ta bëjnë rezil në Qeveri Gorden ( si shumë here deri tash!) por edhe ai version mbetet bosh sepse nuk tregon se cilat ishin shkaqet e « shtet rrethimit » dhe cili është rezultati i aksionit.
Andaj PPD do ta thotë fjalën e vet për këtë rast pasi ti dëgjojë këto dy versione të një Qeverie me dy partner identikë në platforma politike dhe veprime praktike në terren ashtu siç pasqyrohen nga të ashtuquajturat “bomba” të Zaevit.
Në lidhje me vizitën private të Ali Ahmetit bërë zavendës kryeministrit kosovar Hashim Thaçi PPD konsideron se ajo është një vizitë boshe ku « vëlla Hashimi » me deklaratat e tij të pavlera përpiqet ta shpëtojë « vëlla Alinë » nga humnera e gjallë politike.
PPD vlerëson se këto ditë Aliu është dashur të jetë mes votuesve të tij në Gushincë e Malinë ballë përballë me Gorden « famëlartë » për ofendimet antishqiptare e jo në drekë e darkë duke ngrënë fli dhe kos dhenësh me Hashimin. Në këtë mënyrë Alija do të tregonte se i ka merituar gjithato mijëra vota shqiptare dhe është përfaqsues i tyre politik.
Zyra për informim e PPD-së
Tetovë, më 27 prill 2015
|
