Lideri i DUI-it dhe i integristëve të bashkuar Ali Ahmeti, po kalon ditët e vetmisë së madhe si pasojë e plasjes së aferës së radhës që me sa duken janë të sajuar nga qeveria e koalicionit ku ai bën pjesë. I trishtuar për të ardhmen dhe karrierën e tij politike nga skandalet e përgjimeve të qeveritarëve brenda koalicionit, e ardhmja e tij dhe e partisë që përfaqson për të paktën në ditët dhe javët që do të vijnë duket e zymtë. Tonelata të përjavshme faji vazhdojnë të ngarkohen mbi llogarinë qeveritare nga ana e opozitës maqedone, e cila e mbush ç'do ditë "kandarin të mëkateve" të kësaj qeverie me gurët e rëndë të korrupsionit ,gjë për të cilën ka vënë në gjendje alarmi dhe lëvizje gjithë aparatin shtetëror.
Për të dalë të pazhyer nga pusi i zi i korrupsionit dhe skandaleve ku janë përlyer puhteti kërkon të gjej "armiq" imagjinar dhe shkaktarët e krizës. Dhe shkaktarët e krizës janë gjetur,ata janë shqiptarët si elementë "turbullues" në prishjen e rendit kushtetues në vend. Një tjetër aferë në vazhdën e aferave jo të këndshme të kryeintegristit Ahmeti dhe DUI-stëve të tij me qeverinë dhe kryeministrin Gruevski, është ajo e "ridaljes" në skenë të një grupi shqiptarësh të armatosur që veten e quan UÇK. Një incident më shumë në këtë situatë ishte një arësye më shumë për të kërkuar ndihmë, për këtë duhesh marrë rrugën në sy, drejt Prishtinës, si shpresa e fundit e shpëtimit të tij. Të sajuara apo jo këto ngjarje bën bujë në opinionin e gjerë, ndërsa vet ai kërkon të gjej ngushëllim dhe mbështetje në Prishtinë nga Hashim Thaçi dhe qeveria e Kosovës.Në konferencën për shtyp ku janë prononcuar z. Ahmeti dhe z.Thaçi, pas tyre ndodhej flamuri shqiptar dhe ai maqedon si dhe logoja e qeverisë së Republikës së Kosovës.
Deklerata në konferencën për shtyp ishte mesazhi që ai dha se me flamur maqedon në Prishtinë ai ka ardhur si "përfaqësues shtetëror i Maqedonisë "dhe vizita duhet kuptuar si vizitë e një përfaqsuesi të saj zyrtar. Me këtë paraqitje, si "i dërguar '' i Kryeministrit Gruevski, ai në Prishtinë, u mundua të përcjellë mesazhin e bashkëpunimit dhe fqinjësisë së mirë mes dy vendeve dhe se incidentet e armatosura nuk i përkrahin shqiptarët e Maqedonisë.
Nga Prishtina zyrtare me këtë vizitë ai, kërkoi mbështetje të ngritjes së prestigjit të tij si lider dhe DUI-it e cila po kalon situata të rënda kundërthëniesh dhe përçarje brenda saj si parti politike që nga themelimi. Shpëtimin nga e tërë kjo zallahi z. Ahmeti e sheh në implemetimin e plotë të marrëveshjes së Ohrit, siç theksoi ai në konferencën për shtyp, si e vetmja platformë me mbështetje ndërkombëtare në realizimin e të drejtave kombëtare të shqiptarëve në Maqedoni. Se si e sheh realizimin e avancimit e të drejtave të shqiptarëve për barazi të plotë më maqedonët përmes asaj marrëveshje në këtë republikë mbetet për tu parë në dhjetë vjeçarët e ardhshëm. Kjo demagogji politike e kreut DUI-st duhet të demaskohet nga gjithë subjektet politike shqiptare në Maqedoni përfundimisht si gënjeshtra më bisht e z. Ahmeti, sepse pikërisht ajo marrëveshje është mbytur në liqenin e Ohrit. Ky është guri i fundit i dominos së krye DUI-stit që i ka mbetur për ta hedhur si gënjeshtër të radhës.Në atë marrëveshje shqiptarët trajtohen si qytetarë të rendit të dytë. Aty shprehet qartë karakteri njënacional i shtetit maqedon dhe maqedonishtja si gjuhë zyrtare. Në asnjë nga pikat e saj nuk njeh gjuhë tjetër zyrtare veç maqedonishtes pos asaj të gjuhës së bashkësive etnike e sëpaku të 20 pëqindshit në përdorim lokal. Për ç'farë implementimi të ngecur flet Lideri i DUI-it, dhe ku e gjen barazinë e gjuhës shqipe në nivel republikan dhe shqiptarët si elemeteve shtetformuse? Aferim z. Ahmeti për margaritarët që vazhdon të nxjerrësh nga goja! Vetëm ai dhe DUI-stët mund ta fantazojnë?! Përkundrazi ajo marrëveshje kufomë, duhet varrosur bashkë me idetë e dala boje të Ali Ahmetin dhe DUI-t, nën rërën brigjeve të liqenit të Ohrit si relikte të një kohe të shkuar. Kjo është karta e fundit që i ka mbetur, ky është AS i djegur i një loje të humbur.
Ndihma e Prishtinës zyrtare për të shpëtuar lëkurën e z. Ahmeti dhe DUI-it nga skandalet e njëpasnjëshme janë kalkulime të pashpresë ku sipas anekdotës që thotë se: Ujku e ka ngrënë gomarin, ndërsa ai shpresonte se ishalla jam në ëndërr dhe jo në realitet!
Medai Shaholli
|