|
Gazeta "Sot", ka hedhur teorinë e konspiracionit krejtësisht pa bazë se vrasja e turistëve çekë në zonën e Dukagjinit është bërë nga shërbime të huaja (!)
Teksa kjo teori është hedhur pa qëllime të këqija nga disa komentues me imagjinatë edhe në rrjetin social Facebook, hedhja e saj në një gazetë me tirazh të lartë të Tiranës (siç është fatkeqësisht "Sot') në këtë kohë, nuk është e rastësishme, por ka qëllime tejet antikombëtare.
Gazeta "Sot", me këtë shkresë, tenton edhe një herë ta paraqet në mënyrë indirekte (në shkrim nuk përmendet direkt) shërbimin shqiptar si i dobët, sepse nuk është parandaluar një skenar i supozuar i shërbimeve të huaja...
E them këtë gjë sepse dihet shumë mirë misionin antikombëtar i "Sot" për ta paraqitur shërbimin shqiptar si i dobët dhe i paaftë, madje se ka lidhje me politikën.
"Sot" kishte provuar në mënyrë konstante vitin e kaluar të përmbushë këtë mision, i porositur pikërisht nga armiqtë antishqiptarë, të krijojë "skandale" të ndryshme të medias kundër shërbimit shqiptar, por që gjithmonë ka dështuar në të!
Pra, nëse dikush bën punën e dreqit në Shqipëri për shërbimet e huaja, është pikërisht media antikombëtare, pjesë e së cilës është edhe "Sot"!
Vrasja e turistëve çekë në Shqipëri, fatkeqësisht është bërë nga vet shqiptarët dhe është turp i zi për Shqipërinë, për motive të rëndomta kriminale.
Atë që e bëjmë ne me dorën tonë për turp dhe kundër vetvetës nuk është e nevojshme ta kryejnë shërbimet e huaja...!
Duke shprehur ngushëllimet e mia popullit çek, them përfundimisht se është koha për një reflektim të gjerë në shoqërinë shqiptare për largimin e antivlerave dhe kriminalitetit, për një kthim në vlerat tradicionale të besës dhe mikpritjes shqiptare për parandalimin e akteve të tilla kriminale, siç është edhe kjo vrasje makabër!
Alban Bardhyli
Tiranë, 5 korrik 2015
|
