|
“Besa” përmbledhje poetike dhe “1803” në prozë. F.Ajeti:“Çdo promovim i autorëve në Austri është promovim i kulturës krijuese shqiptare...”
Në lokalet e Ambasadës së Republikës së Kosovës në Austri, u bë promovimi i dy librave të rinj të krijuesit tetovar i cili jeton në Vjenë, Besim Xhelili. Njëri me poezi “Besa” dhe në prozë “1803”.
Ishte i pranishëm Roland Bimo, ambasador i Republikës së Shqipërisë në Austri. “Ka një ç’vendosje cilësore të aktivisteve shqiptare në diasporë, dalja e talenteve të rinj është produkt i ngritjes së gjithë diasporës shqiptare. Është e nevojshme zhvillimi i kritikës letrare e cila mëson si të lexohet vepra letrare.” Mysafir rasti ishin dhe Eqrem Zenelaj, Fate Velaj, Kamil Weiner, krijues shqiptar nga Sllovakia, Entrit Xhelili etj.
Anton Marku, kryetar i LSHKSH “Aleksandër Moisiu” foli rreth librit në prozë ku e vlerëson përpjekjen e parë të autorit në këtë gjini letrare.
Programin e drejtoj Faruk Ajeti, sekretar ambasade ku mes tjerash tha: ”Besim Xhelili tani i njohur me veprat e tij dhe Lidhja e Shkrimtarëve në Austri me sukses po promovojnë kulturën tonë krijuese në Austri krahas kombeve tjera”. Kurse në emër të organizatorit përshëndeti konsulli Imer Lladrovci. Të dy librat tematikë kanë dashurinë për të cilat foli krijuesi Ragip Dragusha, kurse fragmente nga librat lexuan Jeta Jashari dhe Osman Ademi.
Besim Xhelili falënderoj të pranishmit. ”Janë këto dy libra, njëri në poezi dhe romani im i parë. Shumica e identifikojnë personazhin kryesor me mua, nuk do thotë ashtu. Romani do ketë dhe dy pjesë tjera të cilat po thuaj janë gati” Ai dha një vështirim mbi krijimtarinë e tij deri tani dhe planet e tij në të ardhmen. Në fund u dha një koktej rasti nga organizatori.
|
