| Drejtësi për Astritin |
| Publikuar më 07 nntor, 2016 në orën 04:20 ( ) |
Lajme | |
|
|
|
Lëvizja VETËVENDOSJE! shprehu edhe një herë ngushëllime për familjarët, shoqërinë dhe gjithë aktivistët për vdekjen e Astrit Deharit. Gjatë një konference të jashtëzakonshme për media, kryetari Visar Ymeri dhe Sekretari Organizativ, Dardan Molliqaj, kërkuan zbardhjen e rastit duke mbajtur përgjegjëse institucionet që dolën me deklarata kontradiktore mënjeherë pas vdekjes.
“Astrit Dehari dje ka qenë duke u mbajtur për ditën e 68 në paraburgim. Pas 68 ditësh marrim lajmin e tmerrshëm të vdekjes së anëtarit të Këshillit të Lëvizjes VETËVENDOSJE!, shokut tonë Astrit Dehari. Student i shkëlqyer i mjekësisë dhe anëtar i një familjeje të shkëlqyer patriote kalon 68 ditë në paraburgim, në vendin ku suspendohet dinjiteti. Këtë paraburgim Astritit dhe pesë aktivistëve të tjerë ia kishte montuar policia bashkë me prokurorin, pa asnjë provë a fakt të qëndrueshëm. Një rast i kulluar i montimit politik”, tha në fillim të fjalës së tij, Visar Ymeri.
Ai tha se aktivisti Dehari, bashkë me aktivistët Egzon Halitin e Atdhe Arifin, u akuzuan pa fakte për terror, ndërkohë që terrori po bëhet nga shteti përmes institucioneve të kapura.
“Vdekja e aktivistit tonë Astrit Dehari, pavarësisht mossqarimit të rrethanave, është përgjegjësi e drejtpërdrejtë e shtetit sepse Astriti ka vdekur për sa kohë që mbahej në burg. Astriti me shokët e tjerë, me të gjithë ne, tash e 68 ditë terrorizohen me akuzat më të ulëta e të pacaktuara”, shtoi Kryetari Ymeri.
Më tej, ai tregoi se i ka drejtuar një kërkesë zyrtare Ministres së Drejtësisë që të mundësohet një vizitë në burgun e Pejës dhe atë të Lipjanit për t’i vizituar dhe ngushëlluar Atdheun dhe Egzonin që vazhdojnë të mbahen aty, duke kërkuar edhe lirimin e menjëhershëm të dy aktivistëve tanë.
Kryetari Ymeri tha p oashtu që Lëvizja VETËVENDOSJE! mbështet kërkesën e familjes Dehari për autopsi të pavarur dhe të besueshme për të identifikuar drejt shkaktarët e vdekjes së Astritit, duke deklaruar se nuk do të heshtet deri në zbardhjen e rastit dhe vënien e drejtësisë në vend edhe për këtë rast, e veçanërisht për këtë rast.
Kurse, Dardan Molliqaj deklaroi se dita e djeshme për të gjithë VETËVENDOSJEN!, ka qenë një prej ditëve më të vështira të jetës tonë. Duke shprehur ngushëllime, ai tha se shkaku i vdekjes së Astrit Deharit nuk është çështje fatkeqësie.
“ Ky rast është rezultat i një persekutimi të pashoq që ky pushtet ose ky regjim po ia bën çdo studenti, punëtori, mësuesi, doktori e të tjerëve qytetarë, të cilët e kundërshtuan këtë regjim. Me rrahje, plagosje, gaz lotsjellës, arrestime, e së fundmi edhe montime të rënda, ky s’është gjë tjetër, vetëm se montim”, tha Molliqaj.
Duke demantuar ato që u thanë nga institucionet e ndryshme për vdekjen e Astrit Deharit, Molliqaj foli për jetën në burg, duke sqaruar se në burg vetëm mendjen e ke të lirë, dhe çdo veprim tjetër është nën kontrollin e institucioneve përkatëse.
“Pra, prej kohës kur zgjohesh, në cilin krevat fle, kur del në shëtitje, kur ushqehesh, e aq më shumë kur ke vizitë te mjeku apo merr tableta apo medikamente për nevoja të ndryshme. Pra gjithçka është në dorën e institucionit, në këtë kuptim çka do që ndodh në burg është gjithmonë përgjegjësi e institucionit”, deklaroi Molliqaj.
Molliqaj shtoi se deklaratat e djeshme, të ngutshme e kontradiktore vetëm sa e kanë bërë më të rëndë, për të gjithë ne, po edhe për shoqërinë e Kosovës atë që ndodhi. Ai tha se sikurse me 29 shtator, që ishte policia ajo e para që mbante konferenca për shtyp për montimet e fabrikuara dhe provat komplet false për këtë rast, edhe dje për më pak se dy orë pasi kishte ndodhur rasti, Komandanti i Policisë së Prizrenit deklaron që ky vdiq nga barnat.
“Një gjë e tillë mund të vërtetohet vetëm nga autopsia, një gjë e tillë nuk ka ndodhur edhe në këto momente që po flasim. Pse kjo nguti? Pse Shërbimi Korrektues i Kosovës deklaron se Astrit Dehari vdiq në spital, në të njëjtën kohë e kemi deklarimin e prokurorit që e cilëson vdekje të dyshimtë. Pra, tri institucione – Policia, Shërbimi Korrektues dhe Prokuroria – me deklarata të ndryshme. Astriti nuk ka vdekur në spital, Astriti ka shkuar i vdekur në spital, kjo është e vërtetë dhe zyrtare”, shtoi tutje Molliqaj.
Ai po ashtu sqaroi se një javë më parë, Astriti me kërkesën e tij, i ka bërë gjitha analizat mjekësore në burg dhe sipas tyre ai nuk vuante nga asnjë sëmundje. Ai nuk ka qenë duke marrë asnjë medikament, apo tabletë përgjatë gjithë kohës sa ka qëndruar në burg, gjë që është zyrtare dhe e konfirmuar. Si dhe sqaroi se medikamentet merren vetëm me udhëzues të mjekut dhe ato mund të përdoren vetëm në prezencën e mjekut dhe oficerëve korrektues.
Tutje, Molliqaj bëri të ditur se Komisioni për Legjislacion tashmë ka filluar me një vizitë zyrtare në burgun e Prizrenit, e më pas në burgun e Pejës dhe në burgun e Lipjanit, duke treguar poashtu që kryetarit të VETËVENDOSJE!-s dhe avokatëve e familjarëve të Egzonit e Atdheut ende nuk i është dhënë përgjigje për vizitën tek ta. Si dhe solli në vëmendje se Ministria e Drejtësisë dhe institucionet e tjera përkatëse i kanë shëtitur jashtë burgut vazhdimisht të burgosurit e afërt me pushtetin apo edhe zyrtarë të pushtetit.
“Ajo që ndodhi kurrsesi nuk është tragjedi, Astriti është një viktimë e pushtetit dhe regjimit, dhe ne aktivistët e VETËVENDOSJE!-s, sonte duke filluar nga ora 17:00, në sheshin ‘Skënderbe’, përballë Teatrit Kombëtar, do të bëjmë homazhe në shenjë nderimi për Astrit Deharin dhe do të shprehim indinjatën tonë të thellë dhe do të kërkojmë drejtësi për rastin dhe drejtësi për të gjitha rastet tjera në Kosovë”, përfundoi Molliqaj.
|
Vërëjtje: Artikujt e botuar në albaniapress.com nuk shprehin domosdoshmërisht mendimet e stafit moderues! |
| Vlerësimi juaj për lajmin |
 |
|
|
|
|
| I keq |
I dobët |
I mirë |
Shumë i mirë |
I mrekullueshëm |
|
|
|
|
|
|
|
| |
|
| Është vlerësuar nga 37 vizitorë |
| Lexuar:
535 herë
|
|
|
|
|
|
|
|
|
| |
| Lufta e UÇK-së bashkon tre shtete |
E premt, 27 nntor 2020 - 23:25
Institucionet e shkencës dhe të kulturës në Shqipëri, Kosovë dhe Maqedoninë e Veriut kanë dalë me një qëndrim të përbashkët mbi luftën e Ush... |
| K O M U N I K A T Ë |
E premt, 20 nntor 2020 - 14:59
SHOQATA “YJET QË NUK VDESIN & OJQ “YOUTH FORUM PERSPEKTIVA”
K O M U N I K A T... |
| Marrëveshja Kosovë-Serbi |
E premt, 04 shtator 2020 - 20:59
Kosova dhe Serbia kanë nënshkruar Marrëveshje ekonomike me ndërmjetësimin e Shteteve të Bashkuara të Amerikës në Shtëpinë e Bardhë në Washingt... |
më shumë nga - Lajme » |
|
|
|
|
|
