| Beqir Elshani: Anekdota |
| Publikuar më 10 nntor, 2016 në orën 07:47 ( ) |
Beqir Elshani | Kulturë | |
|
|
|
1. E KUJT ËSHTË BIBLIOTEKA?
- A e dini e kujt është Biblioteka Qendrore? – pyeti arsimtari i gjuhës shqipe.
- Dihet, e komunës? – u përgjigjën nxënësit.
- Jo, është e lexuesve. Po të mos ishin lexuesit, biblioteka do të mbyllej, - tregoi arsimtari.
2. ETIKA DHE MORALI
- Astrit, ç’është etika? - pyeti arsimtarja nxënësin.
– Etika është e ëma e moralit, - u përgjigj nxënësi.
- Mirë, po morali ç’është? - vazhdoi të pyes arsimtarja.
- Dihet, morali është i biri i etikës, - u përgjigj nxënësi.
2. KOKËFORTËSIA
- A më kokëfortë është derri apo gomari? – e pyeti i pari të dytin.
- Kryeministri është më kokëfortë se derri dhe gomari, - u përgjigj me zemërim i dyti.
3. ANKETË E DHIMBSHME
Gazetari i pyeti bjeshkatarin malazez dhe bjeshkatarin shqiptar në bjeshkët e Çakorrit se kush është më i mirë, Isa Mustafa apo populli shqiptar. I pari tha se është Isa Mustafa, kurse i dyti tha se është populli shqiptar. Kështu lexoi anketën qytetari i Kosovës.
- Prandaj nëse japim troje, fqinjët na duan, nëse nuk japim, jo që nuk na duan, por edhe na pengojnë të shkojmë Bashkimin Europian, - u ankua veterani i burgosur.
5. FALIMENTIMI I RROJTORES
- Baba, e kam mbyllur rrojtoren, nuk ka myshteri, - tregoi i biri që kishte humbur myshterinjtë.
- Mbase për shkak të shkuarjes së burrave në kurbet, - shtoi babai që mundohej ta qetësonte të birin.
- Jo baba, krejt po bëhen haxhi… - tregoi berberi.
- Nuk ke faj, ia kemi parë sherrin propagandës fetare, - tha me keqardhje babai.
6. HUNDA E MADHE
- Baba, jam në hall, shokët ma përqeshin hundën që e kam të madhe, - u ankua i biri para babait.
- Prandaj përqeshi edhe ti… - ndërhyri babai.
- Si t’i përqesh, kur ata nuk kanë hundë, - ia ktheu i biri me zemërim.
7. (PA)PASTËRTIA
- Burim, çka do të thotë pastërtia? – pyeti mësuesja e njohuri natyrës.
- Papastërtia është kur në rrugë gjenden mbeturina të pemëve, letra, hekura, xhama, rroba të vjetra, parku i shkelur, lumi dhe ajri i ndotur nga balta dhe pluhuri. Papastërtia mund të jetë e vogël, por edhe e madhe sipas numrit të banorëve, - kështu u përgjigj nxënësi.
- Mirëpo unë pyeta ç’është pastërtia…? – ia tërhoqi vërejtjen mësuesja.
- Mësuese, unë jetoj në mjedisin e papastër, kurse Redoni që jeton në mjedisin e pastër mund të flasë për pastërtinë, - përmbylli diskutimin nxënësi.
8. PRIFTI DHE PARAJSA
- Ti je prift, ndaj në kishë vijnë të luten një çift i ri për shkuarje në parajsë, prandaj cilin prej tyre do ta çoje në parajsë? - kështu e pyeti njëri mikun e tij.
- Shumë lehtë, burrin e çoj në parajsë, kurse gruan e tij e bëj murgeshë, - u përgjigj miku i tij.
9. REVISTA “VAGABOND”
- A e di qysh lexohet revista “Vagabond”? - pyeti njëri kolegun e tij në punë.
- Po, prej anës së majtë të revistës në të djathtën, - tregoi i dyti.
10. KARRIGA E RRENËS
- Në sallë gjendet kërriga e rrenës, prandaj cili prej njerëzve do të ulet: pirati, avokati apo mjeku? – pyeti profesori studentët.
- Pirati, sepse është invalid, pa këmbë e pa dorë, - u përgjigj një student.
11. ÇMIMI PËR LETËRSI
Një ditë një falltare hyri me një shtëpi dhe me marifetin e saj zonjës së shtëpisë ia parashikoi fatin.
- Zonjë, burri yt së shpejti do të fitojë çmimin Nobel për letërsi, - kështu i tha falltarja.
- Bu-bu, burri im nuk di shkrim-lexim, jo më të fitojë çmimin Nobel, - ndërhyri gruaja e habitur.
- Mjafton që burri yt di të manovrojë me internet, dhe kompjuteri fjalët ia qet si oxhaku tymin, - ia ktheu falltarja.
12. KALI NOSTALGJIK
- Sokol, kush po të ushqen më mirë, Thaçi apo Mustafa? – e pyeti një fshatar kalin që ishte duke kullotur në parkun e qytetit.
- Më i mirë ka qenë Kaligula. Në atë kohë stërgjyshi im ka qenë senator dhe ka pasur kushte shumë të mira jetese, - tregoi kali nostalgjik.
13. PUNË ELEFANTËSH
- Zonja Doris Pack deklaroi se politikanët shqiptarë janë si elefantë, - tregoi një qytetar.
- Prandaj edhe zonja Pack me kolegët në Parlamentin Europian duhet të jenë si elefantë, të parët indian, të dytët afrikanë, - plotësoi i dyti.
14. GOMARI DHE ELEFANTI
Në qytet mbahet karnevali festiv, dy veta i afrohen shatorrit për gjuatje në shenjë.
- Çka dëshiron të fitosh nëse qëllon në shenjë? – pyeti qytetari mikun e tij.
- Nëse e fitoj gomarin, do ta mbaj për shërbime të mia shtëpiake, nëse e fitoj elefantin, do t'ia dhuroj qeverisë, - tha i dyti.
15. GJETJA E USHQIMIT
- Kush e gjen ushqimin më shpejt, dhelpra apo ujku? – pyeti njëri mikun e tij.
- Dhelpra, - u përgjigj i dyti.
- Jo, miu e gjen më shpejt ushqimin, - tregoi i pari.
16. MIKROSKOPI
- Çka shërben mikroskopi? – e pyeti nxënësin arsimtari i fizikës.
- Mikroskopi është një mjet optik, shërben për zbulimin e korrupsionit, - u përgjigj nxënësi.
- Gjepura, gjyshi im pa mikroskop mund të zbulojë korrupsionin, - ndërhyri nxënësi tjetër.
17. SHUMICA DHE PAKICA
- Çka do të thotë shumicë dhe pakicë?
- Pakicë është, kur një numër i vogël njerëzish tymosin duhan, shumicë është kur një numër i madh njerëzish e durojnë tymin e duhanit.
18. KONCERTI NË PARLAMENT
- Cili koncert të pëlqen më së shumti? – e pyeti studenti shokun e grupit.
- Koncerti i Parlamentit… - u përgjigj shoku i tij.
- E pabesueshme, - u habit i pari.
- Po, po, ata këndojnë aq bukur saqë gjyshin tim e vejnë në gjumë, - tregoi shoku i tij.
19. SHITORJA MË E MIRË
- Cila shitore është më e mirë? – e pyeti gazetari qytetarin në rrugë.
- Shitorja më e mirë është ajo në të cilën nuk shiten fiku turk, llokumi maqedonas dhe biskotat serbe, - u përgjigj qytetari.
20. TAJFUNI DHE BOMBARDIMI
- A më mirë është stuhia e tajfunit, apo bombardimi rus? – i pyeti gazetari qytetarët në Siri.
- Më i mirë është tajfuni, - thanë sirianët e rraskapitur nga bombardime e përditshme ruse.
21. PYTJE PËR STINËN
- Agim, në cilën stinë të vitit gjendemi tani? – e pyeti mësuesja nxënësin.
- Në stinën e pranverës… - u përgjigj Agimi.
- Të paska zënë gjumi Agim, tani jemi në fund të vjeshtës, - ia kthyen me të qeshura nxënësit në klasë.
- Më falni, më mashtroi, Doruntina me bluzë të hollë, - tha Agimi duke u munduar të dalë prej gjendjes.
22. UJKU NË MATEMATIKË
- Baba, kur mësuesi më pyeti sa bëjnë një ujk dhe dy dele, unë u përgjigja që bëjnë tre kafshë, mirëpo ai ndërhyri, më tha që bëjnë një ujk, - tregoi i biri.
- Duket qartë që mësuesi yt është i zoti në filozofi, por i dobët në matematikë, - ia ktheu babai.
23. KUJDESTARI ME QENIN
- Sharan, unë jam kujdestari yt, - kështu i tha gjahtari qenit të tij.
- Si mund të jesh kujdestari im, kur ti ushqehesh me gjahun tim? – ia ktheu qeni pronarit.
24. PROPOZIMI I QYTETARIT
- Çfarë propozimi keni për Qeverinë e Kosovës? – pyeti gazetari një qytetar.
- Mendoj që Qeveria e Kosovës duhet të integrohet me Mbledhësit e Kërpudhave, - u përgjigj qytetari.
25. I ÇMENDURI NË PARLAMENT
- Si thuhet në mënyrë të figurshme i çmenduri hyri në parlament? – pyeti arsimtari studentin.
- I sëmuri mendor hyri në parlament, arsimtar, - u përgjigj studenti.
26. BURRI ME DY DIPLOMA
- Burri im është jurist, tani mori edhe një diplomë në Fakultetin Ekonomik, - kështu tregoi një grua e gëzuar për diplomimin e bashkëshortit në universitet.
- Qysh po shihet, sot më vështirë është që njeriu të bëhet bujk, se akademik, - ndërhyri me mospërfillje fqinja e saj.
27. TRONDITJE SHPIRTËRORE
- Doktor, burri im pësoi tronditje të thellë shpirtërore, vetëm pse i thashë që fabrika e duhanit në Gjilan është mbyllur, papritmas i ra të fikët, - i tregoi mjekut në telefon gruaja fatkeqe.
- Mos u shqetësoni, afroja cigaren te hunda, ai do të ngrihet përsëri në këmbë, - e këshilloi mjeku në telefon.
28. DOKTOR DUHANI
- Doktor, cili mjet është më i mirë për pastrimin e mushkërive nga tymi i duhanit? – pyeti qytetari mjekun.
- Nuk ka mjet pastrim më të mirë se ndërprerja e duhanit, që edhe emrin e ka të keq, - e këshilloi mjeku.
29. KËRKESË ABSURDE
- Dëshiron fidanë të qershisë që piqet në muajin maj, apo në muajin qershor? – e pyeti pemëtari fshatarin.
- Dua qershi që piqet në muajin dhjetor, - tha fshatari.
- Pse në… dhjetor? – vazhdoi të pyes pemëtari.
- Sepse qershitë kushtojnë më shtrenjtë, - tha fshatari kureshtar.
30. VRASËSI I MIZAVE
- A e dini kush është vrasësi më i madh i mizave në shtëpi, - pyti njëri shokët e tij.
- Dihet, pluhuri kimik DDT, - u përgigj njëri prej grupit.
- Jo, është dimri i ftohtë. Sapo të vijë dimri, asnjë mizë nuk mbetet, - tregoi i pari.
31. TUNELI I KALIMASHIT
- Për sa minuta kalon autobusi nëpër tunelin e Kalimashit të gjatë prej 8 km? – pyeti gazetari inspektorin rrugor.
- Autobusi kalon për pesë minuta, vetura për tre minuta, kurse automjetet që fluturimthi udhëtojnë për një minutë, kurrë nuk arrijnë të dalin prej tunelit, - u përgjigj inspektori rrugor.
32. NUMËRATORE PËR KRYEMINISTRIN
- Çka i dhurove kryetari për ditën e pavarësisë? – e pyeti deputet kolegun e tij.
- Numëratore i dhurova, - u përgjigj i dyti.
- Për të mësuar matematikën, apo?! – vazhdoi të pyes i pari.
- Jo, jo, për t’u zbavitur në zyrë, - ia ktheu deputeti i dytë.
33. PYETJE NGA GJEOGRAFIA
- Sa kilometër katrorë i ka sipërfaqja e Kosovës? – e pyeti nxënësin arsimtari i gjeografisë.
- E di kur kanë ardhur sllavët në Ballkan, por nuk e di sa kilometër katrorë i ka Kosova, - tregoi me keqardhje nxënësi.
34. ASTRONOMI DHE ASTROLOGU
- “Astronomët shprehin keqardhje që nuk u zbatua shqetësimi i astrologëve për shkatërrimin e botës pas zënies së diellit, për të cilën banorët kanë të qenë të shqetësuar, saqë tërë natën nuk ka fjetur prej frikës se do të bëhet kiameti., - kështu lexoi qytetari i parë në gazetë.
- Jo keqardhje, por duhet dënuar me gjobë, ashtu siç dënohet shoferi që thyen rregullat në trafik, - shtoi qytetari i dytë.
35. LIRIA APO LEKU?
- A është më e vlefshme liria apo leku? – pyeti njëri fqinjin e vet.
- Leku. Me lekë mund të blihet liria, kurse me liri nuk mund të blesh as pulën në treg, jo më të sigurosh punë për të fituar kafshatën e bukës, - tregoi fqinji i revoltuar.
36. MISHI I GJEDHIT
- A më i mirë është mishi i pulës apo i derrit? - pyeti i biri babain.
- Më i mirë është mishi i gjedhit, - ia ktheu babai.
37. PARASHIKIMI I FATIT
Një ditë një falltare hyri me një shtëpi dhe me disa figura zonjës së shtëpisë ia parashikoi fatin.
- Zonjë, burri yt do të bëhet kryetar, - kështu i tha falltarja.
- Uuu, më marrsh të keqen, burri im nuk di të fshijë hundët, jo më të bëhet kryetar, - ndërhyri gruaja e habitur.
- …Nëse parashikimi im nuk del i saktë, eja dhe shkurtomi duart, - ia ktheu falltarja.
38. MENAXHERIA E PREJ MERMERI
- Për habi, në qendrën tregtare menaxheria prej mermeri e dashnorëve femër-mashkull duke u puthur kushton lirë, megjithatë nuk shitet, - tregoi një qytetar.
- Natyrisht që nuk shitet, sepse të rinjtë, djem e vajza, po e përjetojnë dashurinë konkrete, - tregoi i dyti.
39. DJALI SHKON NUSE
- Dajë pasnesër me familje të vini në dasmë, - e grishi mbesa dajën.
- Urime, po e marton vajzën? – uroi daja.
- Jo, djali po shkon nuse, - tregoi me hidhërim mbesa.
40. FEJESA SI VALUTË
- Mama, falltarja e ka ditur që unë do të fejohem, - tha me gëzim e bija.
- Po sikur të ishte parashikim për fatin e martesës… nuk dihet deri atëherë. Sot fejesat janë bërë si valuta, shkon poshtë e lart, - ia ktheu me dëshpërim mamaja.
Suedi, 31 tetor 2016
|
Vërëjtje: Artikujt e botuar në albaniapress.com nuk shprehin domosdoshmërisht mendimet e stafit moderues! |
| Vlerësimi juaj për lajmin |
 |
|
|
|
|
| I keq |
I dobët |
I mirë |
Shumë i mirë |
I mrekullueshëm |
|
|
|
|
|
|
|
| |
|
| Është vlerësuar nga 33 vizitorë |
| Lexuar:
501 herë
|
|
|
|
|
|
|
|
|
| |
| NDËRMJETËSIME LETRARE |
E mart, 13 prill 2021 - 22:06
Shtëpia Botuese “ARMAGEDONI”, në prishtinë nxori nga botimi librin: “NDËRMJETËSIME LETRARE – për krijimtarinë e Arif Molliqit”, me autor S... |
| Ja çfarë mendonte Faik Konica për Shqipër... |
E premt, 09 prill 2021 - 00:54
Kush më mirë se Faik Konica mund të perifrazojë shqiptarët ashtu siå ato ishin dhe janë. Ai ishte jo vetëm një nga njerëzit më të ditur dhe më... |
më shumë nga - Kulturë » |
|
|
|
|
|
