Ballina
Lajme
Opinion
Intervista
Histori
Kulturë
Të ndryshme
English
Galeria
Libri i miqve
Dërgo lajme
Kush jemi ne?
Kontakti
 
RSS Furnizuesi
RSS Furnizuesi
   
 
Poezi të ribotuara me rastin e festave të 28-29 Nëntorit të Kuq
Publikuar më 27 nntor, 2016 në orën 16:57 ( ) Fadil Shyti | Kulturë |
Rrit madhësinë e shkronjave
.





















FLAMURIT KUQEZI

Kur të shoh TY Flamur,
Duke valuar në ajri!...
Sikur i shoh në horizonte,
Në vegime,
O, Shqipëria ime;
KRYENGRITJET, LUFTËRAT,
NDERIN E KOMBIT, LAVDINË,
Që nga koha e Gjergj Kastriotit,
-E, gjer tek ENVER HOXHA, YNË!

Kosovë e Shqipërisë, 1984

SHQIPËRIA KËRKON RIBASHKIM
(Kushtuar, Jasharëve legjendarë)

Breshëritë e plumbave barbarë,
Mbi kullat tuaja flakadanë lirie,
Janë gjurmë të pashlyera
Të një kohe të zezë barbarie!

Janë gjurmë të thella Qëndrese,
Si luftuan luanët e lirisë
Me besa-besë, shpresë,
Për Ribashkimin e Shqipërisë!

Me nipa e mbesa, me besa-besë:
Axha Shaban, me Ademin e Hamzën,
Ditën, guxuan, paralajmëruan
Mauzerëve,t´ua ngrehin këmbëzën,

Luftën Çlirimtare Shqiptare,
Nga nata e zezë shekullore-mizore
E filluan, Kosovën me Vise e zgjuan
Drejt fitoreve të reja!...

Ashtu, kurdoherë na thërrasin,
Me kushtrim:
Përjetë Qëndroni!
Shqipëria kërkon Ribashkim!

Prekaz, 2000

BESËPRERËVE
(Revoltë ndaj atyre që veprojnë kundër Ribashkimit të Shqipërisë!)

Me një fytyrë dukeni,
Njëmijë fytyra keni!
Si minj labirinteve breni,
Të dështuar jeni!

Jeni të prapë o bukëshkalë!
Me qindra shekuj prapa,
Ecni mbi tokë, si të pa kokë,
Kurrë nuk ecni me hapa!

Mashtrues të çoroditur,
Ah! Populli s´po ju njeh,
Juve, o të babëzitur!
Veçse sherrin ua sheh!

Mbaheni me krekosje,
Ngriheni me llafe të kota!
Prej veprave tuaja të poshtra,
Neveritet dhe çuditet bota!

Ju, e shkelni besën, nderin,
E përdhosni dhe Flamurin,
Ju lirisë ia pini gjakun,
Atdheut ia prishni nurin!

Gjeni juaj mostër e keqe!
Atdheut po i sjellë veç kobe,
Nga prapakthimet kryeneçe,
Mbytë ideja juaj robe!

Deri kur o ju kokëderra,
Do t´ju shkojë kungulli mbi ujë?!
Të pa kurriz, xhelatë ngaherë,
Jeni vënë n´shërbim të huaj!

Pa menduar e peshuar:
Vala popullin ku e qet,
Ju që shpikni dhe komb tjetër,
Një komb jemi, -or të shkretë!

Shqipëria e RIBASHKUAR,
Ore horra ju pengon,
Se pastaj nuk mund t’ia zhvatni,
Pasurinë atdheut tonë!

Ju, mjeranët besëprerë!
Nuk mendoni për Shqipërinë,
U ka marrë koka erë,
Të mbuluar me marrëzinë!

Shumë të etur për nderimet,
Nga të huajt e zi dinakë,
Si s´po shihni o të uruar,
Që po futeni në batak!

Të verbuar nga premtimet,
Për integrimet në Evropë!
Fatkeqësi me ndarje t´ kombit,
Po përhapni, nëpër botë!

Po harroni o të krisur!
Evropa për ne nuk bashkohet!
Prapë këndon këngën e vjetër:
Shqipëria të ricopëtohet!

Pansllavizmi nga Karpatet,
Si kuçedra me gjarpërinj,
Të uritur me shumë orekse,
Po e kafshojnë, Nënën Shqipëri!

Mos harroni o kopukë,
Anemikë, kozmopolitë,
Koha do t´ju dënojë idhshëm,
Po pajtoheni me armik!

Mos provoni të mbani copa!
Kot e ka ai që provon,
Një ditë Kombi do ribashkohet,
Gjithsesi, herët a vonë!

Sot Shqiponja e trazuar,
Kur ju sheh, sa po tronditet!
Kur zgërdhiheni me armiqtë,
Me flatra rrufeshëm valëvitet

Trupi saj mjaft u copëtua!
Gjatë qëndroi! E ndarë një shekull,
Gjaku ynë, kurrë nuk shteret,
Për ta bërë Shqipërinë t´paprekur!

Ju, Shqipërisë krajata i sillni,
Veç ato në koka i keni,
Me turpe-krimet që po bëni,
Asgjë tjetër veç Hiçër jeni!

Kështu Shqiponja alarmoi,
Ajo kurrë s'e humbë QËNDRESËN!
Kundër saj kush ngriti kokën,
Si tradhtar e vrau veten!

Suedi, 26 prill 2006

REBELIM

Rebelim, me kushtrim,
Rebelim, për çlirim,
Rebelim, për punë,
Jetën ta bëjmë qëndrim,
Nëse duam, -që kjo të ketë kuptim!
Rebelim, edhe për dashuri!...
Nëse duam të ketë ardhmëri,
Për filizat e reja, ndër brezni!...
Rebelim për RIBASHKIM!...

Malmë, 20.04.2004

PSE PO VONOHET LIRIA?!

…Po na vonohet liria,-sepse,
Ende po kalëron, -sundon:
Padituria, pabesia...
…Po na vonohet liria sepse,
Po sulmon lakmia, verbëria...

Po na vonohet liria,-sepse,
Po sundon liderizmi, -servilizmi,

Errësia,-pas-fashizmi
Po na vonohet liria,

Me vite, e shekuj...,
Sepse, horra dhe qorra politikë,

Pa turpe e frikë:

Po dialogojnë,-po zezojnë,
Me të huajt,-me armiqtë!

Po na vonohet liria,
Sepse,-deri sot, -nuk po i njihet vlera:

Janë bërë bashkë rosa, dosa e derra...
Nuk po rriten lulet nën ferra!

Po na vonohet kështu liria,
Prandaj, po heq si mos më keq,

E jona e bukura Shqipëria!

Suedi, 14.08.2006

DËNOJE TRADHTINË!

O njerëz, kështu duhet dënuar tradhtia!


Tradhtarit ia kisha futë çizmen e pistë,
Thellë në gojë, gjer në gju,
Jo, jo, se kisha vrarë!...
Jo pse më dhimbset, por sepse
Do t´i thosha më parë:
Çohu, të ma lëpish çizmen,
Me gjuhën tënde të ndyrë!
Sepse, çfarë ka vjellë, ndyrësira
Gjuha jote e keqe:
Nuk ka shkelë në hapërim...
Çizmja ime e mirë!

Suedi, 02 .08.2006

RIBASHKIMI KOMBËTAR

Na duhet si uji,
Na duhet si buka!
Na duhet si ajri,
Na duhet si dielli!
Na duhet si toka,
Na duhet si qielli!

Me Shqipëri të ndarë:
Jeta s´ ka kuptim!
Nuk gëzohet paqja,
Pa RIBASHKIM!
Prapë, na kërcënon lufta,
Atdheu, s'po gjen shpëtim!

Suedi, 21 Mars 2006
Marrë, nga përmbledhja poetike, “Revoltë”, Prishtinë, 2014


Vërëjtje: Artikujt e botuar në albaniapress.com nuk shprehin domosdoshmërisht mendimet e stafit moderues!
 
 
Vlerësimi juaj për lajmin
I keq I dobët I mirë Shumë i mirë I mrekullueshëm
 
Fadil Shyti
Shkrimet e tjera të këtij autori
Vlerësimi:
Jep vlerësimin tënd
Është vlerësuar nga 32 vizitorë
Lexuar: 1,389 herë
Versioni për printim Dërgoje tek miku/mikja juaj Shtoje këtë artikull në listën e favoritëve
 
 
LEGJENDAT DHE NDIKIMI I TYRE NË JETËN SOCIO...
E enjt, 15 prill 2021 - 23:38
LEGJENDA Legjenda apo gojëdhëna është një tekst apo rrëfyes që tregohet në formë gojore nga populli. Zakonisht këto gojëdhëna, i kushtihen p...
NDËRMJETËSIME LETRARE
E mart, 13 prill 2021 - 22:06
Shtëpia Botuese “ARMAGEDONI”, në prishtinë nxori nga botimi librin: “NDËRMJETËSIME LETRARE – për krijimtarinë e Arif Molliqit”, me autor S...
Lavdi jetës dhe veprës së Enver Shqiptarit...
E hn, 12 prill 2021 - 18:46
.
Mjerimi i shkrimtarit në shërbim të polit...
E shtun, 10 prill 2021 - 18:39
(Gorki dhe Kadarea) Nuk është për t’u habitur që nuk kanë qenë të paktë njerëzit e letrave që i kanë shërbyer politikës dhe diktaturës. ...
Ja çfarë mendonte Faik Konica për Shqipër...
E premt, 09 prill 2021 - 00:54
Kush më mirë se Faik Konica mund të perifrazojë shqiptarët ashtu siå ato ishin dhe janë. Ai ishte jo vetëm një nga njerëzit më të ditur dhe më...
më shumë nga - Kulturë »
 
 

© 2024 AlbaniaPress.com :: Agjensia Informative Shqiptare Ballina | Moti | RSS | Kontakti
Të gjitha të drejtat e rezervuara Programimi dhe dizajnimi i faqës: Arlind Nushi