| Latif Berisha- emër që na nderon |
| Publikuar më 29 qershor, 2017 në orën 23:50 ( ) |
Prof. Bedri Tahiri | Kulturë | |
|
|
|
Fjalë e lexuar në Orën e madhe letrare garuese “FJALA E GURIT”, organizuar nga Klubi “Latif Berisha”, në 86-vjetorin e lindjes së Prof. Latif Berishës
Latif Berisha- emër që na nderon
Të nderuar krijues dhe artdashës!
Të flasësh para Jush që ligjëroni me gjuhën e hyjnive e me mençurinë e muzës Kaliopë, është sa krenari aq edhe përgjegjësi.
Të respektuar të pranishëm!
 Kryetarja e Klubit “Latif Bersha”, poetja Ermirë Jusufi duke e ndarë Çmimin special “Pena e fjalës”
Latif Berisha lindi më 18 qershor 1931 në Smrekonicë të Vushtrrisë. Mësimet fillore i kreu në vendlindje, ndërsa të mesmet në Vushtrri e në Prishtinë. Fillimisht, më 1949, punoi mësues në shkollën fillore në Pantinë. Këtu filloi të shkruajë poezi e disa prej tyre edhe t'i botojë në revistën letrare “Jeta e Re". Më 1954, Latif Berisha punoi mësimdhënës i Gjuhës dhe letërsisë shqipe në Gjimnazin e ulët të Vushtrrisë, ndërsa më 1955 regjistrohet student i rregullt i Albanologjisë në Fakultetin Filozofik në Beograd. Gjatë kohës së studimeve, më 1957 boti përmbledhjen e poezive "TUFA". Aktiviteti i tij u dallua edhe në formimin e Shoqërisë letrare "Përpjekja" të studentëve shqiptarë që studionin në Beograd. Në qershor të vitit 1959, diplomoi në degën e Albanologjisë dhe pastaj punoi mësimdhënës në Gjimnazin e Mitrovicës "Silvira Tomazini".
Më 1963, Latif Berisha i vazhdoi studimet pasuniversitare, Drejtimi i Letërsisë, në Fakultetin Filologjik të Beogradit dhe punoi temën e magjistraturës "Skënderbeu në letërsinë e shkruar shqipe".
Që nga viti 1965 u zgjodh ligjërues i Historisë së letërsisë shqipe (Romantizmi) në Degën e Albanologjisë në Fakultetin Filozofik të Prishtinës, ku pata fat ta kem edhe unë profesor. Prej vitit 1984, punoi në projektin "Skënderbeu në letërsinë shqipe", të cilin nuk e mbaroi.
Në vitin 1991, si shumë mësimdhënës të tjerë, edhe Prof. Latif Berishën, regjimi serb e largoi nga puna. Gjatë viteve '90, ai u angazhua në lëvizjen e intelektualëve dhe të popullit shqiptar për mbrojtjen e çështjes kombëtare. U dallua posaçërisht si udhëheqës në sektorin e kulturës. Ka qenë anëtar i Shoqatës së Shkrimtarëve të Kosovës.
Kur lufta për çlirimin e Kosovës mori hov të madh, më 24 mars 1999, në natën e parë të bombardimeve të forcave të NATO-s mbi caqet serbe, në Mitrovicë, kriminelët serbë e vranë Prof. Latif Berishën, në pragun e shtëpisë së tij.
Kontributi i Latif Berishës në fushën e arsimit, shkencës, kulturës etj. qe shumë i madh. Vepra e tij poetike e shkencore zë vend të rëndësishëm në letërsinë dhe shkencën shqiptare të filologjisë. Përveç vëllimit poetik “Tufa” ka lënë edhe shumë studime, vështrime, trajtesa, të cilat kolegët Isak Shema, Nuhi Rexhepi e Sali Bashota ia botuan në librin "Vepra".
Emri i tij shkëlqen në shumë shkolla e institucione dhe është nderuar me shumë Mirënjohje e Falënderime. Në vitin 2009, familjes së tij iu ka ndarë Medalja e Artë e Pavarësisë.
Edhe në si klub letrar, në 86 vjetorin e lindjes së tij, organizuam këtë orë modeste letrare, të parën me karakter garues e që mëtojnë ta bëjmë tradicionale, për ta përkujtuar e nderuar të pavdekshmin Prof. Latif Berisha.
Lavdi jetës dhe veprës së Tij!
Faleminderit për vëmendje e çaste të bukura poetike!
Vushtrri, 28 qershor 2017
Falënderim
Falënderoj Kryesinë e Klubit “Latif Berisha” të Vushtrrisë që, sot, më 28 qershor 2017, në orën e madhe letrare me karakter garues, organizuar në 86-vjetorin e lindjes së Prof. Latif Berishës, më nderoi me çmimin special “Pena e fjalës”. Ky çmim shumë i vlefshëm për mua, më motivon dhe më obligon edhe më shumë në punën time krijuese. Kjo më emocionoi dhe më ktheu tej prapa, në nëntorin e vitit 1979, kur Prof. Latif Berisha, si anëtar komisioni, ma uroi diplomimin në Fakultetin e Filologjisë. E pata profesorin më të çmuar dhe idol në jetë, por edhe isha student i adhuruar i Tij!
|
Vërëjtje: Artikujt e botuar në albaniapress.com nuk shprehin domosdoshmërisht mendimet e stafit moderues! |
| Vlerësimi juaj për lajmin |
 |
|
|
|
|
| I keq |
I dobët |
I mirë |
Shumë i mirë |
I mrekullueshëm |
|
|
|
|
|
|
|
| |
|
| Është vlerësuar nga 32 vizitorë |
| Lexuar:
447 herë
|
|
|
|
|
|
|
|
|
| |
| NDËRMJETËSIME LETRARE |
E mart, 13 prill 2021 - 22:06
Shtëpia Botuese “ARMAGEDONI”, në prishtinë nxori nga botimi librin: “NDËRMJETËSIME LETRARE – për krijimtarinë e Arif Molliqit”, me autor S... |
| Ja çfarë mendonte Faik Konica për Shqipër... |
E premt, 09 prill 2021 - 00:54
Kush më mirë se Faik Konica mund të perifrazojë shqiptarët ashtu siå ato ishin dhe janë. Ai ishte jo vetëm një nga njerëzit më të ditur dhe më... |
më shumë nga - Kulturë » |
|
|
|
|
|
