Jusuf Zenunaj: Poezi |
Publikuar më 10 shtator, 2017 në orën 21:13 ( ) |
Kulturë | |
|
|
.
LISTA N' BELIGRAD
Lista n'Beligrad
shkoi ta marrë bekimin
me votat e saj
të drejtojë Prishtinën.
Një shekull e më shumë
të pushtuar ishim,
në sofër e në fushë,
në shkollë,
fabrikë e n'gjumë,
në tokë e në ajër,
në oborr edhe në varre,
si ora serkisof,
me pare e papare
me Beligradin
hafija shqiptare.
Sot në liri
tonat parti,
vendin bën mish-mash
si kullën me kashtë,
ministrat vendepune
nga pesë- gjashtë,
populli përreth
vazhdon të bëj sehir,
me lutje të Zoti;
për një ditë më t'mirë.
Dimri as vera nuk sollen risi,
prapë me Listen Serbe
bëjmë q e v e r i.....
9 shtator 2017
THURIM QEVERI
Katër deputet,
pesë ministri,
në libër të Ginisit
Pacolli do tē hyjë.
Me serbsken parti
"akulli u thy,
thurim" qeveri.
MOHIMI I VETËVETES
Ndërrojmë fytyrën për të tjerë,
akull bëhemi në pikëverë,
marrim hirren e lëmë kosin,
emrin tonë e përdhosim,
kur e tepërt është liria,
mposhtet ligji -
fiton çmendia...!
NYJA E HIQIT
Sikur uragani
vrapin s' e ndalë Pani,
në garë me të tjerë
sikur Don Kishoti
me mullinjetë me erë,
nyja e hiqit
në duart e Vuçiqit...
KY NGUSHËLLIM I VJETËR
Zoti e bëftë mirë
thonin dikur pleqtë,
kur u ngatërrohej lëmshi
në motin e keq.
Ky ngushëllim i vjetër
nuk ndryshoi as sot
në përplasje me erëat
e stuhinë e vjetër,
duke pështyer diellin
e harrojmë veten....
ME SRPSKEN
Me srpsken dje,
me serpsken sot,
zgjedhjet s'u bënë kot.
Tufat do t'i rrisim
me gjedhe e me dele.
Grunajat do të shtohen
si lulepranvere......
GJELI NË KARRIGE
Hipi gjeli në karrige
si pulë kluçe kakarit,
rri mbi veze natë e ditë.
Ikën muaj, u bënë vite,
nuk zbret gjeli prej karrige...
DERI KUR?
Deri kur dorë
e dorës së huaj,
prej kohës në kohë?!
Dje fshehtas,
sot pa dro!
NË KUVEND
Macja, qeni,
gomari edhe derri,
pula e xhirafa
bashkë me ogiç,
për vend të luanit,
në Kuvend,
shtyhen sikur t' ishin
në Kopshtin Zoologjik....
VOTA JOTE
O deputet i partisë tjetër,
nuk ka rëndësi çka shkruan në letër,
a je me atë, a në këtë parti,
na jep ne votën të hyjmë n' qeveri!.
Përkrahësve hakut u kemi dalë,
nyjen zgidh vota jote,
për kryekuvendar..
KUSHE QESH MËRGATËN
Prej duarëve të çara
anë e kënd botës,
mërgimtarët në atdhe,
gëzimin ia kthyen sofrës.
E kur gjak kërkoi liria
si stuhideti
në luftë erdh rinia.
Mërgata e atdheu
dy duar të një trupi,
kush qesh mërgatën,
nënlokja thotë:
"e mbuloftë turpi "!
NË DASMAT VERORE
Ushton daullja
zë lëshon klarineti;
dasmorët ngrejnë gotat,
ku ka kësi lezeti !?
Hareja në kulm,
në valle burra e gra
me këngë tallava.
Çdo ditë të javës
dasma e kanagjegje,
zgjate zot këso jete!
FORCA E TË VARFËRIT
Lulin e Vocërr
të kohës së Migjenit
në çdo rrugë e lagje
me shokë e kemi !
"Poemën e mjerimit"
ua mëson jeta,
në fshat e në qytet
qyshkur ishin në djepa.
Me karroca dore,
duart "i forcojnë "
mëngjes deri n'darkë
punë kërkojnë.
Nëpër bërlogje
mbledhin kanaqe,
të kthehen në shtëpi
me bukë e ilaçe.
Zemrat e njoma
bëhen si oxhaqet;
prej agut në terr
shtohen vetëvrasjet.
Kupa e dëshprimit
rimbushet pa rreshtur,
forca e të varfërit
si e mizës në hekur.
|
Vërëjtje: Artikujt e botuar në albaniapress.com nuk shprehin domosdoshmërisht mendimet e stafit moderues! |
Vlerësimi juaj për lajmin |
|
|
|
|
|
I keq |
I dobët |
I mirë |
Shumë i mirë |
I mrekullueshëm |
|
|
|
|
|
|
|
|
|
Është vlerësuar nga 35 vizitorë |
Lexuar:
567 herë
|
|
|
|
|
|
|
|
|
|
NDËRMJETËSIME LETRARE |
E mart, 13 prill 2021 - 22:06 Shtëpia Botuese “ARMAGEDONI”, në prishtinë nxori nga botimi librin: “NDËRMJETËSIME LETRARE – për krijimtarinë e Arif Molliqit”, me autor S... |
Ja çfarë mendonte Faik Konica për Shqipër... |
E premt, 09 prill 2021 - 00:54 Kush më mirë se Faik Konica mund të perifrazojë shqiptarët ashtu siå ato ishin dhe janë. Ai ishte jo vetëm një nga njerëzit më të ditur dhe më... |
më shumë nga - Kulturë » |
|
|
|
|
|