Ballina
Lajme
Opinion
Intervista
Histori
Kulturë
Të ndryshme
English
Galeria
Libri i miqve
Dërgo lajme
Kush jemi ne?
Kontakti
 
RSS Furnizuesi
RSS Furnizuesi
   
 
Jusuf Zenunaj: Poezi
Publikuar më 02 janar, 2018 në orën 22:59 ( ) Kulturë |
Rrit madhësinë e shkronjave
.














NË Ç' MJEGULL KENI RËNË

Ka kohë që Hanko Halla ,
s'nxori dot një fjalë,
ndoshta me shëndetin
s'i shkon puna mbarë.
Po heshtja e turkoshakëve
nuk e lë rehat,
mëngjesin e sotëm
halla foli prapë.
Ju, vëllezërit e Erdoganit
Tërnavë e Krasniq
me shërbtorët e tjerë,
që ngrehni faltore,
kundër vëllait turk
asnjë fjalë nuk folet.
"Kosova nuk është shtet,
Kosova është Turqi",
kështu tha ai.
Heshti presideti bashkë me qeveri,
në ç'mjegull këni rënë
as dreqi s'e di....

30 shtator 2017

KU JEMI ?!

A jemi në Stamboll
apo në Ankara?
Medreseja e re
edhe për goca?!
Jo, more jo,
jemi në Gostivar,
kryetari i Komunës
pa ngurrim,
në shkollën "Isa Beu "
erdhi n'përurim..

27 shtator 2017

KËPUTET NJË LULE
(Aulon Zekajt)

Në mëngjesin e sotem,
në Prishtinë,
rrezet e diellit zbeht në tokë bien,
edhe Drini i Bardhë
sikur dje më nuk gurgullon
se luleja e këputur
ujin e tij më s'e shijon ..
E mallkuar qoftë ajo dorë e zezë
që mundi lules rriten t'ia pres.

17 shtator 2017

DHEMBJET SI PËR TURP I HESHTIM

Ata që na i këputen lulet në bisk,
edhe kur pranvera ishte në prag,
gënjeshtrave u japin jetë
tash e qindra vjet.
E ne ? !
Me sëmundjen e vjetër,
me sëmundjen e re,
i pari jam unë,
ti, s'ke vend mbi këtë dhe....

15 shtator 2017

SI N' TIRANË ASHTU NË PRISHTINË

Maratonës n’ politikë
seç na i mori kohë e ligë;
mjgull, shi e bubullimë
si n’ Tiranë ashtu në Prishtinë .
Ndërrohen stinët, ndërron karvani,
shtratin ruan korrupsioni.
Shan e majta, ia kthen tjetra,
i zemëruar thotë xha Leka:
“ Brum të njëjtë në të dyja gjeta."...

DJALI NGA CEPANI

Një djali nga Cepani,
seç na i doli nami,
për hapin n' politikë,
si gjarpri n'maja u ngjit
Pati shumë mundime
në rrugën e gjatë
Tiranë -Beligrad;
Një vilë njëqindvjetshe
bleu në Majkovac,
sikur pashallarët
të ndërrojë konak.
Djali nga Cepani,
presidenti ynë,
shkon në Beligrad
ta largojë mërzinë.

VENDI PËRRALLOR

Sa plane të bukura
shpalohen në fushata
e shkurtër është dita,
e gjatë bëhet nata!
Premtime e brohoritje
në fshat e n'qytet,
për zhvillimet në komuna
në këto katër vjet.
Ku ishin këta të ditur
që heqin edhe valle;
në kostume të bukura
stolisur me kollare?!
Vendi do të lulëzojë
me fjalë e në letër,
as në përralla
si tonin nuk gjen tjetër...

SHPALIM ËNDRRE

Një garues në fushatë
ëndrrën e shpaloi,
qytetin e ndarë
nëntokë ta bashkojë,
jo me shkop magjik,
por me hekurudhë...

ERDHI KOHA E PUSHIMIT

Erdhi koha e pushimit
për sy e për veshë,
hekurudha e nëntokës
pengë kohës do t'i mbesë,
Premtimet e fushatës
si shkumë sapuni buzë lumi,
me këngën e vjetër
sapo të na lë gjumi..

MOS FALINI TOKË

Hanko Halla vë duart në kokë,
bij e bija mos falni tokë !
Turp e sherre leni mbrapa,
rrugtë e shkurta dalin t' gjata,
Ju mallkon djepi e vendi
ne pranoftë turpin Kuvendi....

BUKËSHKELËSIT DO TË BIEN

Dhembjet nuk janë lecka të digjen
shkëmbinjeve shekullor,
as varret nuk falen
me kujtimet e kohëve të përgjakura.
turpin s'e përbinë as nata.
Edhe Drinbardhi oshëtinë
për vetullen e prerë me dysh.
Si flamur i leckosur
bukëshkelësit do të bien
e këngët e vjetra do të përtrihen

DËSHMOR NË KUFI E ZURI ÇLIRIMI
(Xhemajl Fetahajt)

Rrëzë maleve të larta,
në Rrafsh të Dukagjinit,
nën mjegullën e robërisë
zemra i rrahte trimit,
për rrezet e lirisë,
për tokë të Dardanisë.
Me shokët e dajlërisë
në borën e madhe
zgjedh rrugën ilegale.
Nuk i trembej syri,
as s'i dridhej dora,
në rrugëkryqe e shkolla,
kur flinin të gjithë,
ai bashkë me shokë
shkruante parulla:
atdheu në robëri,
Republikë Kosova.
Nuk pushoi ndër qytete;
në fshatra, as në lugje.
nuk u ligështua nën pranga,
u forcua nëpër burgje.
Në Karvanin e Pajtimit
u bë bashkudhëtar,
t'mos vriteshin më kurrë
vëllau me t'vëllan.
Ëndrrën për liri
nuk ia shuan mërgimi,
dëshmor në kufi
e zuri çlirimi....

DASHI E UJKU

Nga droja e pësimit
edhe nga ndonjë kafshë tjetër,
dashi thërret për pajtim
me ujkun e vjetër!
Por, ujku hesht,
hesht edhe kësaj here,
nuk ndihet fajtor
që hëngri qengja e dele...

Vërëjtje: Artikujt e botuar në albaniapress.com nuk shprehin domosdoshmërisht mendimet e stafit moderues!
 
 
Vlerësimi juaj për lajmin
I keq I dobët I mirë Shumë i mirë I mrekullueshëm
 
Vlerësimi:
Jep vlerësimin tënd
Është vlerësuar nga 31 vizitorë
Lexuar: 651 herë
Versioni për printim Dërgoje tek miku/mikja juaj Shtoje këtë artikull në listën e favoritëve
 
 
LEGJENDAT DHE NDIKIMI I TYRE NË JETËN SOCIO...
E enjt, 15 prill 2021 - 23:38
LEGJENDA Legjenda apo gojëdhëna është një tekst apo rrëfyes që tregohet në formë gojore nga populli. Zakonisht këto gojëdhëna, i kushtihen p...
NDËRMJETËSIME LETRARE
E mart, 13 prill 2021 - 22:06
Shtëpia Botuese “ARMAGEDONI”, në prishtinë nxori nga botimi librin: “NDËRMJETËSIME LETRARE – për krijimtarinë e Arif Molliqit”, me autor S...
Lavdi jetës dhe veprës së Enver Shqiptarit...
E hn, 12 prill 2021 - 18:46
.
Mjerimi i shkrimtarit në shërbim të polit...
E shtun, 10 prill 2021 - 18:39
(Gorki dhe Kadarea) Nuk është për t’u habitur që nuk kanë qenë të paktë njerëzit e letrave që i kanë shërbyer politikës dhe diktaturës. ...
Ja çfarë mendonte Faik Konica për Shqipër...
E premt, 09 prill 2021 - 00:54
Kush më mirë se Faik Konica mund të perifrazojë shqiptarët ashtu siå ato ishin dhe janë. Ai ishte jo vetëm një nga njerëzit më të ditur dhe më...
më shumë nga - Kulturë »
 
 

© 2024 AlbaniaPress.com :: Agjensia Informative Shqiptare Ballina | Moti | RSS | Kontakti
Të gjitha të drejtat e rezervuara Programimi dhe dizajnimi i faqës: Arlind Nushi