| Çka ndodhi më 11 janar të vitit 1984? |
| Publikuar më 16 janar, 2019 në orën 17:54 ( ) |
Histori | |
|
|
|
Edhe pse Jugosllavia Titiste, kishte arritur të krijoi imixh të rrejshëm para opinionit të jashtëm e të brendshëm për slloganin se kinëse Jugosllavia e kishte zgjedhur çështjen nacionale, demonstratat e vitit 1981, 11 janari 1984 si, edhe janarët tjerë, ç'veshën ideologjinë famëkeqe, raciste të zbukuruar me falsifikime prej më të ndryshmëve, pasi, politikanët serb e proserb jugosllav, në vazhdimësi shpërndajnë ideologji, alfanofobe tmerruese antishqiptare.
Ngjarjet e 11 e 26 marsit si edhe 1,2 e 3 prillit 1981,pikërisht nga këta diplomat e intelektual që duhej të ishin kundër rritjes së urrejtjjes nacionale ndaj shqiptarëve, ata, i fryenin zjarrit e ndihmonin dhe i favorizonin nacionalistët serb nga vet udhëheqja shoveniste Jugo-Serbe..
E, kulmin e arriti mbrëmja e 11 janarit 1984, kur njësia speciale jugosllave-serbe-kosovare e armatosur deri në dhëmë e kombinuar ia mësyen (Vranjevcit) tani Kodra e Trimave për ti zënë të gjallë një nga udhëheqësit e ilegales shqiptare të atyre viteve që normalisht ishin edhe dy trimat tanimë të njohur për popullin, Rexhep Mala e Nuhi Berisha që konsideroheshin personalitete të rrezikshëm të kësaj kohe. Derisa dhjetë janari mbahet mend për borën e acarin e madh, njësitë kundërzbuluese e speciale policore arritën me ia zbuluar vendin ku ishin strehuar treshi i madh i ilegales Rexhep Mala, Nuhi Berisha e Kadri Osmani. Me të kuptuar se vendqëndrimi ishte në Kodrën e Trimave në një shtëpi në rrugën e Llapit, përmbi xhaminë e Llapit, pa ndalur vazhdonte të rrethohej nga policia, ideatorët muarën arratinë drejtë shtëpisë së Veselajve që ishin njohur më herët me Kadri Osmanin, përmes Njazi Korçës i burgosr politikë e dhëndër i Hydajet Hysenit. Treshi ilegal, ishte shkuar në shtëpinë e Sejdi Veselit që u dënua me 15 vite burg, bashkë me vëllezërit Shemsiun me 11 Veselin, Limanin si edhe Rrahman Bahtirin që ishte vëlla i Bajram Bahtirit që ishte vrar po në këtë vit (1984) e që SejdiVeseli njëherit ishte udhëheqës i grupit tjetër ilegal FNÇ (fronti nacional çlirimtar) i Kosovës që Afrim Zhitiu, Avni Klinaku e Ramadan Avdiu ishin pjestar të këtij grupi. Ushtima e aeroplanëve e makinerisë ushtarake gjatë natës së 10 janarit 1984, dëgjoheshin nga burgu i Prishtinës, sikur të rrethohej vet burgu. Unë, nuk kisha as një javë që isha burgosur me grupin e Llapit i njohur si grupi i Llapit ku bënim pjesë: Bajram Ajeti, Ismet Begolli, Bajrush Behrami tani i ndjerë, Avdi Gjata, Kadri Llugaliu, Ali A. Ajeti tani hero, Sabri Sh. Hamiti, Shaban Mulolli e Hamit Hamiti. Gjatë këti akcioni fantazëm policor i njësive të specializuara ishte rrethuar edhe shtëpia e familja e Sejdi Veselit që ishte udhëheqës e prisit i grupit Ilega FNQ, pas një qëndrese heroike e një lufte të pabarabartë, vriten Rexhep Mala e Nuhi Berisha.. Gjatë sulmit, anëtari i tretë që ishte bashk me ta Kadri Osmani, pas hudhjes së gazit e helmeve ushtarake kapet i gjallë po i alivanosur. Kështu, britmat e pazakonta,sharjet e zhurma e tmerruese e policisë që përgaditeshin për akcion që ne të burgosurit s'kuptonim gjë prej gjëje, se çka është duke u bërë e duke ndodhë në Prishtinë e studentëve. Gjatë asaj nate të trishtuar si brenda burgut, ashtu edhe në qendër të Prishtinës ishte luftë e vërtetë që as qytetarët e saj nuk kishin ditur se çka po zhvillohet. Pa i s'madhuar gjërat, gati çdo gjë e morëm vesh, gjatë kësaj nate makabre të njëmbdhjetë janarit, jo që kishim ndonjë informatë, po kur filloj dhuna nga inspektorët e sigurimit që kërkonin nga ne sçarime e të dhëna për Rexhepin, Nuhiun e Kadri Osmanin që unë kisha dëgjuar derisa isha jashtë burgut, përveç që kisha dëgjuar për Rexhepin, e Kadrinë që kanë qenë më herët të burgosur politikë.
Ditët në vazhdim aspak nuk ishin të lehta për shokët e Rexhepit e Nuhiut që ishim arrestuar më herët, po që nuk dinim gjë për aktivitetin e veprimatrinë ilegale të tyre. Në këtë ditë të rëndë e fatkeqe për Lëvizjen Ilegale, ishte një humbje e madhe për Lëvizjen Kombëtare, pasi ishin vrarë udhëheqësit e grupit Marksist Leninist të Kosovës, gjegjësisht edhe grupit të Llapit që isha edhe unë pjestar i tij.
Arsyetimi policor e politik se kishim të bëjmë me njerëz të një shteti tjetër armiqësor ndaj Jugosllavisë, ishte shpjegim demagogjik monist, duke harruar se veten e quanin si njërin nga shtetet më demokratike evropiane po edhe në botë. Derisa një shtet demokratik ku qytetarët janë të barabartë e si të tillë trajtohen nga instituciionet shtetërore, jo vetëm me deklarata por me veprime konkrete duke zbatuar në praktikë barazinë qytetare dhe nacionale.
Veprimi i tillë policor i 11 janarit nuk ishte veprim personale por ka të bëjë me gjithë popullin shqiptar në Jugosllavi që ishte një goditje e veprim shovenist-nazist ndaj popullit shqiptar në Jugosllavi e që ishte në kundërshtim flagrant edhe me kushtetutën dhe kundër barazisë qytetare dhe nacionale të shqiptarëve. Andaj, vazhdimi e mos ndërprerja e një politike shoveniste antishqiptare diskriminuese ndaj qenjes e kombit shqiptar, domosdoshmërisht degradoi e pashmangshëm çoi në luftërat e popullit serb ndaj Sllovenisë, Kroacisë, Besnjes e Hercegovinës, Kosovës, Maqedonisë si edhe popullit shqiptar të Preshevës, Medvegjës, Bijanovcit dhe fshatrave për rreth. Duke iu falenderuar Lëvizjes Ilegale Shqiptare në Jugosllavi që ishin edhe Rexhep Mala e Nuhi Berisha, ne po edhe gjeneratat e tashme e të ardhshme do jetojmë të lirë e duke jetuar në shtetin e lirë të Kosovës që u fitua me gjak e është demokratik e Republikë e Pavarur.
Lavdi!
Avdi Gjata
|
Vërëjtje: Artikujt e botuar në albaniapress.com nuk shprehin domosdoshmërisht mendimet e stafit moderues! |
| Vlerësimi juaj për lajmin |
 |
|
|
|
|
| I keq |
I dobët |
I mirë |
Shumë i mirë |
I mrekullueshëm |
|
|
|
|
|
|
|
| |
|
| Nuk është vlerësuar deri më tani! |
| Lexuar:
421 herë
|
|
|
|
|
|
|
