|
Sot është 19 vjetori i rënies heroike të dëshmorit, Avni Haradinaj nga katundi Koshtovë, rrethi i Mitrovicës.
Me ndjenjat e dhembjes dhe të krenarisë së ligjshme u përkujtua 19 vjetori i rënies të dëshmorit; nga familjarët e tij; djemtë e Avniut; Xhaferi dhe Doniku, motrat dhe xhaxhai Sadriu dhe qytetarë të Mitrovicës me rrethinë, Fevzi Beqiri, veprimtar i devotshëm i çështjes kombëtare, Kushtrim Zeneli, Alban Meha, Shefki Begu, Shpëtim Haxhimehmeti e të tjerë; me ç´rast, pranë varrit të dëshmorit vendosën kurora me lule.
Përvjetori i 19-të i rënies heroike të burrit atdhetar, Avni Haradinaj, ish-ushtar i UÇK-së, ZOSH 142 e Shalës, i cili ra në altarin e lirisë në përpjekje të mbrojtjes së popullatës shqiptare, e cila pas LÇ-re, po sulmohej nga bandat kriminale serbomadhe të ashtuquajturat, "Rojet e Urës" të drejtuara nga çetnikët e Serbisë Fashiste me agjentin e tyre, Oliver Ivanoviq, tashmë i vrarë nga grupet rivale të partive serbe; vlen të theksohet fakti që, pjesëmarrës në ato krime ndaj shqiptarëve të Mitrovicës ishte dhe ish-polici në kohërat e kolerës; të sundimit Sllobodan Millosheviqit; Dragan Delibashiq, i cili tash jeton i lirë, pas vendimit të një gjykate lokale, që "në mungesë faktesh", përkundër gjithë asaj dhune mbi shqiptarët e nxori të pafajshëm.
-Është për t´u habitur fakti që, në këtë përvjetor nuk ishte i pranishëm askush nga Këshilli Komunal i Mitrovicës, Shoqata e Veteranëve të UÇK.së, apo nga institucione të tjera të Republikës së Kosovës; për të cilën ra djali i dëshirit, biri i minatorit, tashmë i ndjerë, Avdi Haradinaj?!!!
-Pse të mos nderohet me nderime shtetërore familja Haradinaj, nga Koshtova; familje e cila ia dha dy dëshmorë atdheut?!!!
-Gjatë LÇ-re, edhe djali i axhës të Avniut, Mehdi Vehbi Haradinaj, ish-ushtar i UÇK-së, në ZOSH 142 të Shalës, ra dëshmor në betejë me armiqtë, më 25 Maj, 1999 në katundin Lubovec, të rrethit të Skënderajit.
Lavdi dëshmorëve të atdheut!
14 Shkurt, 2019
|
