| GËZIM I PAPËRSHKRUAR I AMBASADORIT KOSNETT |
| Publikuar më 11 qershor, 2019 në orën 00:22 ( ) |
Tafil Duraku | Opinion | |
|
|
|
Parë zhvillimet aktuale dhe çështjet në zhvillim e sipër, konsiderojmë se ka ardhur koha t’i qartësojmë raportet tona me miqtë dhe “miqtë” tanë rajonalë, evropianë e ndërkombëtarë, sepse, qëndrimet e tyre miqësore e edhe “miqësore” kanë marrë përmasa tjera kahesh, drejtimesh e zhvillimesh. Po, ku është baza e “rrëshqitjes” së tyre, në vazhdimësinë e tyre kundë UÇK-së dhe kundër veteranëve e luftëtarëve të saj…
Me qëndrimet personale që ka shfaqur Ambasadori i SHBA, z. Kosnett, kohëve të fundit, për çka kemi shkruar edhe më herët, sikur po e tregon qartë dhe në heshtje “diplomatike” burimin e tij nga i merr të dhënat për njerëzit e UÇK-së…
Kosnett-i, sipas deklaratave të tij publike bërë nga Ambasada e SHBA në Prishtinë, ka dalë hapur kundër UÇK-së dhe kundër veteranëve, luftëtarëve dhe komandantëve të saj…
Nga buron gjithë ai gëzim i Kosnett-it, të cilin e shfaqë publikisht, kur goditet pas shpine UÇK-ja dhe luftëtarët më eminentë të saj, kur thotë, citojmë: “I kënaqur të shoh mediat duke folur për një kriminel tjetër të luftës, i emëruar në detyrë. Shkarkimet do të vënë në pah respektimin e ligji”… (Mediat elektronike të Kosovës, 7 Qershor, 2019)
Dhe, këtu do ta pyesim publikisht Ambasadorin Kosnett: A mund të respektohet ligji që është i njëanshëm dhe kur gjithmonë godet luftëtarët e lirisë, pas shpine, me direktiva të ish-Lidhjes së Komunistëve të “Kosovës e Metohisë”, alias, të Lidhjes Demokratike të Kosovës (LDK) të Ibrahim Rugovës?...
Z. Ambasador, ne e dimë se farën “shqiptare” të UDB-së dhe të KOS-it, në të gjitha kontinentet dhe në SHBA, e ka mbjellur LKJ-ja, alias, LDK-ja e “Presidentit” Ibrahim Rugova dhe me këto që po u jepni zë ju, si Ambasador i SHBA në Prishtinë, nuk janë asgjë tjetër vetëm gëzime që njësoj u gëzohet Beogradi dhe Prishtina e LDK-së së Isëmutit!...
Dhe, z. Ambasador i SHBA, ato media që lëvdoni dhe shpërbleni ju në “Republikën e Kosovës” janë media të ish-regjimit antishqiptar të Titos e të Milosheviçit, prandaj, kur flisni dhe deklaroheni publikisht, për hir të SHBA dhe emrit të tyre që gëzojnë tek shqiptarët, duhet të jeni më të matur, sepse, ne e dimë nga vijnë të gjitha erërat e këqija dhe nga vjen çdo erë e keqe antishqiptare…
Nse shtrohet pyetja në këtë rast: A po i zbaton Kosnett projektet dhe direktivat “shqiptare” të LDK-së? Përgjigjja më e saktë është, se: Kosnett po u gëzohet direktivave të LDK-së që po e godasin pas shpine UÇK-në shqiptare dhe luftën e saj për Liri e Bashkim Kombëtar.
Vërehet nga deklarata se gëzimi i Kosnett-it për shkarkimin e gj-lejtënant Sylejman Selimit, dhe ndërsyemja kundër Komandat Remit, është i papërshkrueshëm dhe sikur ngërthen në vete gëzimin pot ë papërshkruar të LDK-së dhe të Beogradit e të “miqve” të popullit shqiptar…
Prandaj, nuk mund të mos u jemi mirënjohës për sinqeritetin tuaj që po e tregoni botërisht se jeni bërë pjesë e stafit jugokomunist të LDK-së “komuniste” e “demokratike”, që po ju fut në “miqësi” të fortë me shqiptarët dhe me Shqipërinë e shqiptarëve…
Është koha të përmbaheni, bile, edhe fort, z. Ambasador, sepse, nuk ka hije që të bini në gracka të tilla “patriotike” e “kombëtare” të LDK-së së “Presidentit” hist(e)orik Ibrahim Rugova dhe aleatëve të tij jugokomunist e shqiptaro-titist, sot!... Dhe, këto sjellje e ky gëzim janë dyfish më të këqija e më të rënda për juve, kur bëhen në emër të Ambasadës së SHBA në Prishtinë, që shqiptarët e çmojnë si miken e tyre të sinqertë dhe të veçantë!...
Burojë, më 10 Qershor, 2019
|
Vërëjtje: Artikujt e botuar në albaniapress.com nuk shprehin domosdoshmërisht mendimet e stafit moderues! |
| Vlerësimi juaj për lajmin |
 |
|
|
|
|
| I keq |
I dobët |
I mirë |
Shumë i mirë |
I mrekullueshëm |
|
|
|
|
|
|
|
| |
|
| Nuk është vlerësuar deri më tani! |
| Lexuar:
245 herë
|
|
|
|
|
|
|
