Ballina
Lajme
Opinion
Intervista
Histori
Kulturë
Të ndryshme
English
Galeria
Libri i miqve
Dërgo lajme
Kush jemi ne?
Kontakti
 
RSS Furnizuesi
RSS Furnizuesi
   
 
Lufta e Kosovës dhe “Drenica”e Durrësit
Publikuar më 07 mars, 2020 në orën 02:03 ( ) Histori |
Rrit madhësinë e shkronjave
Sivjet mbushen 21 vite nga Dita e Mobilizimit të madh të Ushtrisë Çlirimtare të Kosovës, kur “Drenica” e Durrësit ,lokali i Gani KAPITIT u shndërrua në Qëndrën Kryesore të pritjes, mobilizimit dhe rekrutimit të vullnetarëve të UÇK-së nga te gjitha trojet enike shqiptare por kryesisht nga diaspora, dhe për një periudhë të shkurtër kohore aty u rekrutuan me qindra e mijra vullnetarë të lirisë për Çlirimin e Kosovës. Është shkruar shumë për rolin e madh dhe unik që ka luajtur kjo si Qendër Rekrutimi. Të gjitha televizionet e mediat e shkruara të perendimit kanë qenë dëshmitarë, e madje edhe ato e kanë pasqyruar atë aktivitet epokal patriotiko-kombëtar gjithshqiptar për atë që është kryer aty në kohët më të vështira kur u përball populli i Kosovës martire. UÇK-ja, lufta dhe karakteri gjithkombëtar i saj, dhe sidomos mbërritja e vullnetave të saj me uniformat e Ushtrisë Çlirimtare nga shtetet demokratike perendimore i dha asaj Statusin e një Ushtrie Kombëtare Shqiptare, të Ushtrisë më të re në Europë, të Ushtrisë e cila luftoi për çlirimin dhe per Shtetin e Kosovës, Ushtri e pranuar dhe njohur botërisht edhe si këmbësori e NATO-s.
Ish-Qendra e Rekrutimit të luftëtarëve te UÇK-së te “Drenica” Durrës, Viti 1999
Për “Drenicën” e Durrësit është shkruar shumë, madje edhe libra për të, por në këtë shkrim-memorie historike do të paraqes shkurtimisht disa foto te siguruara nga ishvullnetare e ishrekrute si dhe fragmente shkrimore te disa prej autorëve ,gazetarëve te huaj dhe intervista që ata i kanë bërë te ish-Qendra e Rekrutimit “Drenica” gjatë kohës së Rekrutimit apo Mobilizimit të Madh gjithkombëtar që është bërë aty.
”DRENICA” e Durrësit u bë epiqendra globale mediatike ku për ditë mbërrinin gazetarë e reporterë nga gjithë Europa e deri nga Kanadaja e SHBA-ja; nga gjithë Bota që ishin të interesuar për faktin se në Vitin 1999 nga diaspora, kryesisht nga vendet më të zhvilluara dhe më të mirëqëna demokratike dhe ekonomike si Gjermania, SHBA-ja, Britania, Suedia, Zvicra, Franca, Italia, Kanadaja etj., vinin cdo ditë 200-300 vullnetarë; vinin e rekrutoheshin djem e vajza shqiptare të rinj në moshë, e pra, që nuk vinin për pushime dhe as për turizëm por vinin e shkonin drejt frontit të luftës të gatshëm për të sakrifikusar dhe dhënë jetën për lirinë e Kosovës.
Ky fakt ishte në kundërshti me atë se shqiptarët nga Shqipëria prej pasigurisë dhe traumës së ngjarjeve katastrofike të Vitit 1997 vetëm sa largoheshin nga Shqipëria, ndërsa nga Diaspora ktheheshin dhe vërshonin bijtë e Kosovës për Lirinë, për Shtetin dhe për Kombin shqiptar. Shumë nga vullnetarët me kombësi të huaj që kam regjistruar në Qëndrën “Drenica” në Durrës pasi unë Skënder KAPITI kam qenë shkruesi, sekretari i Qëndrës “Drenica”, më thonin se: Ne vendosëm t’i bashkangjitemi UÇK-së duke parë masakrat dhe genocidin serb mbi popullin shqiptar të Kosovës, por më shumë duke parë se si shumë e shumë bij të Kosovës linin punën, shtepine, biznesin dhe rehatinë në Perendim dhe shkonin në Luftë për lirinë e atdheut të tyre dhe të prindërve të tyre. Ata mbërrinin në Durrës dhe kërkonin nga shoferët e taksive dhe prej policëve të Portit të Durrësit që t’i dërgonin te Kafe e Hoteli “Drenica”, pasi ata e kishin mësuar, pare e njohur nga televizionet ne vëndet e tyre, se aty bëhej rekrutimi i vullnetarëve të UÇK-së.

Pronari i “Drenicës” së Durrësit, e cila, shërbeu si Qëndër e Rekrutimit të UÇK-së, dhe njëkohësisht pritësi dhe mobilizuesi, Gani KAPITI, në krye të vullnetarëve të UÇK-së të cilët mbërritën te QR “Drenica” Durrës, 13 Prill 1999





Populli i Kosovës para gjithë botës e tregoi edhe një herë tjetër ashtu si gjithmonë, ashtu si gjatë gjithe historisë së tij se shqiptarët e Kosovës janë popull me shpirt të madh kombëtar, heroik e luftarak.
Kontributi që ka dhënë diaspora kosovare është jashtëzakonisht i madh dhe i një rëndësie jetike pasi diaspora kosovare ka mundësuar mbijetesën dhe qendresën kombëtare të Kosovës. Ndihma e madhe e saj si financiarish, ekonomikisht dhe materialisht nuk lejoi pastrimin dhe as boshatisjen Kosovës, por jo vetëm kaq, por nga diaspora shqiptare erdhën dhe iu bashkangjitën edhe UÇK-së qindra e mijra vullnetarë nga radhet e saj.
Mediat ,gazetarët dhe televizionet më të medha botërore në bisedë që unë kam pasur me ta gjatë kohës së rekrutimit te luftëtarëve të UÇK-së te Qëndra e Madhe e “Drenicës” në Durrës më thonin se: ata dhe publiku i vendeve të tyre ishin të interesuar për UÇK-në, për luftën dhe për luftëtarët e lirisë pasi gazetat dhe emisionet televizive ishin “ngopur” me informacionet e debimeve te refugjatëve nga Kosova.
Perendimit i interesonte rezistenca dhe lufta e vetë shqiptarëve për çlirimin e Kosovës perderisa opinioni në perendim shprehej se: pse të ndërhyjnë ushtaret e vëndeve të huaja për të dhënë jetën për Kosovën, kur luften duhet ta benin vete shqiptaret se pari.




























Prandaj aktiviteti që është kryer te “Drenica” e Durrësit ka një rëndësi jashtzakonisht të madhe si pjesë e rëndësishme e historisë dhe e krenarisë kombëtare, per faktin se kombet e tjera do ta kishin pasur lakmi faktin dhe aktin e vecantë që treguan shqiptarët, atë të gadishmërisë së lartë për aktin sublim: për sakrifikimin e jetës për kombin e atdheun duke iu përgjigjur thirrjes së Vendlindjes Kosovë nga cdo cep i botës ku ata jetonin e punonin.
”Drenica“ e Durrësit ishte pika e referimit, takimit dhe e bashkimit të familjeve, familjarëve dhe të të afërmeve të tyre të dëbuar nga ushtria, paramilitarët dhe nga policia barbare e kriminale serbe; “Drenica” e Durrësit ishte edhe pika e komunikimit dhe e takimit të familjeve kosovare me bijtë, bijat, me vëllezërit e motrat vullnetare që vinin nga perendimi për t’iu bashkangjitur UÇK-së.

Skënder Sadri KAPITI

Vërëjtje: Artikujt e botuar në albaniapress.com nuk shprehin domosdoshmërisht mendimet e stafit moderues!
 
 
Vlerësimi juaj për lajmin
I keq I dobët I mirë Shumë i mirë I mrekullueshëm
 
Vlerësimi:
Jep vlerësimin tënd
Është vlerësuar nga 1 vizitorë
Lexuar: 390 herë
Versioni për printim Dërgoje tek miku/mikja juaj Shtoje këtë artikull në listën e favoritëve
 
 
Fuqitë ushtarake të palëve ndërluftuese g...
E shtun, 17 prill 2021 - 01:20
Lufta e Kosovës, paraqet ndeshjen ushtarake të qartë të demokracisë perëndimore, ku edhe ne Shqipëtarët aspirojmë më në fund të integrohemi dhe...
ENVER HOXHA TË SHPALLET KOMANDANT NDERI I U...
E premt, 16 prill 2021 - 00:41
RIBOTIM Duke u bazuar në fakte të pamohueshme sipas veprimtarisë së brezit të Enver Hoxhës dhe dokumenteve origjinale të pamohueshme origjinale n...
Skenari i rrezikshëm, për ndarjen e tokave ...
E mart, 13 prill 2021 - 22:00
Letër publike, Kolonel Dilaver Goxhajt I nderuari Shpëtim Golemi, po të drejtohem me nofkën e luftës, si Zëvendës Komandant i Shtabit të Përgji...
Një sqarim i detyruar për luftimin në Kosh...
E diel, 11 prill 2021 - 19:40
Si përherë, edhe në 9 prillin e vitit 2021 u përkujtua me madhështi të madhe, si asnjë luftim tjetër i UÇK-së, “fitroia” e një “beteje” ...
Arsyet e bombardimit të Jugosllavisë nga N...
E premt, 09 prill 2021 - 22:49
Në përgjithësi është trajtuar nga burime të ndryshme dhe arsye të ndryshme janë theksuar, disa herë edhe kontradiktore a të kundërta mes burimev...
më shumë nga - Histori »
 
 

© 2024 AlbaniaPress.com :: Agjensia Informative Shqiptare Ballina | Moti | RSS | Kontakti
Të gjitha të drejtat e rezervuara Programimi dhe dizajnimi i faqës: Arlind Nushi