Ballina
Lajme
Opinion
Intervista
Histori
Kulturë
Të ndryshme
English
Galeria
Libri i miqve
Dërgo lajme
Kush jemi ne?
Kontakti
 
RSS Furnizuesi
RSS Furnizuesi
   
 
Mëkatarja Europë dhe antishqiptarizmi, shovinizmi e genocidi sllavo-grek
Publikuar më 13 tetor, 2020 në orën 18:16 ( ) Opinion |
Rrit madhësinë e shkronjave
Jo vetëm historia shqiptare, por gjithë historia ballkanike dhe europiane duhet rishkruar. Historia serbe, greke dhe deri e gjithe historia europiane duhet rishikuar e shkruar sepse ato nuk janë histori të vërteta, por janë histori të shkruara si kanë dashur interesat europiane, greke, serbe e sllave.
Sidomos në lidhje me historinë shqiptare dhe të shqiptarëve janë bërë gënjeshtra, mashtrime, spekullime e deri edhe vjedhje dhe përvetsime të mëdha karshi historisë e trojeve shqiptare.
Tani, sidomos pas regjimit komunist shkenca dhe shkenctarët shqiptarë janë vënë në lëvizje dhe me punë e përkushtim të jashtëzakonshëm shkencor dhe akadamik po mundohen që të sjellin të vërtetat e mëdha të historisë së shkuar të shqiptarëve, si dhe të kultivojnë krenarinë e së shkuarës së shqiptarëve por që është shumë e vështirë që këto të kenë efekt te të huajt europianë të cilët janë po vetë ata që krijuan, mbështetën dhe ndërtuan Serbinë, Malin e Zi dhe Greqinë mbi trojet shqiptare, pasi trillimet dhe gënjeshtrat sllave e greke tashmë ia kanë arritur qëllimit që ata edhe e kanë mashtruar si edhe e kanë gënjyer edhe Europën.

Dhe si rezultat i gënjeshtrave por edhe të genocidit të ushtruar e të justifikuar me gënjeshtra dhe të pranuara nga europianët, ata ia kanë arritur që si fqinjë të shqiptarëve kanë pastruar dhe deshqiptarizuar mijra e dhjetra mijra kilometra katrorë troje shqiptare, kanë arritur që Ilirikun ta asimilojnë si në Veri, Jug dhe në Lindje.
Perveç njohjes, e çfarë rëndësie ka që të mburremi pse të parët tanë kanë nxjerrë perandorë, papë e shenjtorë, kryeministra e vezirë të cilët u kanë shërbyer Romës, Bizantit, Stambollit, Pavarësisë së Greqisë, Napolit, Venedikut apo edhe Vatikanit?!
Ilirët ishin më shumë si popull dhe si territor se sa Roma, mirëpo Roma i pushtoi, i persekutoi dhe i shperndau si skllever, dhe më pastaj dyndjet dhe ardhacakët sllavë, sllovene, boshnjakë, kroatë, malazez, bullgar e serbë i sllavizuan dhe asimiluan ilirët dhe Ilirikun Verior dhe atë Lindor.
Ndërsa Bizanti i mirëpriti sllavet dhe madje u fali atyre tokat arbërore duke iu falur dhe dhuruar edhe alfabetin qirilik që ata të kultivonin fenë oretodokse, kulturën, traditat dhe gjuhët sllave, dhe ndërsa shqiptarët ata që shpëtuan asimilimit mbetën pa kishë, pa alfabet dhe pa gjuhë e kulturë të shkruar,pa mbretëri e pa dinasti por të shpërndarë e të përçarë në krahinizma duke i shërbyer herë latinit napolitian e venedikas, herë anzhuinëve dhe herë bizantinëve, e carëve serbë e bullgarë.
Dhe kështu e gjeti Ilirikun dhe shqiptarët edhe osmanllia e cila e sundoi Ballkanin për 500 vite. Europa nuk i mbrojti shqiptarët as nga Car Dushani, as nga bullgarët dhe as nga osmanllia, por shqiptarët mbetëm të vetëm dhe të braktisur gjithmonë nga Europa.

Por shumë më keq e pësuan shqiptarët në fund dhe pas rënies së Perandorisë osmane, ku egërsia barbare mesjetare sllavo-serbe u rikthye në formën më barbare e më genocidiale të paparë që prej kohrave të kryqzatave mesjetare.
Europa imperialisto-kolonialiste me trojet dhe me popullin shqiptar bëri pazare e tregti për interesat e veta kolonialiste dhe imperialiste. Ajo ndërmori luftën kundër dhe për asgjësimin e Perandorisë Osmane me qëllim për të krijuar shtetet satelite te saj si Greqinë, shtetet e mëdha sllave ortodokse: Serbin e Malin e Zi si dhe për t’ia rrëmbyer Turqisë vendet e Afrikës Veriore dhe të Lindjes së Mesme.
Në këtë aventurë imperialiste të Fuqive të Mëdha të Europës vetëm kombi shqiptar mbeti jo vetëm i braktisur dhe i pa mbështetur por u bë pre e interesave imperialiste perandorake të Rusisë sllave, të Britanisë, Francës dhe Italisë.
Europa vetëm kur e pa se tashmë kërcënimi i vinte nga Rusia atëhere ajo në tavolinë me shumë zor u detyrua për të formuar një shtet shqiptar vertikal për të mos lejuar daljen në Adriatrik të Serbisë, pasi pas saj ishin synimet imperialiste antieuropiane të Rusisë.
Edhe Italia nuk ishte më pak antishqiptare se sa sllavët dhe grekët, edhe ajo donte privilegjet romake, donte Shqipërinë perendimore dhe atë të mesme të Venedikut e të Napolit, dhe kju u duk në vitin 1915 në marrëveshgen e fshehtë të Londrës për coptimin edhe të Shqipërisë londineze.

Dhe pyesim se çfarë shpërblimi e mirënjohje morën shqiptarët prej Europës?!
Pse nuk ndërtuan perandori, as mbretëri e as dinasti, as Kishë dhe as alfabet ilirët dhe as arbërit por ndërtoi Roma e Bizanti, Car Dushani e car bullgari si më vonë edhe u ngrit Perandoria Osmane mbi Ballkan dhe mbi trojet iliri-dardano-shqiptare te tij?!
Shkenctarë dhe studiues, shkrimtarë e opinionistë shqiptarë disa prej të cilëve po i përmënd si: Aristidh Kola, Eshref Ymeri, Bedri Tahiri, Vilhelme Haxhiraj, Rrustem Berisha, Aurel Dasareti, Pirro Prifti, Eleni Kocaqi, Fahri Xharra, Fahri Dahri, Resmi Osmani, Xhevahir Cirongu, Elvi Sidheri, Marin Mema etj., me punë e përkushtim të madh intelektual, patriotik e kombëtar po nxjerrin në dritë dëshmi për historinë kombëtare shqiptare, për padrejtësitë që u janë bërë shqiptarëve dhe trojeve të tyre, për autoktoninë dhe vazhdimësinë iliro-shqiptare të Iliriko-Ballkanit, si dhe po argumentojnë e vertetojnë me fakte pikerisht ato që kanë thënë në studimet e tyre edhe albanologë e shkencëtarë europianë, dhe kjo do të thotë se Europa dhe europianët e kanë ditur gjithmonë se shqiptarët janë populli më i vjetër.
Dhe a mos vallë tani Europa mos do të korigjojë atë padrejtësi që vetë ajo u ka bërë shqiptarëve sado që tashmë disa studiues të mirëfilltë dhe patriotë të vërtetë shqiptarë po e vënë Europën para përgjegjsisë për padrejtësitë e saj në të shkuarën.
Dhe pyesim se çfarë do të mundet, dhe a do të dëshironte Europa që të kompensojë shqiptarët për padrejtësitë që ajo u ka bërë atyre në të shkuarën?!
A nuk e shohim se si edhe sot Europa i mban shqiptarët padrejtësisht jashtë BE-së, dhe më shumë përkrahë edhe ata të cilët janë shumë pak ose aspak proeuropianë dhe jo shqiptarët që janë populli më pro europian në Ballkan?!

Është për t’u përshendetur puna me vlera të jashtëzakonshme dhe me rëndësi kombëtare, intelektuale, akademike dhe shkencore e studiuesve shqiptarë të cilët po sfidojnë idetë, platformt, gënjeshtrat dhe falsifikimet e akademive antishqiptare dhe shoviniste të Serbisë dhe të Greqisë dhe jo vetëm të tyre, por që këta shqiptarë letrarë e shkencorë të mëdhenj, fatkeqësisht dhe mjerisht ata as nuk mbështeten dhe as nuk financohen nga shteti shqiptar dhe që as nuk i përmendin madje as emrin Akademia (Injorante) e Shkencave e Shqipërisë dhe Kosovës.
A nuk është racizëm i Europës fakti se Shqipëria dhe Kosova nuk janë pranuar antarë të BE-së akoma, dhe jo vetëm kjo, por Shqipërisë nuk i hapen negociatat, dhe shqiptarët e Kosovës janë i vetmi popull europian që nuk i janë liberalizuar vizat dhe nuk lëvizin lirshëm nëpër Europë. Prandaj Europë, je mëkatare dhe u ke borxhe të mëdha shqiptarëve.

Skënder Sadri KAPITI

Vërëjtje: Artikujt e botuar në albaniapress.com nuk shprehin domosdoshmërisht mendimet e stafit moderues!
 
 
Vlerësimi juaj për lajmin
I keq I dobët I mirë Shumë i mirë I mrekullueshëm
 
Vlerësimi:
Jep vlerësimin tënd
Nuk është vlerësuar deri më tani!
Lexuar: 161 herë
Versioni për printim Dërgoje tek miku/mikja juaj Shtoje këtë artikull në listën e favoritëve
 
 
Akuza e Milaim Zekës e ngjashme me atë të ...
E shtun, 17 prill 2021 - 01:11
Lufta në Kosovë tregoi se atë e zhvilluan të varfërit, fshati dhe vegjëlia e qytetit. Ishin ata që rrokën armët e u sulën kundër robërisë me a...
Gazetaria dhe propaganda: Kontribut për vetÃ...
E premt, 16 prill 2021 - 00:33
Ka kohë që në hapësirën shqiptare, më ndjeshëm sidomos në Kosovë, gazetaria është shndërruar në instrument të propagandës së partive e klan...
Shpirti i racës tonë duhet të na bashkojë...
E premt, 16 prill 2021 - 00:26
Përçarja kur atdheut i kërcënohet rreziku nga fqinjë gjakpirës është armiku ynë më vdekjeprurës. Ne duhet t`i premtojmë njëri-tjetrit vëllazÃ...
MEMORANDUM PËR MBYLLJEN E MISIONIT TË UNMIK...
E merkur, 14 prill 2021 - 22:22
AKADEMIA SHQIPTARO-AMERIKANE E SHKENCAVE DHE E ARTEVE NË NJU-JORK, SHBA, MË 14 PRILL 2021, MIRATOI: MEMORANDUMIN PËR MBYLLJEN E MISIONIT TË UNMIKUT...
Unë e dua stuhinë dhe kam frikë nga heshtj...
E hn, 12 prill 2021 - 18:57
Shqipëria është kapur nga „Partia e horrave dhe hajdutëve“, banditët e së cilës të gjithë janë për skllavëri, për çdo të keqe, për çdo...
më shumë nga - Opinion »
 
 

© 2024 AlbaniaPress.com :: Agjensia Informative Shqiptare Ballina | Moti | RSS | Kontakti
Të gjitha të drejtat e rezervuara Programimi dhe dizajnimi i faqës: Arlind Nushi