Ballina
Lajme
Opinion
Intervista
Histori
Kulturë
Të ndryshme
English
Galeria
Libri i miqve
Dërgo lajme
Kush jemi ne?
Kontakti
 
RSS Furnizuesi
RSS Furnizuesi
   
 
Tufë poezish të lindura në kohë të pandemisë
Publikuar më 19 tetor, 2020 në orën 00:23 ( ) Prof. Bedri Tahiri | Kulturë |
Rrit madhësinë e shkronjave
.














KARANTINA

Sigurisht na është ber ves
Ta harrojmë prore historinë
Nuk e di kur ishte kështu
E gjithë bota në karantinë

Pa betejë, luftë a përleshje
Përveçse një si bubuzhel
Si gjyshja kur na frikësonte
Kur pa dritë, rrinim në terr

Një armik shumë misterioz
Mikroskopi nuk e kap dot
Na bëri të flasim me vete
U shndërruam në Donkishot

Sprovë e madhe për njerëzinë
Për më shumë paqe e dashuri
Mbase po lind një epokë e re
Kur ta mundim këtë epidemi

Galicë, 18 mars 2020

VIRUSI

Mbrëmë, seç më iku i ziu gjumë
Duke medituar për këtë zezonë
Mbushur plot e përplot viruse
Pa ditur se si t’i vë në rabush

Covid-19, i padukshëm fare
Frikën na e ka futur në palcë
I dyti, politika jonë mjerane
Për teke e inate na çoi n’grackë

Populli i ngratë, mbyllur brenda
Bën sehir dhe rri ashtu nemitur
Hip se t’vrava, zbrit se t’vrava
Dreqi na mori disi papritur

Virus t’mirë kurrë s’ka pasur
Ai luftohet veç me (im)unitet
Jo me përçarje e me babëzitje
Për pasuri, për karrige, për pushtet

Fare vonë, mu qetësua mendjeshkreta
Dilemën hamletiane sikur e godita
Virusin vdekatar, në rend të dytë
Ia pari, shkatërruesi ynë- POLITIKA

Galicë, 25 mars 2020

MJEGULLNAJË

Tashmë, ne që provuam luftën
Përjetuam e çka nuk përjetuam
Vrasje, djegie, dhunë, mjerime
Por, ia dolëm, dhe e mbijetuam

Por, sot, disi krejt më ndryshe
Gjithë bota në një katandisje
Mbyllje, izolim, në karantinë
Rrimë në ethe, pa shijuar lirinë

Ca thonë grip, ca virus misterioz
Dikush thumbit, dikush patkoit
Orë e qaste masa shtrënguese
Kjo po del luftë e shkuar lufte

Nuk po e njeh as qeni të zotin
Herë-herë harrojmë sëmundjen
Politika veç rrëmujë e piskamë
Populli përhumbur n’mjegullnajë

Galicë, 16 prill 2020

MËDYSHJE

Mund të vijë një ditë, që do të themi:
Ore, si u bë dje, na mbyllën në shtëpi
E ata (politikanët), harliseshin lirshëm
Vallë, mos dhe virusi qenkësh hilegji!

Mëdyshje që shpijnë deri te Çajupi
Kur Efgjeninë e humbur vajtonte:
-“Rroj pa shpresë, ndaj s’dua të rrojë
Se edhe Perëndinë tani s’e besoj”!

Por, jo, jo, ne s’jemi aspak skeptikë
Përkundrazi, shpejt kemi me ia dalë
Ama, mos i zbrisni gjithë nga bishti
Se u katandisët, u bëtë fare përrallë...

Galicë, 1 Maj 2020

PANDEMIA
(Motërzim)

Sërish për armikun e ri tekanjoz
Që na bëri të flasim me vetveten
Mbase edhe të tallemi keq me të
Pa e kuptuar asnjëherë të vërteten

Si det i trazuar përhapet valë-valë
Më rastisi të rri dhe me të sëmurë
Por kurrë nuk e mora seriozisht
Mund të më dalë dardhë me bisht

Nuk po e mohoj ekzistencën e tij
Por e mbaj vath në vesh një urti:
Mërzia dhe frika të rëndojnë kot
Ato nuk të ndihmojnë në jetë dot!

Viruset politikë më të bezdisshëm
Me sjelljet e tyre prej kameleonësh
Më bën që të shkas deri në blasfemi
Sa të them: Jo, ore, nuk ka pandemi!

Galicë, më 12 korrik 2020

TJETËRSIMI

Covid-19 papritur ndryshoi botën
Na vuri maska e na lëshoi mjekra
Fillikat, kaptuam male e bjeshkë
Sikurse dikur eremitët në Mesjetë

S’vëmi të njëri-tjetri, as për mort
Rrojmë n’kujtime të së shkuarës
Fare në tymnajë fati i së ardhmes
Lëvizim n’shëmbëllim të gaforres

Obobo, sa keq u katandisëm, ore
Të hutuar ecim, duke mërmëritur
Në heshtje shumëçka dhe harruam
Dhe, dalëngadalë seç u tjetërsuam

Galicë, 25.8.2020

Vërëjtje: Artikujt e botuar në albaniapress.com nuk shprehin domosdoshmërisht mendimet e stafit moderues!
 
 
Vlerësimi juaj për lajmin
I keq I dobët I mirë Shumë i mirë I mrekullueshëm
 
Prof. Bedri Tahiri
Shkrimet e tjera të këtij autori
Vlerësimi:
Jep vlerësimin tënd
Nuk është vlerësuar deri më tani!
Lexuar: 171 herë
Versioni për printim Dërgoje tek miku/mikja juaj Shtoje këtë artikull në listën e favoritëve
 
 
LEGJENDAT DHE NDIKIMI I TYRE NË JETËN SOCIO...
E enjt, 15 prill 2021 - 23:38
LEGJENDA Legjenda apo gojëdhëna është një tekst apo rrëfyes që tregohet në formë gojore nga populli. Zakonisht këto gojëdhëna, i kushtihen p...
NDËRMJETËSIME LETRARE
E mart, 13 prill 2021 - 22:06
Shtëpia Botuese “ARMAGEDONI”, në prishtinë nxori nga botimi librin: “NDËRMJETËSIME LETRARE – për krijimtarinë e Arif Molliqit”, me autor S...
Lavdi jetës dhe veprës së Enver Shqiptarit...
E hn, 12 prill 2021 - 18:46
.
Mjerimi i shkrimtarit në shërbim të polit...
E shtun, 10 prill 2021 - 18:39
(Gorki dhe Kadarea) Nuk është për t’u habitur që nuk kanë qenë të paktë njerëzit e letrave që i kanë shërbyer politikës dhe diktaturës. ...
Ja çfarë mendonte Faik Konica për Shqipër...
E premt, 09 prill 2021 - 00:54
Kush më mirë se Faik Konica mund të perifrazojë shqiptarët ashtu siå ato ishin dhe janë. Ai ishte jo vetëm një nga njerëzit më të ditur dhe më...
më shumë nga - Kulturë »
 
 

© 2024 AlbaniaPress.com :: Agjensia Informative Shqiptare Ballina | Moti | RSS | Kontakti
Të gjitha të drejtat e rezervuara Programimi dhe dizajnimi i faqës: Arlind Nushi