|
Historia tragjike e kombësisë shqiptare të Çamërisë tanimë nga të gjithë ne shqiptarët dhe të tjerët njihet botërisht.
Menjëherë pas shpalljes së pluriparticizmit, edhe në Republikën e Shqipërisë, kombësia shqiptare nga Çamëria u organizua në Shoqatën Politiko-Patriotike „ÇAMËRIA”.
Megjithatë, për shumë arësye, edhe përkundër aktivitetit shumë të dendur patriotik për sensibilizimin e çështjes çame, kombësia shqiptare nga Çamëria nuk arriti që, përmes Shoqatës „ÇAMËRIA”, të arrinte suksesin që e arriti përmes Partia Drejtësi dhe Integrim (PDI), të drejtuar nga Zoti Tahir MUHEDINI, përmes së cilës partie camët arritën që më në fund, krahas deputetit të Partisë Socialiste të Shqipërisë (PSSH), Zotit Shpëtim IDRIZI, ta kenë edhe deputetin tjetër çam, Zotin Dashamir TAHIRI, biznismen çam nga Vlora.
Por, menjëherë pas këtij suksesi të PDI-së, në skenën politike të kombësisë çame në Republikën e Shqipërisë na u shfaq Partia Drejtësi dhe Unitet (PDU), e kryesuar nga Zoti Shpëtim IDRIZI, i cili (ashtu si herave të tjera) mandatin e deputetit të Kuvendit të Republikës së Shqipërisë, edhe në zgjedhjet e fundit (të vitit 2009) e kishte fituar si kandidat i PSSH-së dhe jo si përfaqësues (kandidat) i partisë çame në Republikën e Shqipërisë, të Partia për Drejtësi dhe Integrim (PDI).
Kësaj partie iu bashkangjit edhe deputeti i PDI-së, Zoti Dashamir TAHIRI nga Vlora, dhe aktualisht në skenën politike të çamëve veprojnë dy parti politike çame.
Kryesia Qendrore e Frontit Demokratik të Bashkimit Kombëtar (FDBK), në një nga mbledhjet e saj të rregullta, ka diskutuar edhe për çështjen shumë shqetësuese në fjalë.
Dominoi mendimi se, nëse kombësia shqiptare e Çamërisë në Republikën e Shqipërisë, për gati dy degada përpjekjesh, më në fund arriti që në Kuvendin e Republikës së Shqipërisë, krahas deputetit të PSSH-së, më origjinë (nga babai) çame, Zotin Shpëtim IDRIZI, përmes Partia për Drejtësi (PDI), ta ketë edhe deputetin e saj të dytë, Zotin Dashamir TAHIRI, atëherë shtrohet pyetja se përse ndodh këtë përçarje?!
Kryesia Qendrore e FDBK-së, gjykon se kjo përçarje e kombësisë shqiptare nga Çamëria në dy parti politike (në PDI dhe në PDU), iu intereson dhe fryhet vetëm nga armiqtë e çështjes së pazgjidhur çame, sepse duke vazhduar kështu , të ndarë e të përçarë në dy parti politike (në PDI dhe në PDU), ne të FDBK-së jemi shumë të sigurt se në zgjedhjet e ardhshme kombësia çame në Republikën e Shqipërisë nuk do të arrijë ta fitojnë as edhe një deputet të vetëm.
Prandej, Kryesia Qendrore e FDBK-së, gjykon që, të dy partitë çame (PDI dhe PDU), duhet ta organizojnë një Kongres të Përbashkët, që do të duhej të quhej: Kongresi i Unitetit Kombëtar të Çamëve.
Kryesia Qendrore e FDBK-së dhe unë personalisht shprehim gadishmërinë tonë për të dhënë kontributin tonë modest për Kongresin e Unitetit Kombëtar të Çamëve në Republikën e Shqipërisë.
PËRPARA DREJT KONGRESIT TË UNITETIT KOMBËTAR TË CAMËVE...!
*Autori është kryetar i Frontit Demokratik të Bashkimit Kombëtar (FDBK).
Tiranë, më 04 shtator 2010
|
