|
Kryetari i Partisë për Veprim Demokratik, Riza Halimi, në një konferecë për shtyp sot në selin e PVD-së në Preshevë, ka shprehur gatishmërinë për formimin e koalicionit multietnik në komunën e Buajnocit duke e përfshirë edhe PVD-në, ndërkohë që në Pershevë, PVD sipas rezultateve preliminare është mundur bindshëm nga PDSH, me rreth 3000 mijë vota epërsi.
Halimi gjatë konferencës disa herë është kthyer në idetë e të së kaluarës duke përkujtuar formimet e koalicioneve të detyrueshme multietnike të viteve 2002 e këndej, duke mos përmendur në asnjë rast gjendjen reale, ku për herë të parë në historinë e Bujanocit shqiptarët fituan 30 ulëse nga gjithsej 41 në parlamentin lokal, dhe duke mos ia patur nevojën subjekteve serbe t’ia shtrijnë dorën për qeverisjen e pushtetit lokal.
Gjatë konferencës, Halimi disa herë përsëriti se subjektet politike shqiptare mund të formojnë koalicionin me partitë serbe, por nuk përmendi se shqiptarët përbëjnë shumicën apsolute prej 30 këshilltarëve.
Kryetari i PVD-së në as edhe një rast, nuk përmendi numrin e përgjithshëm të këshilltarëve shqiptarë në Komunën e Bujanocit, të dalë nga zgjedhjet e 6 majit dhe as mundësinë e formimit të koalicionit mes subjekteve politike shqiptare.
Ternoci press
|
