|
Shoqata Atdhetare për Identitet dhe Bashkim Kombëtar
Nr. 21 dt. 15. 05. 2013
Prishtinë
Nuk është e drejt deklrata e juaj kur thoni se KFOR-i është i interesuar të bashkëpunojë me çfarëdo mekanizmi i cili vepron në Kosovë, që kontribuon për një mjedisë të qetë dhe të sigurt, pavarësisht bazës ligjore me të cilën vepron ai mekanizëm, duke mos përjashtuar as “Mbrojtjen Civile”, organizatë e cila vepron në Veri e që institucionet e Kosovës e konsiderojnë si organizatë ilegale.
Zotëri komandant një deklaratë e tillë është e dëmshme dhe e rrezikshme, krijon konfuzion-huti dhe pasiguri në popullatën që jeton atje e në veçanti në atë popullatë joserbe.
Nuk na duhet një “ambient i qetë e i sigurt” çfarë kanë sjellë “Mbrojtja Civile” e të ngjashëm të tjerë si ajo sepse sikurse ne, edhe ju e dim se çfarë sigurije të sjellin këto struktura antiligjore dhe antikushtetuese, edhe sikur të jetë deklarata e juaj potez joshës strategjik politik nuk na duhet as ne as juve. z. Komandant, nuk ju bënë nder bashkëpunimi i Juaj- i KFOR-it me struktura të tilla ilegale.
Qëndrimi dhe veprimi i KFOR-it ashtu si ka qenë deri më sot duhet të jetë edhe më tutje, pra i pastër i drejt dhe i pa kompromisë kundrejt çdo të keqeje që vepron në Kosovë.
Është detyrë e institucioneve të Kosovës që të gjejnë mënyra dhe forma se si të integrohen këta pjesëtarë të këtyre strukturave të barikaduara dhe ilegale, ndërsa KFOR-i duhet të qëndrojë lartë dhe t’i ndihmojë institucionet e Kosovës, natyrisht edhe ato të serbisë që këto struktura të shuhen, dhe krimi i organizuar dhe format tjera kriminale të ndalen.
Duhet të kuptojmë të gjithë njëherë e përgjithmon se edhe ne këto rrethana në këtë pjesë të Kosovës si është Veriu i Mitrovicës nuk vlejnë ligjet e serbisë, prandaj çdo organizatë e krijuar në mbështetje të Qeversisë së Serbisë e që vepron në tokën e Kosovës është e jashtëligjshme dhe e pa pranueshme për institucionet e Kosovës.
Qëndrim Ushtarak i drejt i KFOR-it në këtë pjesë të trazuar të Kosovës është garantuesi i paqës dhe stabilitetit. Çdo bashkëpunim i llojit tjetër është i rrezikshëm dhe zgjon neveri dhe pasiguri te pala tjetër, kështu që edhe paqa është e brisht dhe e pa sigurt.
Për SHAIBK-në Ibush Hetemi, kryetar
|
