| LUGINA E LUGATËVE (III) |
| Publikuar më 04 nntor, 2011 në orën 02:44 ( ) |
Besnik Hysa | Opinion | |
|
|
|
Kur Tirana futet në valle me Beogradin për ndërrimin e identitetit kombëtar të Kosovës Lindore, shumë qartë i dihet fundi kësaj pune. Vetëpastrim etnik.
Pse të mos kritikohet Shqipëria, që parqet shembullin e paaftësisë 100 vjeçare e të qenit shtet. Ajo për 100 vite të ekzistimit, nuk arriti t’i thith në gjirin e vetë trojet e mbetura jashtë saj. E keqja nuk përfundon këtu, ajo as vet nuk është e zhvilluar dhe një ndër më të varfrat në Evropë. Duke i pasur parasysh këto si shqiptarë që jemi, duke e konsideruar atë si NËNË, jemi në gjendje që t’ia falim, por kur po e njëjta NËNË mundohet të na thotë se nuk jemi bijtë e saj, siç bëri me largimin e Flamurit nga Abetarja, mos vallë kërkoni ta lavdërojmë NËNËN që aq shumë e duam, sa që jemi në gjendje të flijojmë gjithçka për të! A nuk na tregoi Avni Rrustemi se si duhet të flijohemi për NËNËN tonë?
Kur gjermanët, francezët, amerikanët kritikojnë shtetin e tyre që i ka siguruar popullit mirëqenie shoqërore aq të lartë, përse ne shqiptarët mos të kritikojmë Shqipërinë e cila për shkak të politikës së saj feudale, jo që i ka lënë jashtë bijtë e saj më të mirë, por edhe vetveten e ka lënë në mjerim. Është kritika me vend ajo që i ka bërë shtetet më të zhvilluara në botë, që të jenë të tilla çfarë janë. Janë qytetarët e saj të thjeshtë, i vogël e i madh, që duke qenë syçelë ndaj qeverive dhe zyrtarëve të tyre i kanë çuar proceset politike në favorin vetanak, e kurrsesi heshtja që po mundohet ta bëjë Këshilli me zyrtarët e Tiranës që janë zënë me pelë për dore.
Derisa Këshilli thirret në mbrojtjen e identitetit shqiptarë, atëherë cili është identiteti më i fuqishëm përveç gjuhës që i dallon shqiptarët? Jemi mësuar me diskriminim nga Beogradi e përse të na diskriminoj tani edhe Tirana? A mund të quhet një padrejtësi e tillë politizim i Abetares. Pas fjalëve mos e politizoni fshihet e vërteta e këtij turpi e ajo quhet, heshtni TRADHTIN.
Por, ja që të vërtetën duhet thënë pa marr parasysh se a i pëlqen dikujt apo jo, me rëndësi populli duhet ta dijë, sepse në emër të tij gjithçka po bëhet. Në vazhdim keni shqipërimin e dokumentit dhe kopjen e origjinalit. Do të shihni se si diplomacia e shtetit shqiptarë dhe Këshilli i Galip Beqirit, ‘’lëshojnë pe’’ para një kërkesë të Ministrisë së arsimit serb, respektivisht Zharko Obradoviçit.
I nderuar,
Lidhur me letrën Tuaj, numër 650-02-01064.2010-06, më datë 11.02. 11, dërguar Këshillit kombëtar të pakicës shqiptare në Serbi, dhe pas bisedës me ekselencën e Tij, z. Millan Markoviç, Ministër për të drejtat e njeriut dhe të pakicave, qeverisje shtetërore dhe vetëqeverisje lokale si dhe ekselencën e Tij, z. Dimitrios Kypreos, shef i Misionit të OSBE-së në Beograd, kemi nderin që të Ju njoftojmë se organet kompetente shqiptare pajtohen me vërejtjet e shprehura në letrën, e të lartë përmendurit dhe që Abetarja dhe Fletorja e punës, do të riprodhohen, duke i larguar simbolet kombëtare dhe shtetërore.
Qeveria e Republikës së Shqipërisë, duke respektuar standardin e lartpërmendur do të i dhuroj 1000 (një mijë) Abetare, për nxënësit e pakicës shqiptare në Preshevë,Bujanoc dhe Medvegjë.
A M B A S A D O R
Shpëtim Çaushi
Dërgohet:
Ekselencës së tij, Millan Markoviç, OSBE-së dhe Galip Beqirit., Kryetarit të Këshillit të pakicës shqiptare.
Besnik HYSA
Bujanoc, 1878
|
Vërëjtje: Artikujt e botuar në albaniapress.com nuk shprehin domosdoshmërisht mendimet e stafit moderues! |
| Vlerësimi juaj për lajmin |
 |
|
|
|
|
| I keq |
I dobët |
I mirë |
Shumë i mirë |
I mrekullueshëm |
|
|
|
|
|
|
|
| |
|
| Është vlerësuar nga 38 vizitorë |
| Lexuar:
975 herë
|
|
|
|
|
|
|
