| REAGIM: MIKU I RI I SERBISË, SALI BERISHA , KËRKON RIDIMENSIONALIZIMIN, -APO REHABILITIMIN E MËTEJSHËM TË MIKUT TË VJETËR TË SERBISË, AHMET ZOGU! |
| Publikuar më 09 shtator, 2010 në orën 06:39 ( ) |
Fadil Shyti | Opinion | |
|
|
|
TIRANE- Kryeministri Berisha kërkon “ridimensionalizimin e figurës historike të ë Ahmet Zogut" në kuadër të 100 vjetorit të shpalljes së pavarësisë, 28 nëntor 1912.
“Është e domosdoshme, që krahas nderimit të veprës së pavdekshme të etërve të pavarësisë së vendit, një ridimensionim i rolit historik i Zogut të Parë. Pa mbretëri, mbase, pavarësia do të kishte qenë një akt iluziv i paqëndrueshëm. Ishte Zogu i Parë, Mbreti i parë i shqiptarëve çfarë nuk bëri që pavarësia të realizojë qëllimin e saj” - deklaroi në mbledhjen e sotme të qeverisë kryeministri Berisha duke urdhëruar dhe fillimin e përgatitjeve për festimet e 100 vjetorit.
http://www.balkanweb.com/kryesore/1/berisha-te-ridimensionohet-roli-i-mbretit-zog-46860.html
-Aspak, nuk na bën të habitemi, nga ky politikan i sëmurë nga gangrena e ideve të tij fashiste!
Për të gjithë shqiptarët me mend në kokë, kjo deklaratë është shkelje e rëndë nga parimet e vërteta të demokracisë shqiptare e cila i ka rrënjët e vërteta nga Revolucioni i Qershorit 1924, i drejtuar nga i madhi Fan Stelian Noli dhe dishepujt e shqiptarisë, tribunët popullorë Hasan Prishtina, Avni Rustemi Bajram Curri, Luigj Gurakuqi e shumë të tjerë, të cilët satrapi Ahmet Zogu i ndihmuar nga Serbia e Pashiqit, i vrau, brenda dhe jashtë atdheut.
Të deklarosh se: “ Ahmet Zogu, është zgjedhur me vota të lira të popullit, mbret i Shqipërisë, mirëpo, pastaj u pengua nga mbretëritë e Ballkanit”, -është hiç më pak se një marrëzi politike, kur dihet historikisht se, ky mbret i vetëshpallur atëbotë është përkrahur pikërisht nga vendet fqinje pa rezerva, si nga mbretëria SKS ashtu dhe nga mbretëritë tjera anti-populllore, të vendeve fqinje.
Nëse Sali Berisha e ka marrë si detyrë parësore rehabilitimin e mëtejshëm të sivëllait të tij politik, Zogut, është çështje e tij dhe e qeverisë së tij, që mund ta kenë në agjendat e politikës së tij pro-serbe, pro-greke dhe më tej në agjendat e tij pro-evropiane, të shekullit 19-të, -por, jam thellësisht i bindur se, kjo politikë reaksionare, kurrsesi nuk do ta ketë përkrahjen e forcave të vërteta demokratike, në Shqipëri –jo se jo; mirëpo, as në Ballkan, Evropë dhe në botë.
Kjo politikë e cila është vënë në shërbim të forcave më të errëta të asaj kohe, natyrisht, do ta ketë përkrahjen vetëm nga ato qarqe reaksionare si ajo e miqve të rinj të tij, me në krye Damir Fazlliqin dhe viqërve të tjerë, shqipfolës dhe të huaj që u ka marrë koka erë.
Si mund të deklarohet kështu ky sharlatanë politikë, kur dihet që, veç të tjerash krime që kishte bërë Zogu, gjatë sundimit të tij, me ndihmën e qarqeve reaksionare, dihet historikisht se, ishte mik i ngushtë i krye-fashistëve të Evropës: Hitlerit dhe Musolinit. Nga ky këndvështrim shtroj pyetjen, po si mund të ishte pra Zogu, personalitet që i shërbente demokracisë popullore, kur njëkohësisht, ishte dhe mbeti mik i përjetshëm i krye-fashistëve të Evropës dhe të Ballkanit?!
Kjo, do të ishte njësoj sikur të thuash, psh, se, “Sllobodan Millosheviqi, ishte i zgjedhur nga populli i tij dhe luftoi për një shtet demokratik në Serbi ”!!! Por, për kryeministrin e votave të kontestuara, mbase, kjo teori do të shkonte gjithsesi, sikur xhelati S.Millosheviq, të ishte gjallë, sigurisht, që, për të lidhur ndonjë marrëveshje tregtare me të, siç ishte ajo e naftës në vitet 90-ta. Kur bota e vuri në sanksione ekonomike, Serbinë, “e gjeti Luga, Vegshin”, agresorja e popujve liridashës, tregtonte me Sali Zinë!...
Prandaj, as kësaj radhe me këtë deklaratë prej papagalli, nuk po çuditemi, por pse të mos e themi me sinqeritet, -madje, sipas motivit të poezisë elegjiake noliane: vaj halli Shqipërinë dhe shqiptarët çka i gjeti, -se “sulltanin prapë e gjeti, -që kur e humbi s´fjeti”!...
Shqiptar, mos rri -po duku shqiptar!
-Do të jepte kushtrimin poeti i madh, Andon Zako Çajupi.
Suedi, 8. 09. 2010
|
Vërëjtje: Artikujt e botuar në albaniapress.com nuk shprehin domosdoshmërisht mendimet e stafit moderues! |
| Vlerësimi juaj për lajmin |
 |
|
|
|
|
| I keq |
I dobët |
I mirë |
Shumë i mirë |
I mrekullueshëm |
|
|
|
|
|
|
|
| |
|
| Është vlerësuar nga 84 vizitorë |
| Lexuar:
3,169 herë
|
|
|
|
|
|
|
